JEREMIA 12:3 - PATHIEN LEKHABU THIENGTHO (BSI)

³ Himahlele, Aw Lalpa nangin nei hechien a; nei mu a, nang lam ah ka lunggil na patep a, Amau chuh belam thah ding bang mai in luoi dawk inla, a thahna ding ni chuh guot in.

JEREMIA 12:3 ပူးပေါင်းရင်းမြစ်များ

JEREMIA 17:18

Ei sugimtheite chung achun zahchâkna tun sak inla, himahleh aw Lalpa, kei vang ei suzakcha ki’n. Amau haw chungah sietna tunsak in la; sietna thuohnih in amau sumangthai in.

2 LENGTE 20:3

“Aw Lalpa, Nanga dinga thutak leh, lunggil phabukim pua na ka sep sek zie leh, na mitmuha thilpha ka hih sek dân te kha, lungsiet takin hezing in!” a ti a. Tichun, Hezekia chu hah kah in a kap ta a.

JAKOB 5:5

Lei chung ahin nuomsa takin na um uh a, na nawpchen maimai uh a, na thah niu in, nuomchak na kisa mah mah u a,

SAM LEHKHABU THE PSALMS 17:3

Ka lunggil hi enchien inla, zan in nei hung vehtha leh chun le; Nei enchien a bangmah na mu puoh ngâla; Ka kam in gen khiel puo’n a ka ti chak kêi hi.

JEREMIA 50:27

A bâwngchal tuoi haw chuh that unla. a bawn in that vek un. A chung a gik na e! Ani a hung tung ta ngâla, amau haw gawtna ding ni ngêi chuh.”

SAM LEHKHABU THE PSALMS 139:23

Aw Pathien, gunchuh tak in ei en suok inla, ka lunggil hi he tie: Ei patep inla, ka ngaihtuohna haw hi he’n:

SAM LEHKHABU THE PSALMS 26:1

Aw Lalpa, ei vaihawm sak inla, lungthim phatak pun ka um ngâl a. Kilîng lo hiel in, Lalpa chuh ka gingcha a.

JOHAN 21:17

Chun, a thumveina chun Isu’n, “Simon, Johan chapa, nangin kei nei hehpih em?” ti’n a dawng kit a. Isu’n a thumveina a “Nangin kei nei hehpih em?” a kawma a tih ziek chun Peter chuh a lungkham a, a kawmah, “Lalpa, bangakai na he a, ka hun hehpih hi tih na hêi!” a ti a. Isu’n a kawmah, “Ka belamte enkawl ah.

JEREMIA 51:4

Kaldai gam achun thah in um untin, tichun puk un au, a khawlai haw achun sutlet hi’n au.

JEREMIA 48:15

Moab chuh sukmangthai in a um a, a khawpi chuh meikhu’n a leng mang zo tai; a tangval pha hawu chuh a puk zo tau, ti’n, Lal, a min Sepaihte Lalpa chun a tii.

JEREMIA 20:12

Himahleh, Aw Sepaihte Lalpa, mi diktatte pateppa, lungthim leh lunggil mulet sek pa; a chung u a na phuba lak chuh ei muhsak in. Na mitmuh ah ka chungchâng thu hi ka hun taklang ta ngâl a.

SAM LEHKHABU THE PSALMS 11:5

Lalpa chun mi diktat leh migilo chuh a patep sek a: Thagum suoh ngaina haw vang chuh a hinna chun a haw sek.

SAM LEHKHABU THE PSALMS 7:9

Aw, migilote gitlohna chuh hung tâwp hen la, himahleh, mi diktat vang chuh hihdet in. Pathien diktat tak chun lunggil leh lungthim a en chien zel sek in.

JOB LEHKHABU THE BOOK OF JOB 23:10

Himahleh amân ka lampi hawh chuh a he a, Ei patep tieng leh sana guolin hung kilang dawk ing ka.

1 KHANGTHUBU 29:17

Ka Pathien uh nangin lunggilte na patep sek a, diknate le na kipahpih hi tih ka heu a. Kei hin vang lunggil tak takin, zie thil haw hi kipâk takin ka hun pie a, zie a na mipite hin le, kipâk taka na kawma hun lân ka muh hin ka kipâk mah mah hi.

2 PETER 2:12

Himahlele, zie ganhing lunggelna neilo, mata sukmangthai mai dinga sa a piengte bang hin, thil a hetlohteu chuh a gensie sek ui. Zieziekchun, amau sietna ziekin beimang ding ahiu hi.

JEREMIA 15:15

Ziephet chun, ken “Aw Lalpa nangin na hechien a, ei hezing inla, ei hung veh in. Ei sugimtheite chung achun phuba ei lak sak in. Na zahngaihna ziekin ka hinna hi sumang hiel ki’n; Nang mah ziek a minsietna tuok ka hi tih he’n.

JEREMIA 17:16

Himahleh, aw Lalpa, a chunguh a thil phalo tun sak dingin ka hun sawl kha puoh ngâl a! A sietna dinguh ni le ka deih sak diek puoi tih le na hêi. Ka thugen haw le na he vek ngâl a.