JEREMIA 12:12 - PATHIEN LEKHABU THIENGTHO (BSI)

¹² Thalek tângsangte chuh pal tan in susie tute a hung u a; gam tawp langkhat apat a langkhat tiengin, Lalpa chemzâm chun ne zo ding ahi ngâl a, muonna nei kuomah a um ta puou hi.

JEREMIA 12:12 ပူးပေါင်းရင်းမြစ်များ

AMOS 9:4

A melmateu ma ah salin chieh mahleu, zie a chemzâm chuh thu pie’ng ka ting, amau haw sat lum intin, a phatna dinguh hilo in, a sietna dingun a chunguh ah ka mit hak ing ka ting.”

JEREMIA 47:6

Aw nang, Lalpa chemzâm, bang tik leh châwl ding na him? Nang leh nang na pai-ah kithun inla, kichawl inla, um hiet hiet in.

EZEKIEL 14:17

“Ahihloh leh, zie gam chunga chuh chemzâm ka leh a, ‘Chemzâm, che tie leh’ ka tih a, zie gama mi leh sa cheng chuh ka thah chun,

ISAI 34:6

Kithawihna belam leh kel thisan guolin, a chemzâm chuh, a thisan u leh a thauteu chun dim ina. Lalpa’n zie kithawihna chuh Bozrah khawpi ah a lân a, zie chun, Edom gam achun kithahna huoisie tak a umsak ta a.

THUPHUON 6:4

Tichun, sakawl dang, a san zat a hung pawt kit a; a chunga chu pa kawm achun, lei chunga kidona um sak a, mite kithah tuoh sak theihna thilhih theihna a pieu a; chemzâm hiem tak khat hile a pieu a.

ZEPHANIA 2:12

Nanguh Ethiopia mite le ka chemzâm a thah a um ding na hiu hi.

EZEKIEL 5:2

Mun thuma khena mun khat chuh huola a um sung nite a bukim tieng leh khawpi laia meia na hâl ding ahi a, mun thuma khena mun khat dang chuh lân na tin, khawpi kimvela chemzâma na sat nêl ding ahi; chun, mun thuma khena mun khat kit chuh huih tawhmang dinga na thehzak ding ahi a, zie nung chuleh ken chemzâm in delh zui ing ka.

JEREMIA 48:2

Moab minthanna chuh a bei ta a; Heshbon do na dingin thil sie a ngaihtuoh tau, ‘Hung un, nam khat a hihnau apat sumangthai hitiu,’ a tiu a. Aw Madmen, nang le sukthip a um ding na hi a; chemzâm in na nung ah hun delh zui ding ahi.

JEREMIA 34:17

Zieziekchun Lalpa chun hiti hin a tii: mitin in amah suohpih leh amah invengte kawma zalenna thu phuong ding in ka thu na awi puou a; ngaitiem u. ken na kawm u ah zalenna thu ka phuong hi Lalpa’n a tii; chemzâm te, hipi te, kiel te hin leichung a lalgam haw cheng lak ah nawh viel viel dingin hun um sak ding ka hi.

JEREMIA 15:2

Chun, khawi ah ka chieh mang ding um? ti a a hun dawt tieng u leh hiti hin dâwng in, Lalpa’n hiti hin a tii, ‘Hipi a thi ding haw chuh hipi kawmah, chemzâma thi ding haw chuh chemzâm ah; kiel a thi ding chuh kiel ah, saltâng dingte chuh sal ah,’ ti’n.

JEREMIA 3:2

Tang kawlh velvul lam akhun na mit thawlh viel inla, entie, a hun kuolpih loh na mun uh a um em? Gamthip a Arabia mi bang mai in, amau haw ngak in lamsîk ah na chu zing sek a. Na gitloh na leh na hûknate ziekin gam chuh a buok zo tai.

ISAI 57:21

Mi gilote ding chun muonna himhim a um puoi,” Lalpa’n a tii.

THIEMPUDANTE 26:33

Chun, nam dangte lak ah hun thehzak ing ka ting, ahun delh dingin chemzâm chuh zûk dawk ing ka; tichun, na gam u chuh a hawm in um intin, na khawpiteu chuh suksiet sa a nutsieh in um ina.

DAN NIHNA 32:42

Ka thal haw chuh thisan in sukham ka ting, Ka chemzâm in a taksa ne zo ina; Thahte leh galhing a matte thisan tawh melma lawiupate luchang apat in,’ ka tii, ti’n.

JEREMIA 3:21

Tang sang chai velvul chung haw achun thawm a um a, Israel chate kah thawm leh thil nget thawm chuh. Lalpa Pathien a hengilh u a, a umdan uh a thanhuoi tâk ziekin.

JEREMIA 4:27

Lalpa’n hiti hin a tii, Gam sung pumpi chuh hung hawm suok intin, mahleh sukmangthai vek hi puo’n a.

JEREMIA 16:5

Lalpa chun hiti hin a tii: “Lusûnna In ah lut ki’n la, sun dingin le chieh diek ki’n la; amau haw le kah diek ki’n. Zie mite lak apat hin ka lungmuonna ka lamang ta ngâl a, hehpihna leh lainatna tawh tih hi Lalpa kamsuok ahi.

JEREMIA 25:11

Tichun, zie gam pumpi hi a hawm in um in tin, tizat-um takin um ina. Khutichun, zie namte chun Babulon lengpa na chuh kum sawmsagih sem un au!

JEREMIA 30:5

Lalpa chun hiti hin a tii, “Thavaih aw ka zau a, dipdap um thawm ka za a, thamuonna aw hilo in!

JEREMIA 46:10

Zie ni chuh ahi, Lalpa sepaihte Lalpa phuba lak ni, a melmate chunga phuba a lâkna ni chuh. Chemzâm in hun that zo in tin, hun zo ding ahi. A thisan u chuh khawp set in dâwn intin, Sepaihte Lalpa chun mâllam a Euphrates lui pang achun tamtak a that lemlum mai hi!

SUNNA LA 3:17

Nangin ka hinna hi muonna apat gamla tak ah na kawih a.

EZEKIEL 21:4

Ka chemzâm chuh a pai apat in pawt intin, simlam apat mâllam chanin mihing chengcheng chuh gawt ina.

EZEKIEL 21:28

“Nang, mihing chapa, thu genlawk inla, hiti hin ti’n: ‘Lalpa Pathien chun Ammonte leh Israel a suohsalhnau chungchâng achun hiti hin a tii: Chemzâm, chemzâm sah dawk ahi tai, mi thahna dingin, mi sukmangna dingin nawtval ahi tai, kawlphe bang hiela vak zawt zawt dingin!

JEREMIA 8:15

Muonna I hawl u a, mahleh thilpha bang mah a hung tung puoi, ngaitie sukdam na hun ding le lungkhamna mai ahi.

EZEKIEL 21:8

Chun, Lalpa thu chuh ka kawmah a hung tung kita,

EZEKIEL 21:9

“Mihing chapa, genlawk inla, Lalpa chun hiti hin a tii: Chemzâm, tâthiem ahi a, chemzâm chuh nawtval ahi tai!