JEREMIA 12:1 - PATHIEN LEKHABU THIENGTHO (BSI)

¹ Aw Lalpa, na kawma ka phunchiek lai inle nang chuh na dik zing hi; mahleh, ka lung-awih lohna thu gen tho ing ka. Bangati a mi nunsiete lampi chuh lamzang sek ahi? Bangati a gukhah taka hih haw chuh nuomsa taka um sek ahiu hi?

JEREMIA 12:1 ပူးပေါင်းရင်းမြစ်များ

MALAKI 3:15

Chun, mi kiletsakte chuh mi kipâk ahiu a. Mi gilote chuh a kiphattheih chauh uh hilo in, a thilhih gitlohteu chun Pathien thuokhatna chuh a patep u a, tichun, a suokcha zel ui,” na tiu a.

SAM LEHKHABU THE PSALMS 92:7

Minunsie chuh hampa bangin a hung dâwn dawk u a, Thil phalo hihte chengcheng chuh a hung duoh u a; Amau chuh kumlekhuo a dingin hih mangthai in um ding ahiu ui tih hi.

SAM LEHKHABU THE PSALMS 37:1

Thil phalo hihte ziekin kisulungkham nuom ki’n la, Diktat lo taka hih haw chule awtcha diek ki’n.

DANIEL 9:7

Aw Lalpa, diktatna chuh nanga ahi a, kei hawn vang keimauhaw chung ngêi ah zahchâkna ka kitut tau ahi. Zie chuh Juda mite leh Jerusalem a chêngte leh Israel na nawhzakte, gamla leh naia umte chunga le a dik hi.

JOB LEHKHABU THE BOOK OF JOB 12:6

Suommangte puon-In a lawhting a, Pathien sulungna te chuh bit takin a um u a; A khut u ah pathien in tamtak a kawih sek hi.

HABAKKUK 1:4

Zieziekchun, dân chuh ngaihkhawk ahi ta puoh a, mattakloh a suok tai! Thudik a vaihawmna a um ta puoh a. Mi gilote chun mi diktat te chan changin, thu dik chuh heikawi ahi tai!

SAM LEHKHABU THE PSALMS 51:4

Na chungah, na chung maicha ah thil ka hihkhiel a, Na mitmuh in thil gilo chuh ka na hih ta a. Na thugen in thiem na chansak thei a, Vai na hawma demna bei na hih theih na’n.

SAM LEHKHABU THE PSALMS 37:35

Mi nunsie chuh nasa taka thu nei leh, Lebanon a Sidar sel duoh hut hut banga, a bawk biel buol pêt ka mu a.

ZEPHANIA 3:5

Himahleh, a sunga Lalpa chuh a diktat a, thil diklo hih puo’n tin, Zingkal chengin a vaihawmna a hih lang a, a supel kha ngei puoh a; Khutisa chun le, a sunga migilote chun zahchâkna himhim a he puou hi.

JEREMIA 11:20

Himahleh, “Aw Sepaihte Lalpa, diktaka vaihawm pa, sunggil lam leh lunggil patep sek pa; a chung u a na phuba lak chuh ei muh sak in. Ka chungchâng thu hi na kawmah ka hun vawp sak ngâl a.”

JEREMIA 12:6

Na suohpih, na pa inkawte ngêi chun, amau ngêi chun a hun thêm ta ngâl u a; amau chun a hun delhzui u a, ngeih tak in a hun sam u a. Thupha tak tak na kawmah gen mahleu le gingcha hiel kiu in.

JEREMIA 5:11

Israel inkuonte leh Juda inkuonte chuh ka chungah gukhah takin thil ahih ta ngâl u a, Lalpa’n a tii.

JOB LEHKHABU THE BOOK OF JOB 13:3

Mahleh, ka thu chuh Bangakai hihtheipa kawma gen ka nuom a, Pathien tawh kiniel nuom ka hi.

EZRA 9:15

Aw Lalpa Israel Pathien, nang na diktat ngâla, a um nalaite leh a suokcha te ka hiu a, tuni a na muh guol hin. Ngaitie, ka gitlohnau kipuok zingin na masang ah ka um u a, zieziek hin na masang ah kuomah ding thei lo ding ahi ngâla,” ka ti a.

HOSEA 6:7

“Himahleh, Adam guolin amau haw tawh ka thugawlh chuh a bawhsieu a, zie taka chun gukhah takin ka chungah ahih u a.

ISAI 48:8

Mi genhakte ti a heta um zing na hih ziekun, gingcha puo’n lau tih ka he him hi. Ziehaw chuh na bil u a a lut khâk loh ziekin, ziehaw hi na helo him uh ahi.

ISAI 41:21

Na thuu chuh hun gen tiem u leh, Lalpa’n a tii. Adik hi ti a na pansaknau chuh hun pawdawk un, Jakob Pathien chun a tii.

THUCHINGTE 1:32

Mimawlte chiehkhelh na chun amau chuh thih lawh untin, mingawlte nawpsak bawlna chun amau chuh susie ding ahi ngâl a.

SAM LEHKHABU THE PSALMS 145:17

Lalpa chuh a lampi chengcheng ah a diktat a, A thilhih na chengah mi lungsiet thei tak ahi.

SAM LEHKHABU THE PSALMS 119:137

Aw Lalpa nang chuh diktat na hi, Na vaihawm haw le a dik hi.

SAM LEHKHABU THE PSALMS 119:75

Aw Lalpa na vaihawm chuh a diktat hi tih leh, Nang in muon-um takin nei sugimthei hi tih ka hêi.

DAN NIHNA 32:4

“Amah suongpi chuh, a thilhih a phabukim; A umdan chengcheng a dik: Pathien ginum, adiklo hih lo, Thudik leh pha Amah ahi.

THILSIEMBUL 18:25

Nang hielin khutibang chun mi diktatte chuh migilo banga a umna dingun, mi gilote tawh suklup khawm hiel chuh hih guo sam puo’n na tin; leichung cheng chenga vaihawmpa chun diktak in hih lo ding na him?” a ti a.

NEHEMIA 9:33

Abang hileh, ka chung u a thil hung tung chengcheng ahin nang chuh na dika, nangin diktak in na nasem a, keihaw’n vang dik lo takin thil ka hih sek ui.

SAM LEHKHABU THE PSALMS 116:5

Lalpa chuh mi lungsiet thei tak leh diktat tak ahi a; Ahi, I Pathien u chuh zahngai thei tak ahi.

THUGENPA 8:14

Himahlele, zie chule bangmahlo mai ahi. A ziek chuh, khawvel a thil umte hi en in a châng leh mi dikte chun mi gilote thuok ding a thuok u a, mi gilote chun mi diktatte chan ding chuh a mu sek ui. Zie hile bangmahlo mai ahi.

JEREMIA 3:7

Chun, kei chun zie thil haw chengcheng a hih nung hin ka kawmah hung vaikit ina, ka ti a; mahleh a hung vaikit diek puoh a chun, a suohpih nu mithep hât Juda chun le a mu ta a.

JEREMIA 3:20

Zi ginumlo in a pasal a zawlsaih san bangin, Aw Israel inkuon te haw, ginum lo takin nei um san tau hi ti’n Lalpa’n a gen hi.

JEREMIA 9:2

Ka mite apat a ka taihmang theihna dingin, thalek ah mun nei leng ka nuom na e! Mi ginumlo ngen leh thep hât ngen ahiu a.

JEREMIA 32:16

Chun, Neria chapa Baruk kienga kichawkna lehkha ka piek zawh phet chun Lalpa kieng ah ka paucham a,

SUNNA LA 1:18

Himahleh Lalpa chu a dik a, ken la a thu ka zawp puoh ngâl a; Mipite haw ngaithau inla, ka lungkhamna hi en un. Ka tangvalteu leh ka nungak thiengtho hawu chu sala puih in a um tau hi.

EZEKIEL 18:25

“Ahi’n nangun, ‘Lalpa thilhih dân hi a kilawm puoi’, na ti sek u a. Aw Israel insung mite haw, ngaitiem u, ka hih dân akibang zing paw maw? Nang haw hih dân chuh a kilawm lo zaw hilo ahim?

JOB LEHKHABU THE BOOK OF JOB 8:17

Luicha pang a suong lak achun a zung a tha a, Suong cheng chuh a man a,

JOB LEHKHABU THE BOOK OF JOB 24:12

Khawpi achun mite chuh thi ding in a tau u a, A liemte aw chuh panpih ngaiin a kiko u a, Himahleh Pathien in a pauchamnau chuh a bengkhawn puoh a.

JOB LEHKHABU THE BOOK OF JOB 24:23

Bitna a siem sak u a, zie taka chun a châwl u a, A lampiu achun a mit a chu zing a.

SAM LEHKHABU THE PSALMS 51:6

Ngaitie, sunggil lam ahin thutak na deih sek a; Zieziekchun, sunggil lam ahin chitna nei hetsak inla.

DANIEL 9:14

Zieziekchun, Lalpa chun thil phalo chuh a en zinga, ka chung u ah a hun tunsak ta a; Lalpa ka Pathien u chuh a thilhih chengcheng ahin a diktat ngâla, a gen ka na ngai talo uh ahi.

MALAKI 2:17

Na thugenteu in Lalpa na suchawl zo tau a. Himahleh, nanghaw’n la, “Bangti’n a hi ka sukchawl uh?” na tiu a. Zie thu na genteu hin na suchawl ui: “Lalpa Bangkim hihthei chun, thil gilo hihte chuh a pha’n a ngai a, a deih ahi” na tih u leh, “Pathien diktak chuh khawia um ahi?” na tih nau haw ahin ahi, ti’n.