JEREMIA 11:8 - PATHIEN LEKHABU THIENGTHO (BSI)

⁸ Mahleh a zui puou a, a bil u le a dawh diek puou a: mitin chuh amah lunggil gitloh na dungzui in a um zaw tau hi. Zieziekchun, zie thugawlh thu a zuih ding u a ka piek hi a zawp nuom puou a, ziehaw chuh a chung u a ka hun tun sak ahi tai,” a ti a.

JEREMIA 11:8 ပူးပေါင်းရင်းမြစ်များ

JEREMIA 7:24

Mahleh, a ngaitha puou a, a bil u le a dawh diek puou a; a lungthim gilo uh sukkhauh in amau thu thu’n a um zaw tau a, malam zawt sangin a nungchawn zaw tau hi.

JEREMIA 7:26

Himahleh, ei ngaitha diek puou a, a bil u le a dawh diek puou a; a lunggil uh a sukhauh u a, a pileputeu sang khan a gilo zaw tau hi.

EZEKIEL 20:8

“Ahih ziekin ka chungah a hel u a ei limsak puou a. Mitin in thil tenum a etlah hawu chuh a paihmang puou a, Aigupta milim haw chuh a kiheimangsan diek puou hi. ‘A chung u a ka lungnatna butthaka, Aigupta gamsung ngeia chuh ka lungnat dân taka sawisak ding ahi tam’, ka na ti hiela.

JEREMIA 35:15

Ka nasem thiemgaute chuh chawllo in na kawm u ah ka hun sawl a: na umdan gilo u apat in hung kihei kit unla; na lampiteu chuh hei zang unla, pathien dangte na sem kiu in; tichun na pileputeu kawma gam ka piek achun cheng un lau, ti’n; Himahleh na ngaihsak puou a, na zui diek puou hi.

JEREMIA 3:17

Zie tieng chuleh Jerusalem chuh Lalpa lalchutphah min vawh untin, zie chun nam chengcheng chuh Lalpa min in Jerusalem achun hung khawm untin, a lunggil uh lung khauh na bang chun chieh ta puo’n au.

ZEKARIA 7:11

“Himahleh, ka mite chun a ngaitha nuom puou a, a lochal u a a zak theih lohna dingun, a bil uh ahim u a.

JEREMIA 44:17

Himahleh, kei u leh ei suonteu leh ka leng teu ka milien teu in Juda khawpi haw leh Jerusalem kawtthêl haw a a hih guol u khan, van lengnu kawma gimlim hâl, a kawma thilpiek sung dawkte, ka kamsuok bang zel u khan hih ngêi ung kau; zie lai khan a lamzang u a, nek le châk a kiting a, sietna himhim ka mu puou hi.

NEHEMIA 9:29

Chun, na dân lama na puihkit theih na ding in na hilhgaih seka; himahleh, chapo takin thil a bawl u a, na thupiek chuh a zui puou a, na vaihawmna kalh in thil gilo ahih u a (mi’n a hih leh a chîn den ding chuh) a chapo u a, a kisuluhlul u a, a ngaitha nuom puou hi.

NEHEMIA 9:26

“Himahlele, thu awilo in na chungah a kiphin u a; na dân a nungngat u a, nang lam a hun puihkit guo thiemgaute chuh a that u a, lungnat um takin thil a hih u a.

JEREMIA 13:10

Zie nam gilo, ka thu te ngaitha nuom lo a, amau haw lunggil tâk na bang a pathien dangte nasem leh ho dinga delh zuite hih zie kâwnggak bangmah a pang thei talo tawbang hi hung hi ding ahiu hi.

JEREMIA 31:32

A suonteu, Aigupta gam apat a puidawk dinga a khut uh a ka tuk ni a ka thugawlh bang kha hilo in, amau haw dinga a pasal uh tawbang himahleng, ka thugawlh a bawhsie ngâl uh a!

JEREMIA 32:23

A hunglut u a a luoh tau a; himahleh, na kamsuok a nit puou a, na dân le a zui diek puou a, hih dinga na thupiek haw le a hih puou a, zieziekchun, zie thil phalo haw cheng hi a chung u a na tunsak ahi hi.

JEREMIA 38:20

Himahlele, Jeremia chun, “Amau haw khuta piek hilo ding na hi, na kawma ka gen, Lalpa aw hi ngai mai in, khuti leh nanga dingin pha’n tin, na hinna le hawih a um ding ahi,” a ti a.

JEREMIA 44:5

Mahleh, a ngaitha diek puou a, a nunsiet nau haihsan a pathien dang te kienga gimlim hâl loh ding chuh a ngaihsak diek puou hi.

JEREMIA 44:16

“Lalpa min a ka kawm u a na thugen haw kha vang hung ngaitha puo’ng kau.

ZEKARIA 1:4

Thiemgau masate’n, na umdan gilo u kha tuhin kiheisan un la, na thil gilo hih hawu kha kilehheisan un, a tii, ti a na pileputeu a hilh sau ale ngaitha lo a, limsak lo bang khan um kiu in, tih hi Lalpa kamsuok ahi.

JEREMIA 7:13

Tuhin, zie thil haw cheng hi na hih u a, chawllo a na kawm u a thu ka gen te hi na ngaih takloh u a, ka hun sap a le nei dâwn loh ziek u hin Lalpa’n a tii.

JEREMIA 34:14

Mitin in a suohpih Hebrai mi a kawma suok a khawtsa chuh, kum gup a na a sep chun a kum sagihna tâwp achun a pawtdawk sak ding ahi ka tih ahi. Ahihziekin, na pileputeu in vang ei ngaitha puou a. a bil u le a dawh diek puou hi.

JEREMIA 35:17

Zieziekchun, Sepaihte Lalpa Israel Pathien chun hiti hin a tii; Ngaitiem u, Juda leh Jerusalem a chêngte chunga thil phalo hung tung ding a ka genlawk sate kha hun tun sak ing ka; a kawm u ah thu ka gen a, a ngaitha ngâl puou hi,” ti’n.