JEREMIA 11:4 - PATHIEN LEKHABU THIENGTHO (BSI)

⁴ Zie chuh na pileputeu Aigupta gama thik hâltuina mei apat a ka puih dawk ni a ka kamsuok ahi, ka thu zawp unla, ka thupiek chengcheng chuh zawp un, ti a ka thupiek chuh ahi. tichun ka mite hi’n na tin un, keile nang u dingin Pathien hi’ng ka.

JEREMIA 11:4 ပူးပေါင်းရင်းမြစ်များ

DAN NIHNA 4:20

Lalpa chun a mite, a go hiding in thik hâltuina apat, Aigupta gam apat chuh ahun puihdawk zawk na hiu hi, tu a na hih na bang u hin.

THIEMPUDANTE 26:12

Na laku ah cheng ing ka ting, na Pathien uh hing ka ting; nang haw le ka mite hi’n lau.

2 KORINTH 6:16

Milim haw leh Pathien Ho-In inle banga kituokna a neih uh? Eihaw vang, Pathien hing Ho-In I ngâl u a: Pathien in, “Kei, amau lak ah cheng ing ka ting, Amau tawh kitawn ing ka: Chun, a Pathien uh hi’ng ka ting, Amau haw le ka mite hi’n au,” a tih bang khan.

ZEKARIA 8:8

Chun, hun puikhawm ing ka ting, Jerusalem ah cheng tan au, Tichun, ka mite hiu in tin, Kei a Pathien uh hi’ng ka.”

JEREMIA 24:7

Tichun, Lalpa ka hi tih ei hetna dingun lungthim pie’ng ka ting, tichun, ka mite hiu intin, Kei a Pathien uh hi’ng ka ting; a lunggil tak tak uh pum in ka kawma hung vaikit ding ahi ngâl uh a.”

1 LENGTE 8:51

Na mi na goluoh, Aigupta gam apat, thik hâltuina sung apat a na puihdawkte ahi ngâl u a.

ZEKARIA 13:9

Tichun, amun thumna te chuh mei ah patep ing ka ting; dangkaguo sukthientho bangin amau hih thiengtho ing ka ting. Sana patep a um bangin amau chuh enchien ing ka. Zie tieng chuleh kei kawmah paucham untin, amau haw ngaitha’ng ka. Chun, amau chuh ka mite ahiu, ti’ng ka ting, amau haw chun, Lalpa chuh ka Pathien uh ahi, ti’n au,” tih hi Lalpa kamsuok ahi.

EZEKIEL 37:23

A milimteu, a thil tenumteu, a bawhsietna teu in kisubuok khata puo’n au: gitlohna a hihnau a chênna mun teu chengcheng apat chun hukdawk zaw’ng ka ting, silthieng ing ka: khutichun, amau chuh ka mite hi’n tin un, chun, kei a Pathien uh hing ka.

EZEKIEL 36:28

Khutichun, na pileputeu kawma ka gam piek achun chengin na. tin un, nang haw chuh ka mite hin na tin un, kei hi na Pathien u hing ka.

EZEKIEL 14:11

Tichun, Israel inkuonte chuh kei apat a a petmang tâk loh uh a, a bawhsietna teu cheng chenga a kisukbuok tâk lohna dingun, ka mite ahih zawk tak u a, a Pathien uh ka hih theihna dingin, Lalpa Pathien chun a tii, ti’n gen in,” a ti a.

EZEKIEL 11:20

Tia chuh ka dân siem haw a zuih u a, ka thutanna haw a zuih u a, a hih theih na dingun. Khutichun, amau chuh ka mite hi’n tin un; keile a Pathien uh hing ka.

JEREMIA 30:22

Chun, ka mite hi tau u’ntin. Kei a Pathien uh hing ka.”

JEREMIA 26:13

“Zieziekchun, tuhin na lampiteu leh na thilhih teu siemphau unla, Lalpa na Pathien u chuh a thu zawp un; tichun, Lalpa’n na chung u a thil phalo hih dinga a gen sa chuh lunghei kit ding ahi.

DAN NIHNA 11:27

Lalpa na Pathien u thupiek tu a ka hun piek haw hi na zuih u chun, nanguh a dingin vangsakna hi’n tin;

THIEMPUDANTE 26:3

“Ka dân guola na tawih u a, ka thupiek haw na zawp u chun;

THILSIEMBUL 17:8

Chun, nang leh na nunga na suonte kawm achun na malzinna gam Kanaan gam chengcheng hi kumkhuo go dingin hun pie’ng ka ting; chun, Kei hi a Pathien uh hi’ng ka,” a ti a.

HEBRAI 5:9

Tichun, bukim taka a um nung in, a thu zawpte chengcheng dingin, hukdamna bulpi a hung hi tai.

MATTHAI 28:20

Chun, thu ka hun piek chengcheng hi pawm dingin hilh un. Chun, ngaitiem u; Kei, kumkhuo’n, khawvel beih tiengin le na kawm u ah um zing ing ka,” a ti a. Amen.

ZEKARIA 6:15

Chun, gamla taka umte chuh hung un tin, Lalpa Ho-In sak kit na achun hung panpih un au. Tichun, Bangkim hihthei Lalpa chun ei sawl ngêi ahi tih he ta’n lau. Chun, Lalpa na Pathien uh aw chuh guntaka na ngaihthak sek u chun zie thu hi hungtung ngêi ngêi ding ahi, a ti a.

EZEKIEL 37:27

Ka bâwkcha le a kawm u ah um intin, a Pathien uh hing ka ting, amau chuh ka mite hi’nau.

JEREMIA 32:28

Zieziekchun, Lalpa’n hiti hi’n a tii: “Ngai ah, zie khawpi hi Kaldai te khut leh Babulon leng Nebuknezar khut ah pie’ng ka ting, amah chun kipuih ina.

ISAI 48:10

Entie, ka hun thit thieng na hi ta a, himahleh, dangkathîk sukthien tawbang hilo in. Gimtheihna meikuong a laka ka hun patep na hi.

1 SAMUEL 15:22

Chun, Samuel chun, “Lalpa thu zuih a a kipah guolin hâlmang thilpiek leh kithawihna haw hi Lalpa’n a kipahpih a ahim? Ngaitie, kithawihna sangin thu-awih a phazaw a, belamchal thau sangin a thu awihna chu a phazawi.

PAWTDAWKNA 20:6

ei hehpih a ka thupiek haw zawpte chuh suon sang tamtak chana le lungsietna latsak sek ka hi hi.

ISAI 30:6

Ziehi simlam a gamsate chunga chunggik na hungtung ding chuh ahi: “Buoina leh lungzînna adim gam achun, sakeibaknei-nu leh sakeibaknei humham leh gûl gu nei leh gûl leng theite umna gam achun; A neih leh lam teu chuh a sabiltungteu a puok sak u a, a sangawngsau teu chuh a sana leh dangkate chuh a puok sak u a, amau haw panpih theilo namte kawma chun a chieh u a.

JEREMIA 11:7

Nanguh hun suonte Aigupta gam apat a ka puihdawk ni apat tuni tieng hin ka pau kamsuok zawp un, ti’n zingpi a tho in amau haw chuh phachuomngai takin ka hilh seka.

JEREMIA 38:20

Himahlele, Jeremia chun, “Amau haw khuta piek hilo ding na hi, na kawma ka gen, Lalpa aw hi ngai mai in, khuti leh nanga dingin pha’n tin, na hinna le hawih a um ding ahi,” a ti a.

DANIEL 3:26

Tichun, Nebuknezar chuh hâltuina meipi kawtkhak achun a chieh to a, “Shadrak, Meshak leh Abednego te haw, nanguh Chungnung pên Pathien suokte haw, hung pawt unla, zie hin hung un,” ti’n a vak hopih a. Tichun, Shadrak, Meshak leh Abednego te chuh mei lak apat chun a hung pawt tau a.

DAN NIHNA 5:6

“Kei hi Lalpa na Pathien uh, Aigupta suok apat hun puidawkpa chuh ka hi.

2 LENGTE 18:6

Lalpa chu a tuchak kêi a, a thupiekte a bawhsie kha puoh a, Lalpa’n Mosi kawma thu a piekte chu pilvang takin a vawp zing sek hi.