JEREMIA 11:13 - PATHIEN LEKHABU THIENGTHO (BSI)

¹³ Aw Juda, na pathiente chuh na khawpi zah hielin a tam u a, thil zahchâk um tak, Baal kawma gimlim hâlna ding maichâm Jerusalem kawtthêl zah hiel na zahchâkna dinguh na siem tau a.

JEREMIA 11:13 ပူးပေါင်းရင်းမြစ်များ

JEREMIA 2:28

Na pathien siem te kha khawitak ah a um tau hi? Amau chuh tho u henla, na buoi na ah a hun hukdam thei kha mawh ding u? Aw Juda, na pathiente chuh Juda khawpite zah zet ahiu hila.

2 LENGTE 23:13

Chun, Jerusalem kienga Sietna Tang changlam panga Sidon Pathien kihdak-um tak, Asteroth a ding te, Moab te pathien kihdak-um tak Kemosh a ding te, Ammon suonte pathien kihdak-um tak Milkom a ding te, Israel leng Solomon in munsang a siem haw chu lengpa chun a subuok a.

HOSEA 12:11

Himahleh, Gilead a chun milim ho a hi zing a, a hote chuh thi tei ding ahi ngâl u a. Gilgal achun bâwngchalte a lân u a, himahleh, a maichâmteu chuh gamtalai laka suong sieh vum bang chauh hung hi ding ahi.”

JEREMIA 32:35

Chun, Ben-Hinom guom ah Baal munsangte chuh a sau a, a chanuteu leh a chapateu Molek kienga, mei a chieh pai a a paih theihna dingun; ziehi ka thupiek le ahi puoh a, ka lungthim ale ka gel kha diek puoi, Judate thil gilo bawl sak a nawp ziekuh ahi.”

JEREMIA 19:5

Baal kawma hâlmang thillat dinga a chateu a hâlna dinguh a a munsangte chuh a siem ziekun; zie chuh ka thupiek ahi puoh a, gen le ka gen puoh a, ka lunggil a le a um kha puoi.

JEREMIA 7:9

Gucha kawm in, tuolthat in, zawlsai leh lepchieh a kihâksiel in Baal kawma gimlim hâl in pathien dang na hêtkhâk loh uh na ho u a.

JEREMIA 3:24

Mahleh, zie thil tenum tak I khangdawng lai u apat ei suonteu in a sepgimnau chuh a ne zo tai; a belam guol teu, a chanuteu leh a chapa teu haw chanin.

ISAI 2:8

A gam u chuh milim pathien in a dima, amau haw khutsuok masang achun a bawkkhup sek uh a.

JEREMIA 11:17

“Sepaihte Lalpa nangmah hun phutpa chun, Israel inkuon leh Juda inkuon te gitlohna, Baal kawma gimlim hâla, ei suklungnat nau thil, amau sepdawk chunga thil phalo ding thu chuh a phuongdawk tai.”

JEREMIA 19:4

Kei ei kiheimangsan u a, zie mun hi a subuok u a, amau leh a suonteu leh Juda leng te’n le a hêtkhâk loh uh pathien dangte kawmah gimlim a hâl ziekun leh zie mun hi pawi khawih lo thisan a a sukdim tâk ziek un.

JEREMIA 44:21

“Juda khawpi haw leh Jerusalem kawtthêl haw a nang u leh na pileputeu leh na leng teu leh na milien teu leh gamsung a mipi himhim in gimlim a hâlteu chuh Lalpa’n hezing in a lunggil ah khum lo ding ahim?

JEREMIA 48:35

Moab gamsung a kithawih na gancha thilpiekte leh pathiente a dinga gimlim hâlte haw chuh, sukmangthai sak ding ka hi Lalpa’n a tii.

EZEKIEL 16:24

Nang dingin munsang haw na kisiem a, kawtthêl tin ah thawihmuol na kisiem nalai a.

HOSEA 9:10

Lalpa chun, Israel te ka muhdawk pat ni chun, gamgaw a grep bang mai ahiu a. Nang haw hun suonte chuh theipi gah min masa bang phet ahiu ui. Himahleh, Baal-Peor tângah a hung u a, zahchâk um takin a masang achun a kisuthiengtho u a, tichun, a pathien hoteu banga kihdak-um a hung hi tau hi.

2 KHANGTHUBU 28:25

Juda gamsung a khuo tin leh khawpi cheng achun gamdang pathiente kawma gimlim hâlna dingin milim pathien hona ding maichâm a siem a. Zie tawbang hin, a pulepate Pathien chuh a sulungna ta a.

JEREMIA 3:25

Zakcha’n kuol hitiu ie, I zahhuoi nau in ei khuh hen; Lalpa Pathien chung ah thil I hihkhiel u a, eihaw leh ei suon teu in I khangdawng lai u apat in tuni tieng hin Lalpa Pathien kamsuok I awih loh ziekun.

JEREMIA 17:1

Juda gitlohna chuh thik kawlawm leh suongmantam hiem haw a zik a hi a; a lunggil pêk hawu a chuh kuok hiela zik a hi a, a maichâm ki hawu achun tawh.

JEREMIA 18:15

Himahleh, ka mite chun vang ei hengilh tau a, milim pathien haw masangah gimlim a hâl tau a. Ziehaw chun a chieh na lampi hawu achun a kisuih sak a, lampi lui u chuh zui lo in, lampi neu haw achun a chieh tau hi.

JEREMIA 44:5

Mahleh, a ngaitha diek puou a, a nunsiet nau haihsan a pathien dang te kienga gimlim hâl loh ding chuh a ngaihsak diek puou hi.

HOSEA 10:1

Israel chuh grep bawk phatak, gahsuoh tak tawbang ahi a, himahleh, a gah suoh dungzui in maichâmte a supung zel ta a. A gam gahsuoh dungzui zelin, dawikhuom suongte a hihpung zel u a.