JEREMIA 11:12 - PATHIEN LEKHABU THIENGTHO (BSI)

¹² Chun, Juda khawpite leh Jerusalem a chêngte chun pathiente a kawm u a gimlim a hâl sek teu chuh sam un tin, mahleh, a buoinau ah ziehaw chun amau hukdam hiel puo’n a.

JEREMIA 11:12 ပူးပေါင်းရင်းမြစ်များ

JEREMIA 2:28

Na pathien siem te kha khawitak ah a um tau hi? Amau chuh tho u henla, na buoi na ah a hun hukdam thei kha mawh ding u? Aw Juda, na pathiente chuh Juda khawpite zah zet ahiu hila.

DAN NIHNA 32:37

‘A pathienteu khawia um ahiu a, A kiselnau suongpi, a dâwn dinguh thillat uain dawnte chuh?

ISAI 45:20

Namtin laka suokcha sunte haw, hung khawm unla, ei hun naih tiem u! a suokcha sunte haw, nangmau haw chiet ki-enchien dingin hung khawm un! Thing milim siemkawm kichawih a, hukdam theilo hiel pathien kawma paucham te chun bangmah a he puou ui!

2 KHANGTHUBU 28:22

A lungzînna a san deuh deuh phet chun, Ahaz hin Lalpa chungah thil a sukhiel deuh deuh mai ta a.

VAIHAWMTE 10:14

Na tel zawk uh pathiente chuh sam unla, amau chun na lungzînnau apat in hun hukdawk tau hen,” a ti a.

DAN NIHNA 32:38

A kithawihna thau teu ne a, A dâwn ding thilpiek uh greptui dâwn sekte chuh? A hun panpih dingin kipan tau hen la! Hun liehkhuh tau hen la! ti’n a.

JEREMIA 44:8

Na va chênnau Aigupta gama pathiente kawma gimlim hâl in, khawvel a nam cheng laka khenthak leh hansie dawl leh gensiet na hih na ding u leh, gawt chimit na hih na ding u a bang zieka na khut nasep ngêi u a nei suklungnat uh ahim?

ISAI 46:7

A liengko u a kawih dawkin a puu a, mun khat ah a kawih uh a; zie chun a ding a, himahleh, a umna mun apat chun a kichawn thei puoi. Mite’n amah chuh sam mahleu, a dâwng thei puoh a, a buoinau apat in le a hukdawk thei diek puoi.

JEREMIA 18:15

Himahleh, ka mite chun vang ei hengilh tau a, milim pathien haw masangah gimlim a hâl tau a. Ziehaw chun a chieh na lampi hawu achun a kisuih sak a, lampi lui u chuh zui lo in, lampi neu haw achun a chieh tau hi.