JEREMIA 11:11 - PATHIEN LEKHABU THIENGTHO (BSI)

¹¹ Zieziekchun Lalpa chun hiti hin a tii: Ngaitiem u, a chunguh ah thil phalo, a pumpelh loh hiel dinguh hun tunsak ding ka hi, ei sam un tin, mahleh dâwng lo ding ka hi.

JEREMIA 11:11 ပူးပေါင်းရင်းမြစ်များ

EZEKIEL 8:18

Zieziekchun, ken le lungna taka sawisa ding ka hi: gawt loh in kawih puo’ng ka ting, a chung u a zahngai lo hiel ding ka hi; ngeih tak in ka bil ah kiko leu le ana ngaitha puo’ng ka,” a ti a.

ISAI 1:15

“Tichun, paucham a na khutteu na zak tiengu lele hun kiheimang san ing ka ting. Tamtak vei na paucham tiengu lele hun ngaitha puo’ng ka; na khutteu chuh thisan in adim ngâl a.

THUCHINGTE 1:28

Kei ei hun sam un na tin, himahlele hun dâwng puo’ng ka; gunchuh takin ei hawl un na tin, himahlele ei mu puo’n lau.

ZEKARIA 7:13

Chun, hiti hi hung hi’n tin, ka sap lai a ei ngaihthak loh guol mah un, ken le a ei sap tieng u leh ngaitha lo ding ka hi, Lalpa’n a tii.

MIKA 3:4

Zie tieng chuleh Lalpa sam un tin, himahleh, amau dâwng puo’n tin: ahi, zie tieng chuleh a thilhih u a a hih phatloh zieu bang zelin amau apat in a mai sel ina.

JEREMIA 14:12

Anngawl mahleu le a kiko u chuh ngaitha puo’ng ka ting, hâlmang thilpiek leh buh leh bâl thillat a piek tieng u leh le pawm puo’ng ka; Chemzâmte, kielte, hipite’n amau chuh sumangthai zaw’ng ka,” a ti a.

2 LENGTE 22:16

Lalpa’n hiti hin a tii: Ngaitie! zie muna hin leh, a sunga chengte haw chunga hin, thil phalo tak hun tunsak ding ka hi. Juda leng in lehkhabu a thu a sim haw bang tak khan;

JEREMIA 11:17

“Sepaihte Lalpa nangmah hun phutpa chun, Israel inkuon leh Juda inkuon te gitlohna, Baal kawma gimlim hâla, ei suklungnat nau thil, amau sepdawk chunga thil phalo ding thu chuh a phuongdawk tai.”

JEREMIA 6:19

Aw leisiet a na ngaitha’n zie mite chung ahin sietna hun tun ding ka hi. A ngaihtuoh na hawu gah ngêi chuh, ka thute chuh a ngaihsak puou a; ka dân te chula a paih tha kei u a.

ISAI 24:17

Leichung a chêngte a ding in, Thil tizat-um te, Khuksekuo leh thângte’n a hun ngak hi!

SAM LEHKHABU THE PSALMS 18:41

Amau chuh a kiko u a, himahlele a hukdawk ding kuomah a um puou a: Lalpa mah chuh a sam u a, himahlele amah chun a dâwng puoh ngâla.

HEBRAI 1:3

Amah chuh Pathien lopina eng leh, Pathien hihna kibatpih ngêi, a thu thilhih thei taka bangakai vawp det pa chuh ahi. Mi chengcheng dinga gitloh ngaihdamna a siem nung in, van a, Pathien Bangakai hihtheipa khut changlam akhun a va chu ta a.

1 THESSALONIKA 5:3

“Muonna leh bitna” ti a a gen lai tak uh leh, numei nauhanat bangin, phulo-halo in, manthaina a chungu ah hungtung intin; suokcha hiel puo’n au.

AMOS 5:19

Sakeibaknei lau a taimang a, savawm kituokpih mi bang leh, ina lut a, bang chunga khut nga a, gul in a chuk bang chuh ahi.

EZEKIEL 7:5

Lalpa Pathien in hiti hin a tii. Entiem u, “Sietna apat Sietna” ahung tung hi, ti’n.

JEREMIA 36:31

Chun, a manlohna ziekun amah leh a suonte chuh gawt ding ka hi. Jerusalem a cheng te leh Juda mite chunga thil phalo tunsak dinga ka phuon haw kha hun tun sak ing ka,” a ti a.

JEREMIA 35:17

Zieziekchun, Sepaihte Lalpa Israel Pathien chun hiti hin a tii; Ngaitiem u, Juda leh Jerusalem a chêngte chunga thil phalo hung tung ding a ka genlawk sate kha hun tun sak ing ka; a kawm u ah thu ka gen a, a ngaitha ngâl puou hi,” ti’n.

JEREMIA 23:12

Zieziekchun, amau haw a dingin a chieh nau lampi chuh, thim lak lam nal haw tawbang hi’n tin; tak achun delh zui in um untin, kithawlh pai un au! A chungu ah thil phalo hun tun sak ding ka hi ngâl a! Amau haw gawtna hun ding kum haw chuh, tih hi Lalpa kamsuok ahi.

JEREMIA 19:15

“Israel Pathien, Sepaihte Lalpa chun hiti hin a tii: Ngaitiem u, ka thu ngaitha lo dinga a kisukluhlul ziek un, zie khawpi leh a khawpel haw chung ahin sietna ka gen haw kha hun tunsak ding ka hi” ti’n.

JEREMIA 19:3

Hiti hin gen in, “Juda lengte leh Jerusalem a cheng te haw, Lalpa thu hi ngaithau un, Israel Pathien, Sepaihte Lalpa chun hiti hin a tii. Ngaitiem u, zie mun ahin a za taphawtte bilngêk na hiel dingin thil phalo hun tunsak ing ka.

JEREMIA 15:2

Chun, khawi ah ka chieh mang ding um? ti a a hun dawt tieng u leh hiti hin dâwng in, Lalpa’n hiti hin a tii, ‘Hipi a thi ding haw chuh hipi kawmah, chemzâma thi ding haw chuh chemzâm ah; kiel a thi ding chuh kiel ah, saltâng dingte chuh sal ah,’ ti’n.

JEREMIA 11:14

Zieziekchun, ziehaw hi ngetsak ki’n la, amau dingin aw suoh in paucham sak diek ki’n; a buoi tieng u leh ei sap u chuh ngaitha lo ding ka hi ngâl a, ti’n.

THUCHINGTE 29:1

Kuole, hilhgaih a um zing sa ale, a lungthim hihkhauh tei tei chuh, thakhat a suksiet in um intin; sukdamna um kit ta puo’n a.

SAM LEHKHABU THE PSALMS 66:18

Ka lunggil a gitloh na ka ngaihsak chun Lalpa’n ei ngaitha puo’n a:

2 KHANGTHUBU 34:24

zie Lalpa thugen te hi va hilh dingin a sawl kit ta a: “Jerusalem leh a mipite chu, leng zaka lehkhabu kisima kizik hansie chengcheng chun gawt ding ka hi.

JOB LEHKHABU THE BOOK OF JOB 35:13

Pathien in ngetna dukdaklo chuh ngaitha puo’n tin, Bangakai hihtheipa chun ngaitha diek puo’n a.

JEREMIA 14:2

Juda chun a sun a, a kulh kawtkhakte chule a ngui a. Leituol ah a puon vawm uh khu’n a chuu a, Jerusalem kah thawm chuh a chieh to tai.

JEREMIA 18:11

Zieziekchun Juda mite leh Jerusalem a chêngte kawm achun, Lalpa’n hiti hin a tii; Ngaitiem u, na chung u ah thil phalo ka gel a, na chunguh ah thil ka guonggalh a, tuhin mitin in a umdan phalo teu taihsan u hen la, na umdan u leh na thilhih teu siemphau in, va ti phawt in.

JEREMIA 25:35

Belampute chun taihmang na ding nei puou un tin, belam hawn enkawlte chun le pumpelhna ding nei diek puo’n au!

SUNNA LA 2:22

Lalpa lungnatna ni a chu kuomah a suohchak loh na ding leh, nutsieh ahihloh na dingun Kutpi ni bang mai in, ka melmateu chu ning tin apat na samkhawm a; Na lungnatna ni chun taidawk leh suokcha himhim a um puoi. Ka dâwn tei uh, ka etkawl lai uh ka chateu chu melma te’n ei thah sak tau hi.

EZEKIEL 14:3

“Mihing chapa, ziete haw hin a lungthim u ah milim a la lut u a, a gitlohnau chuh a kisuih pukna ding un a masang u ah a kawih u a; amau chuh ka dâwn ding a gingchau-a ahim?