JEREMIA 11:10 - PATHIEN LEKHABU THIENGTHO (BSI)

¹⁰ A pileputeu, ka thu ngaitha nuom lote thulimlohna lam achun a vaikit u a; pathien dangte nasem dingin a chieh u a, Israel inkuon te leh Juda inkuonte chun a pileputeu kawma ka thugawlh chuh a bawhsie tau hi.

JEREMIA 11:10 ပူးပေါင်းရင်းမြစ်များ

DAN NIHNA 31:16

Chun, Lalpa’n Mosi kawma chun, “Ngaitie, na pilepute kienga ipmu ding na hi ta a, zie mite hi kipan untin, a va umna dingteu gama pathiente chung achun zawl ei saihsan intin un, ei ngaihsak puo’n tin un, amau tawh ka thuthun chuh bawtsie’n au.

EZEKIEL 16:59

Khutichun Lalpa Pathien chun hiti hin a tii: “Thuthun bawhsie a thutiem na khawksakloh guola na chunga hih ding ka hi.

1 SAMUEL 15:11

“Saul lenga ka na siem chu ka kisik ahi; ei zuihna apat a a kinunghei a ka thupiekte a zawp loh ziekin,” a ti a. Chun, Samuel chu a lungna a, zankhuo’n Lalpa chu a sama.

VAIHAWMTE 2:19

Himahlele, hiti hi a hi a, amau puihuoi pên chuh a thih tieng leh a nungchawn kit sek u a, pathien dangte nasem in leh chibai bûk in, zie thu a hin a pileputeu sangin a hung sie zaw tau a; a thilhih sek teu leh a genhak nateu chuh a haihsan loh ziek un.

VAIHAWMTE 2:17

Khutisa chun le a vaihawmteu thu chuh a pawm puou a, pathien dangte kawmah zawl a sai u a; a masang u ah a khun zaw tau a, a pileputeu in Lalpa thupiek te pawm a a hawh sek uh lampi chuh a petsan pai zieng tau a.

HEBRAI 8:9

A pulepateu Aigupta gam apat a puidawk dinga a khut uh a ka tuk ni a, A kawmuh a ka thugawlh bang kha hilo in; Ka thugawlh achun a um zawm puoh ngâl uh a, Tichun, amau haw chuh ka dâwn takloh a hii, Lalpa’n a tii;

ZEPHANIA 1:6

Kei ei kiheimangsan a, ei zui lote leh, amau haw pui dinga ei dawng lote chuh sumangthai ding ka hi,” ti’n.

HOSEA 6:7

“Himahleh, Adam guolin amau haw tawh ka thugawlh chuh a bawhsieu a, zie taka chun gukhah takin ka chungah ahih u a.

EZEKIEL 44:7

Ho-In chuh gamdang mi, zektan loh te chuh lut sak in a hihbuok uh a, kithawihna thau leh thisan te chuh ka kawma lat a hihlai in, ka thu ngailote chuh Ho-In achun a lut u a. Khutichun, ka mite chun, a thil kihdak-um hihteu chun ka thugawlh a bawhsieu hi.

SAM LEHKHABU THE PSALMS 78:57

Himahleh, a kilehhei u a, a suonteu bangin gukhah takin a hih zaw tau a; Thalpi lung kâwi tawbang in a chieh kâwi u a.

DAN NIHNA 9:7

“Gamthip a Lalpa na suklungnat sek dân u kha hezing unla, hengilh kiu in; Aigupta gam apat na pawt niu apat a zie mun hi na hung tun chan u khan Lalpa chungah na hel zing ngâl u a.

THIEMPUDANTE 26:15

Ka dân zawp nuom lo a, na hinnau in ka vaihawmte a hawt a, ka thupiekte leh nang haw tawh ka thugawlh na bawhsiet u chun,

ZEKARIA 1:4

Thiemgau masate’n, na umdan gilo u kha tuhin kiheisan un la, na thil gilo hih hawu kha kilehheisan un, a tii, ti a na pileputeu a hilh sau ale ngaitha lo a, limsak lo bang khan um kiu in, tih hi Lalpa kamsuok ahi.

HOSEA 7:16

A kilehhei kit u a, Chungnung pên pa kawmah hilo in, Thalpi kâwi banga mattakloh ahiu a, a vaihawm teu chuh huoisie taka thah in um untin, a muh u a heksietna ziekin a lengteu chuh chemzâm a thah in un tin; Aigupta te chun nuihsan un au,” tin.

HOSEA 6:4

Himahleh Lalpa chun, “Aw Ephraim, bang ka hun lawh die? Aw Juda, bang ka hun lawh ta die? Nei lungsietnau chuh zingkala tuimei leh dâitui mang pai zieng sek bang hi a hi ngâl a.

JEREMIA 31:32

A suonteu, Aigupta gam apat a puidawk dinga a khut uh a ka tuk ni a ka thugawlh bang kha hilo in, amau haw dinga a pasal uh tawbang himahleng, ka thugawlh a bawhsie ngâl uh a!

VAIHAWMTE 2:11

Chun, Israel chate chun Lalpa mitmuh in thil gilo a hih u a, Baal na a sem u a.

JEREMIA 7:28

Chun, a kawm u ah, ‘Zie nam hi Lalpa a Pathien uh aw ngaitha lo leh thununna dâwnglo nam ahiu hi,’ ti’n na tin. Thudik a mangthai ta a, a kam u apat paihmang ahi tai.

JEREMIA 9:6

Na chênna chuh kithepna lak ahi a, kithepna ziekin ka mite’n kei ei he nuom puou hi, tih hi Lalpa kamsuok ahi.

JEREMIA 13:10

Zie nam gilo, ka thu te ngaitha nuom lo a, amau haw lunggil tâk na bang a pathien dangte nasem leh ho dinga delh zuite hih zie kâwnggak bangmah a pang thei talo tawbang hi hung hi ding ahiu hi.

JEREMIA 17:23

Himahlele, amau in a ngaitha puou a, a bil uh le a dawh diek puou a; thununna thu chuh a muh uh a, a het lohna dingun a lunggil uh a sukhauh zaw ngâl uh a.

JEREMIA 44:5

Mahleh, a ngaitha diek puou a, a nunsiet nau haihsan a pathien dang te kienga gimlim hâl loh ding chuh a ngaihsak diek puou hi.

JEREMIA 44:16

“Lalpa min a ka kawm u a na thugen haw kha vang hung ngaitha puo’ng kau.

EZEKIEL 5:6

Chun, namte sanga khawk zaw a gitlohna bawl in, ka vaihawm chungah a hel u a, a kimvela gamte sanga khawk zaw’n ka dân siem chung a hel in, ka thutanna haw chuh paih tha’n ka dân siem haw chuh a zui puoh ngâl a.

ZEKARIA 7:11

“Himahleh, ka mite chun a ngaitha nuom puou a, a lochal u a a zak theih lohna dingun, a bil uh ahim u a.

ZEKARIA 7:13

Chun, hiti hi hung hi’n tin, ka sap lai a ei ngaihthak loh guol mah un, ken le a ei sap tieng u leh ngaitha lo ding ka hi, Lalpa’n a tii.

ISAI 24:5

Lei hi a chunga chêngte ziekin a pawlhcheh zo ta a; Pathien danhaw chuh a bawhsieu a, kumlekhuo a thugawlh chuh a bawhsiet tâk ziek un.

JEREMIA 22:9

Chun, amau chun, “A Pathien uh Lalpa thugawlh chuh a taihsan u a, pathien dangte a ho u a, a na a sep ziekuh ahi,” ti’n dâwng un au.