JEREMIA 10:7 - PATHIEN LEKHABU THIENGTHO (BSI)

⁷ Aw namte leng, kuo a nang hun kihchalo ding? Zie chuh nangin na phu him a. Namte miching haw lak leh lalgam haw laka le, nang tawbang kuomah a um puoi.

JEREMIA 10:7 ပူးပေါင်းရင်းမြစ်များ

THUPHUON 15:4

Aw Lalpa kuo a na min zah lo a, Pakcha lo ding? Nang mai a Thiengtho na hii; Na thilhih diktatte chuh a kiphuon tâk ziekin, Namtin cheng chuh hung in, Nang hun ho un au,” tih hi a sau a.

SAM LEHKHABU THE PSALMS 22:28

Chungnunna chuh Lalpa a ahi a: Namtin chunga vaihawmpa ahi ngâl a.

JEREMIA 10:6

Aw Lalpa, nang tawbang kuomah a um puoh a, Na lopi a, na min chuh thilhih theihna’n a lopi hi.

JEREMIA 5:22

Nei kihcha puou maw? Lalpa’n a tii. Ka masang ahin kithing lo ding na hiu maw? Kei hi luipi guom panga dinga sehpho kumlekhuo a a let loh na dinga siempa chuh ka hi.

SAM LEHKHABU THE PSALMS 89:6

Van dum akhun Lalpa tawh tehkal theih ding kuo a um a ahim? Van mite laka khun Lalpa tawbang kuo a um?

LUKE 12:5

Amahvang chuh, na lauh ding pên u chuh hun hilhkhawl ing ka: a thah nung ale, gawtmun a paih lut theihna ding thuneihna neipa chuh lau un, ka hilh na hiu hi, amah chuh na lauh dinguh ahi.

ZEKARIA 2:11

Zie hun tieng chuleh, namtin in Lalpa lam hun zuon tau un tin; a mite hung hi ta’n au. Na laku ah cheng ing ka ting, tichun, na kawm u ahin amah ngêi in ei sawl ahi tih he ta’n la.

ISAI 2:4

Chun, amah chun namte kal ah vaihawm intin, a chemzâmteu chuh lei lehna dingin sêk un tin, a tiengchateu chuh theikung vathahna chemcha dingin sêk un au. Nam khatin nam khat do dingin chemzâm pan ta puo’n tin uh galdo dân le zil diek ta puo’n au.

SAM LEHKHABU THE PSALMS 86:9

Aw Lalpa, na siem namtin cheng te chu hung untin, na masangah hung kûn untin; Tichun na min chu hun pakcha’n au.

SAM LEHKHABU THE PSALMS 76:7

Himahleh, nang mah ngêi chu kihchak ding na hi a; Na lungnat phawt leh kuo a na masanga ding thei ding?

SAM LEHKHABU THE PSALMS 72:11

Ahi, leng chengcheng chuh a masang ah khupbawk u henla; Chun, namtin chengin a na sem u hen.

THUPHUON 11:15

Chun vânsâwlchâk sagihna chun a pengkun chuh a vak mût a, tichun, van apat in aw ngeih tak in, “Khawvel gam hih I Lalpau leh Krista gam a hung hi tai, amah chun kumkhuotuong in vaihawm ina!” a hun ti a.

1 KORINTH 8:6

Ei u dingin vang chuh, Pathien khat mai, Pa chuh a um a, amah chuh Bangakai Siempa ahi a; amah dingin I hing u a, chun, Lalpa khat mai a um a; Isu Krista chuh, thil chengcheng hi amah vanga siem a hi a, ei u le amah vangin I hing uh ahi.

PAWTDAWKNA 8:10

Chun, amah chun, “Zing a ding in hi hen,” a ti a. Mosi chun, “Na thu bang chun hi hen; tichun Lalpa ka Pathien uh tawbang himhim hi kuomah a um puoi tih he’n la,

PAWTDAWKNA 9:14

Tuchung hin vang nang leh na suokte chung leh, na mite chung ahin hi chitin lênsak ding ka hi; tichun, leichung pumpi ahin Kei tawbang kuomah a um puoi tih hun he’n la.

JOSHUA 4:24

Leichung a namtin chengin Lalpa khut hi a na hât ahi tih a het theih u a, Lalpa na Pathien u chuh kumlekhuo a a kihchak theihna dingun,” ti’n a gen a.

ESTHER 1:13

Khutichun, leng chun miching te, hun umdan he mite kawm a chun (dân leh vaihawm dân he chengcheng te chuh zie tawbang chun leng in a dawt sek him ahi;)

DANIEL 2:27

Daniel chun leng chuh a dâwng a, a kawmah, “Thil kisel, leng in het a nawp chuh miching te, phunsân-thiemte, mitvaidawi thiemte, aksi lam chanchin hete chun leng kawmah a etsak thei puoh ngâl u a:

DANIEL 2:28

Mahleh thil kiselte phuong theipa Pathien chuh van ah a um a, leng Nebuknezar hi tunung a thil hung um dingte a hetsak ahi hi. Na mang leh na kuol laia na muh kilâknate chuh ziehaw hi ahi:

HABAKKUK 3:2

Aw Lalpa, na thilhihte chuh ka na heta a, maksakna’n ka dim tai. Thil lopi takte na hih sek kha, zie kum haw hun sung hinle hih kit in. Na lungnat inle, ka chungu ah zahngai tei in.

MALAKI 1:11

Ni suohna apat ni tumna tiengin Jentel te lak achun ka min chuh a lopi ngâla. Mun tin a a umnau chengah gimlimte ka kawma hâl in, kithawihna pawmtâkte a lân u a!

2 LENGTE 17:39

Kei, Lalpa na Pathien uh thu hi na zawp dinguh ahi a; tichun, na melmateu chengcheng khut apat in hun hukdawk ding ka hi,” ti’n.

1 KHANGTHUBU 16:25

Lalpa chu a lopi a, nasa taka pahchak tâk pên ahi ngâla; pathien chengcheng sanga zah ding ahi.

SAM LEHKHABU THE PSALMS 47:3

A man mitin chuh I nuoi u ah kawihniem intin, Namtin chuh I keng nuoi u ah kawihniem ina.

SAM LEHKHABU THE PSALMS 86:8

Aw Pathien, pathien lak ah nang tawbang a um puou hi; Na hih tawbanga hih le a um diek puou hi.

SAM LEHKHABU THE PSALMS 147:5

Ka Lalpa chuh a lopi a, thilhih theihna lama le nasa tak ah; A pilna chuh tâwp neilo ahi.