JEREMIA 10:5 - PATHIEN LEKHABU THIENGTHO (BSI)

⁵ Lo laia vacha lauhna ding a kisiem bang mai ahiu a, a pau thei puou a; a chieh chawn theih loh ziekun puok chawn a ngai sek ui. Amau chuh lau kiu inla, thilsie a bawl thei puou a, thilpha le a bawl thei diek puou hi.

JEREMIA 10:5 ပူးပေါင်းရင်းမြစ်များ

ISAI 46:7

A liengko u a kawih dawkin a puu a, mun khat ah a kawih uh a; zie chun a ding a, himahleh, a umna mun apat chun a kichawn thei puoi. Mite’n amah chuh sam mahleu, a dâwng thei puoh a, a buoinau apat in le a hukdawk thei diek puoi.

1 KORINTH 12:2

Jentel te na hih lai u khan, bangti dân a hileh, a hun puihna lam cheng u ah, zie milim pautheilote ho ding khan puihmang in na um ui tih na heu a.

1 KORINTH 8:4

Chun, milimte kawma thillat nek thu achun: vannuoi ahin milim chuh bangmah ahih loh zieu leh, Pathien khat chauh a um hi tih I heu hi.

HABAKKUK 2:19

Thing bawng kawma, “Tho ah,” ti a, suongtum kawma, “kipan dawk ah,” tite chung chuh a gik hi! Milim pathien chun na kawmah phuon a nei ta’m? Ngaitie, sana leh dangkaguo a zut zawl ahi a, amah a chun hinna a um puoh ngâl a.

ISAI 46:1

Bel chuh a khuntha suk a, Nebo chun nuoi lam a en tai! A milim pathien teu chuh a ganchateu leh ganguol haw a puoksak u a, zie thil haw chuh a gancha thachawlte dinga puokgik maimai ahi tai.

ISAI 45:20

Namtin laka suokcha sunte haw, hung khawm unla, ei hun naih tiem u! a suokcha sunte haw, nangmau haw chiet ki-enchien dingin hung khawm un! Thing milim siemkawm kichawih a, hukdam theilo hiel pathien kawma paucham te chun bangmah a he puou ui!

1 LENGTE 18:26

Tichun bâwngchal a chan uh chu a lau a, a guonggalh u a, chun, zingkal apat in sun tiengin Baal min chu a sam u a, “Aw Baal, ei hun dâwng in,” a tiu a. Himahlele, aw gi leh dawnna himhim a kihe puoi. Chun, a maichâm siem uh chung achun a kichawm sausau u a.

JEREMIA 10:14

Mitin chuh hetna lam ah a mawl u a. Sana sêk pa chuh le a milim sek chun a suzakcha a. A milim sun chuh a lim maimai ahi ngâla; amau achun hinna hu le a um puoi.

DAN NIHNA 4:28

Zie chun muh la mu theilo, het la he theilo, nek la ne theilo, thil gim le he theilo, mihing siemkawm thing leh suong Pathien haw chuh ho inlau.

2 KHANGTHUBU 25:15

Zieziekchun Amaziah chungah Lalpa a lungna ta a, a kawmah thiemgau a sawl a, zie pa chun a kawmah, “Na khut apat a mite le hukdawk theilo nam pathien te chu bang dinga ho na hi?” a ti a.

ISAI 16:12

Moab mite chuh tânga pathien ho ding leh, Ho-In a, paucham dinga chiehna’n a kisuchawl u a, himahlele, amau haw dingin phatchuomna bangmah um diek puo’n a.