JEREMIA 10:4 - PATHIEN LEKHABU THIENGTHO (BSI)

⁴ Dangkaguo leh sana’n a zem u a, a tawih loh na dingin thingkilh na’n sek in a khên den u a.

JEREMIA 10:4 ပူးပေါင်းရင်းမြစ်များ

ISAI 46:7

A liengko u a kawih dawkin a puu a, mun khat ah a kawih uh a; zie chun a ding a, himahleh, a umna mun apat chun a kichawn thei puoi. Mite’n amah chuh sam mahleu, a dâwng thei puoh a, a buoinau apat in le a hukdawk thei diek puoi.

ISAI 44:12

Thik sêk pa chun a cheimawi sek a, meihawl lak achun a gawlh lut a, a bân tha hattak chun sek in a susek a, thil lim khat a hun sek dawk sek hi. A nasep lai chun a gil a hung kiel a, a hung chau seka, tui a dâwn loh ziekin a sawlsam sek hi.

SAM LEHKHABU THE PSALMS 135:15

Namte milim pathien chu sana leh dangka ahiu a, Mihiem khutsuok ahiu hi.

SAM LEHKHABU THE PSALMS 115:4

A pathien chu dangka leh sana ahiu a, Mihiemte khut suok ahiu hi.

ISAI 46:6

Mite chun a dangka dipteu hawng in, sanate a bun dawk sek uh a; a dangkaguoteu chuh a tehdawk sek uh a, tichun, pathien siem dingin dangkaguo sêkte a guoi sek uh a; chun, a masanga khupbawk in a ho sek u a!

HOSEA 13:2

Tichun, tuhin gitlohna a bawl beh beh nalai u a, milim pathiente a kisun kawm u a; a dangkaguo teu chuh khutthiemte chun milim in a sung u a, a bawnin khutthiemte nasep vek ahi a; “Amah kawm ahin kithawi un,” a tiu a. Mite chun bâwngno lim chuh a châwp u a.

HABAKKUK 2:19

Thing bawng kawma, “Tho ah,” ti a, suongtum kawma, “kipan dawk ah,” tite chung chuh a gik hi! Milim pathien chun na kawmah phuon a nei ta’m? Ngaitie, sana leh dangkaguo a zut zawl ahi a, amah a chun hinna a um puoh ngâl a.