JEREMIA 10:3 - PATHIEN LEKHABU THIENGTHO (BSI)

³ Nam te dân chuh bangmah lo mai ahiu a; gamlak a thing a hun phuk u a, khutthiem te matchâk a zem ahi.

JEREMIA 10:3 ပူးပေါင်းရင်းမြစ်များ

THIEMPUDANTE 18:30

Zieziekchun, Lalpa chun, “Ka hun thupiek hi zawp unla, a thilhih teu himhim hihin nang haw kisubuok kiu un. Kei hi Lalpa na Pathien uh ka hi ngâl a,” a ti a.

1 PETER 1:18

Na pulepateu hun pieksawn, na nunlekhan uh hawmngawn lak apat chuh, thil sie thei, dangka leh sana te haw a tat na hi puou a,

ROME 1:21

Pathien he ngâl in, Pathien guolin a limbawl puou a, kipah thu le a gen diek puou hi; himahleh, thil manloh te ngaihtuoh in, a lunggil uh a hung thim ta a.

JEREMIA 10:8

Amau chuh mi mawl leh mingawl ahiu a, milim pathien teu apat chun ngawlna a sinsak u a.

MATTHAI 6:7

“Chun, na paucham tieng u leh Jentel te guolin vêl gen maimai kiu; a gen tam ziek u a ngaihthaka um dingin a kigingchau hi.

ISAI 45:20

Namtin laka suokcha sunte haw, hung khawm unla, ei hun naih tiem u! a suokcha sunte haw, nangmau haw chiet ki-enchien dingin hung khawm un! Thing milim siemkawm kichawih a, hukdam theilo hiel pathien kawma paucham te chun bangmah a he puou ui!

JEREMIA 2:5

Lalpa chun hiti hin a tii: “Na pileputeu in kei ahin dikloh na bang a muu hi? Kei apat in gamla tak ah a chieh mang u a; thil thulimlo a delh u a, bangmah lo mai a hung hih u hi,

NASEPTE 19:26

Zie Ephesi khuo mai ahin hilo in, Asia gamsung cheng hiel ale, Paul hin, khut a siem pathien haw hi Pathien ahi puoi, ti’n mi tamtak a thempai a, a zui tau hi tih nangmau ngêi in na muu a na he tau hi.

SAM LEHKHABU THE PSALMS 115:4

A pathien chu dangka leh sana ahiu a, Mihiemte khut suok ahiu hi.

JEREMIA 1:16

Ei taihsan u a, pathien dangte kawmah gimlim a hâl u a; amau haw khutsuok ngêi a ho u a, a gitloh na hawu chengcheng chunga ka lunggel haw chuh phuong ing ka.

JEREMIA 14:22

Nam dangte pathien lak ah guoh zuk sak thei a um u? Ahihleh, van in guohpi a zuk sak thei hi? Zie thil haw chengcheng hi nang hih hilo ahi? Nang achun ka kinepnau ka nga ngâl u a.

JEREMIA 16:19

“Aw Lalpa ka hatna leh ka kulhpi, lungkham ni a ka kihumbitna; kâwlmawng apat in namte hung u’ntin, kei uh ei suonte chun lepchieh thil panna bei; phatchuomna neilo tihloh chuh bangmah goluoh a nei puou hi,” hung ti’n au.