JEREMIA 10:22 - PATHIEN LEKHABU THIENGTHO (BSI)

²² Ngaitiem u, thuthang thawm chu a hung tunga, mâllam apat a buoina nasa tak mai chuh, Juda khawpite sugam a, si-âlte kuo suok sak dingin,” ti’n.

JEREMIA 10:22 ပူးပေါင်းရင်းမြစ်များ

JEREMIA 9:11

“Chun, Jerusalem chuh thilsie kawihkhâwm bang mai in siem ing ka ting; si-âlte chênna mun hi’n a. Juda khawpite chuh luoh loh in suhawm ing ka,” a ti a.

MALAKI 1:3

Himahleh, Esau vang chuh ka haw a. A tânghaw cheng chuh ka suksiet sak a, a gam chuh thalek si-âlte leh gamsate umna dingin ka taihsan ta a.”

JEREMIA 6:22

Chun, Lalpa’n hiti hin a tii, “Ngaitiem u, mâllam apat in nam khat a hung u a, lei mawng tâwp a pat in nam lopi tak a hung kipan dawk ui.

JEREMIA 6:1

Benjamin chate haw, na bitna dingun Jerusalem apat, in taimang unla, Tekoa ah pengkun mût unla, Bethhakkeram ah melchikna tâk dawk un. Mâllam apat in sietna huoisie tak a hung kitawl hi; siet na huoisie tak mai chuh!

JEREMIA 5:15

Ngaitiem u, gamla tak apat in nam khat hun pui ing ka ting, Aw Israel inkuonte haw Lalpa’n a tii. Nam hattak leh lui tak, a pau uh na hettheih loh uh leh a thugen uh na het theih loh uh hiding ahi.

JEREMIA 4:6

Zion lam nga’n puonzak khâi unla, bitna hawl in tai un. Muong kiu unla, mâllam apat in thil phalo hun tunsak ding ka hi. Sietna huoisie tak mai chuh.

JEREMIA 1:15

Ngaitie, mâllam a lalgam a nam chengcheng te chuh sam ding ka hi ngâla, Lalpa’n a tii. Hung kikhawm untin, Jerusalem a lutna kawtkhak haw cheng leh kulhbang kimvelhaw leh Juda khawpi chengcheng a chun a lalchutphah uh hun kawih chiet un au.

ISAI 34:13

Chun, a leng In teu achun hamlingneite kek intin, a kulhpiu sunghaw achun thakhai leh lingte kek dim intin; si-âlte leh simbute a sunga chun cheng un au.

JEREMIA 1:14

Tichun, Lalpa chun ka kawmah tihin a gena, “Gamsung a cheng te chung ahin mâllam apat in thil phalo hung tung ina.

JEREMIA 4:15

Dan apat in aw a hung pawt a, Ephraim tâng apat in sietna a phuong lang tau hi.

JEREMIA 25:9

ngaitiem u, mâllam a nam chengcheng chuh sam ding ka hi, Lalpa’n a tii. Ka suok Babulon leng Nebuknezar le sam ing ka ting, amanhaw chuh zie gam leh, a sunga mite leh, a kimvel a nam chengcheng hi do ding leh sumangthai vek dingin hun pui ing ka.

JEREMIA 49:33

Chun, Hazor chuh si-âlte chênna mun hi’n tin, kumlekhuo’n sie den ta’n a. Zie tak achun kuomah cheng ta puou un tin uh, mihing chate himhim cheng ta puo’n au.”

SUNNA LA 1:4

Zion zawtna lampi chu a ngui zo ta a, Kut lopitak haw achun kuomah a hung ta puou hi. Nungak thiengthote chun a thuok tau a, thiempute chu a beidawng u a. Kulh kawtkhakte chu a sie zo ta a, Zion chu lungkham in a um tai.

EZEKIEL 12:19

Chun, zie gama mite kawm achun, ‘Lalpa Pathien chun Jerusalem a cheng te leh Israel gam chungchâng achun hiti hin a tii: A an u chuh lau kawm takin ne’n tin un, a tui u chuh lungzîng takin dâwn intin un, a sunga cheng te kipawngbawlna ziekin a gam u chuh sukgam saka um ding ahi ngâl a.

JEREMIA 2:15

Sakeibaknei vanglai te chun a ngîk u a, ngeih tak in a chung ah a kitum u a; a gam chuh a susie zo tau a, a khawpi te le a luoh ding umlo in a kâng tum zo tai.