JEREMIA 10:10 - PATHIEN LEKHABU THIENGTHO (BSI)

¹⁰ Himahleh, Lalpa chauh Pathien dik ahi a, Pathien hing, kumlekhuo a lal ahi. A lungnat ni’n lei a kilîng a; Namte chun na lungnatna a thuok zo puou hi.

JEREMIA 10:10 ပူးပေါင်းရင်းမြစ်များ

DAN NIHNA 32:4

“Amah suongpi chuh, a thilhih a phabukim; A umdan chengcheng a dik: Pathien ginum, adiklo hih lo, Thudik leh pha Amah ahi.

ISAI 57:15

“Chungnung pên Pathien lopi, chawihsân a um, kumlekhuo a hing zing Amin Thiengtho kiti chun hiti hin a gen hi: ‘Mun sang leh Mun Thiengtho achun ka chênga, kingainiemte leh lunggil kisik vulvul te hihhalh ding leh lungthim thasie te chuh suhalh dingin.’

SAM LEHKHABU THE PSALMS 76:7

Himahleh, nang mah ngêi chu kihchak ding na hi a; Na lungnat phawt leh kuo a na masanga ding thei ding?

NAHUM 1:6

A lungnat tieng leh kuo a ding zo ding? A lungnatna nasa tak chuh kuo a thuok zo ding? A lungnatna mei chuh a thahdawk a, Suongpite chuh A masanga chun a phel zo tai.

SAM LEHKHABU THE PSALMS 42:2

Ka hinna hi Pathien utcha’n, Pathien hing utcha’n a ha huoi huoi hi: Bangtik ahi die Pathien ma a ka tun a, ka va kilat ding?

SAM LEHKHABU THE PSALMS 100:5

Lalpa chuh a pha ngâla, a zahngaihna chuh kumlekhuo’n um zing ina; A muon um na chuh suon chengcheng tieng in um ina.

THUPHUON 20:11

Chun, lalchutphah lien tak, vam tak leh a chunga chu pa chuh ka mu a. A maikawk apat chun lei leh van a taimang uh a, muh phâk himhim a hi ta puoi.

SAM LEHKHABU THE PSALMS 31:5

Na khut ah ka thagau ka hun kawlsak hi; Aw Lalpa, thutak Pathien, nangin nei tan tai.

SAM LEHKHABU THE PSALMS 10:16

Lalpa chuh kumlekhuo a din Lalpen ahi a: Namte chuh amah gama kipatin a bei mang tau hi.

SAM LEHKHABU THE PSALMS 18:7

Zie phet chun lei hi a lîng a, a kithing ta a, A lung a nat ziekin tâng haw chu le, A kingakna nasan in a lîng in a puok zak ta a,

1 JOHAN 5:20

Chun, Pathien Chapa chuh a hung a, het theihna ei piei tih I heu a, khutichun, Pathien diktak chuh I he tau hi. A Chapa Isu Krista tawh I kipumkhatna zal uh chun, Pathien diktak chu tawh kipumkhat in I hing uh ahi. Amah chuh Pathien diktak a hi a, kumsawt hinna le ahi.

HEBRAI 10:31

Pathien hing khuta kiek chuh thil tizat-um tak ahi!

1 TIMOTHE 1:17

Leng lienpen, kumsawt a um, thi theilo, muh theih loh, Pathien khat mai pa kawm achun, limbawlnate, lopinate, kumsawt, kumsawt in um ta hen! Amen.

1 THESSALONIKA 1:9

Mipite haw chun, nang haw ka hung vehthak lai a nei na lawp dân u leh, Pathien hing leh diktak ho dinga, milim pathien apat na kihei kit danteu leh,

NASEPTE 14:15

“Pute haw, ziehaw hi bang dinga hih? Kei u le, na nungchang bang uh pu mihiem ka hiu a puo! Zie thil manloh haw hi nungngat a, van te, lei te, tuisuohgiet te leh, a sunga um chengcheng tawh siempa, Pathien Hing lam na hung ngat theihna dingun, Chanchin Pha ka hun tut na hiu hi.

MALAKI 3:2

Himahleh, a hung ni chuh kuo a thuok zo ding? A hung kilat tieng leh kuo a ding thei ding? Amah chuh hâltuina mei tawbang leh puon sawpte sahbawn tawbang ahi ngâla.

HABAKKUK 3:6

Amah chuh a ding a, lei pumpi chuh a teh tuok a, Chun, a en viel a, namte chuh a nawhzak a; tichun, kumlekhuo a tâng ana umte chuh a thehdalh a, kumsawt apat ana um zing muol leh tângte chuh a tum suk u a; A lampite chuh kumsawt apat ahi.

MIKA 1:4

Khutichun, a keng nuoi achun tângte chuh khuoilu meia hâl guolin tuithau intin, Tichun, tâng apat a tui sunthak guolin luiguom a chun sungtha’nau.

SAM LEHKHABU THE PSALMS 146:6

Amah chuh lei leh van leh, Tuisuohgiet haw leh a sunga um chengcheng siempa ahi; Amah chun thutak kumlekhuo dingin a vawppha sek hi.

SAM LEHKHABU THE PSALMS 145:13

Na lalgam chuh kumlekhuo lalgam ahi a, Na thuneihna chuh khang um lai chan in um zing ina. Lalpa chuh a thugen taphawt achun a ginum a, a thilhih cheng achun zahngaihna a dim ahi.

SAM LEHKHABU THE PSALMS 114:7

Aw lei lung, Lalpa âng ah kithing in, Jakob Pathien masang achun;

SAM LEHKHABU THE PSALMS 104:32

Amah chun lei hi a en a, a kilîng sek; Tang haw chuh a khawih a, meikhu a pawt sek.

SAM LEHKHABU THE PSALMS 97:4

A kawlphe haw chun khawvel hi a salhvak zawl zawl sek a: Lei hin a mu a, a kilîng a.

SAM LEHKHABU THE PSALMS 93:2

Na lalchutphah chu malai pek a phuh det ahi ta a: Nang chuh kumlekhuo apat a um na na hi tai.

SAM LEHKHABU THE PSALMS 90:11

Kuo a na lungnatna thilhih theih zie ngaihtuoh a, Nangmah kihchak ding dân banga na lungnat na chu he thei ding?

SAM LEHKHABU THE PSALMS 84:2

Ka hinna hin Lalpa ho-in huongsung inmai chuh a ngai mah mah a, ahii, a sawlsam hiel sek a; Ka lungchang leh ka phehlevo hi Pathien hing kieng a chun a kiko dawk a.

SAM LEHKHABU THE PSALMS 77:18

Na van gi husa chuh chinpei ah a um a; Na kawlphe haw chun khawvel hi a salh zawt zawt a, Lei hi kilîng in a kithing dul dul a.

JOB LEHKHABU THE BOOK OF JOB 9:6

Lei chuh a umna mun achun a hihling a, Zie taka a khuom haw chule a lîng zawk zawk a.

2 KHANGTHUBU 15:3

Chun, Hun sawttak Israel mite chun, Pathien tak neilo leh sinsaktu leh thiempu neilo leh dân neilo in a um u a;

1 LENGTE 18:39

Chun, mipite chengcheng in zie chuh a vak muh phet un, a khupbawk u a, “Lalpa chu Pathien ahi; Lalpa chu Pathien ahi,” a tiu a.

1 SAMUEL 17:36

Na suok hin sakeibaknei leh savawm a that kha gêl gêl ta a: chun, zie zektan loh Philistia pa hi le amau chu bang zieng lo ding ahim, Pathien hing sepaihte a cho ngâla,” a ti a.

1 SAMUEL 17:26

Chun, David chun a kienga dingte kawm achun, “Zie Philistia pa that a Israel te minsietna lamang pa ding chun bang hihsak ahi dem? Zie zektan loh Philistia pa hi kuo ahim, hingzing Pathien sepaihte a vak cho viel a?” a ti a.

VAIHAWMTE 5:4

Lalpa, Seir tâng akipat a na hung pawtdawk lai leh, Edom gam apat a na hung pawt lai khan; Leichung a kilîng dul dul a, van le a kie niem hiel a. Ahi, meipi te chun guoh a hun zuk sak u a.

DAN NIHNA 5:26

Taksa nei taphawt mei apat a Pathien hing aw I het guol u a he a, hing nalai kuo a um?

1 TIMOTHE 6:17

Zie tulai hinkhuo a neizote hi, kiletsak lo ding leh, sum muon-umlo ahin a kinepnau ngalo a, thil chengcheng, I kipahna ding u a ei piepa Pathien chunga chuh nga zaw dingin hilh ah.

JOHAN 17:3

Ziehi kumkhuo hinna a hii, Nang Pathien tak tak leh, na sawl Isu Krista het hi.

MATTHAI 26:63

Isu chuh la a thip kêi a. Ziephet chun, thiempu lienpen chun a kawmah, “Pathien Hing min a ka hun vau na hi, Krista, Pathien Chapa chuh na him? Kei uh nei hilh in,” a ti a.

MATTHAI 16:16

Ziephet chun, Simon Peter in a dâwng a, “Krista, Pathien Hing Chapa chuh na hi,” a ti a.

HABAKKUK 3:10

Tang liente chun nang a hun mu u a, a kithing sieu a; tuipi chuh a kifawn a, a kinawk zela, tui thuk te chun aw a suoh u a, chunglam ah aban a zak tai.

JOEL 2:11

Chun, Lalpa chuh a sepaih hawnte thupie’n a kiko a, A sepaih, a thu zawpte chuh a tam u a, a hât u ahi. Lalpa ni chuh a lopi a, a lauh-um mah mah ngâl a; Kuo ahim a thuok thei ding?

DANIEL 7:14

A kawm achun thuneihnate, lopinate, leh leng thilhih theihnate chuh piek ahi a, mitin te, namtin te, leh pautin te chun a na sep sak un au. A thuneihna chuh kumlekhuo’n um in tin, bei ngei talo ding ahi a, lalgam chun tawp ni neita puo’n a.

DANIEL 6:26

Ka gam awpna sunga mite chengcheng hin Daniel Pathien chuh lau in kilîng u hen, ti’n thupiek ka bawl ahi. “Amah chuh Pathien hing ahi a, kumlekhuo’n vaihawm intin. A lenggam chuh suksiet hi ngêi ta puo’n tin, a thilhih theihna chun tâwp nei ta puo’n a.

DANIEL 4:34

Chun, zie nite chuh a hung tawp phet chun, kei Nebuknezar in van lam ka vak en to a, tichun ka lungthim ngeina chuh ka hun pu kit ta a. Chungnung pên Pathien chuh ka pakcha a, limbawlna leh lopina chuh kumlekhuo a Hing zing pa kawm achun ka pie ta a. “Amah chun kumlekhuo’n vaihawm intin, a gam in tâwp tik ni nei puo’n a.

DANIEL 4:3

“Pathien in thilmak ei etsak te chuh a nasa na e! A lalgam chuh kumkhawtuong lalgam ahi a; Kumlekhuo’n Pathien chuh leng in chu’n tin; kumsawt in vaihawm in a.

JEREMIA 23:36

Himahleh, Lalpa puokgik chuh gen kha ta puou in na tin uh, mitin a dingin, amah thugen mah chuh a puokgik hi mai ding a hi! Pathien hing, Sepaihte Lalpa, I Pathien uh thu chuh na kai kâwi ta ngâl uh a!

ISAI 37:17

Tuhin, aw Lalpa, ei hun ngaitha’n la, ka chung u a thiltungte hi en tie! Nangmah, Pathien hing hun gensietna dinga Senacherib thugente chengcheng hi a na ngaitha’n la.

ISAI 37:4

Asuria Leng chun a milien Rabshakeh chuh Pathien hing gensie dingin a hun sawl a. Lalpa Pathien in a gensietnau chuh a za ta a; a thugen dungzui chun gawt tei hen. Zieziekchun, nutsieh a um mipite ding hin Pathien kawmah paucham sak in,” a ti a.

SAM LEHKHABU THE PSALMS 68:11

Lalpa’n thu chuh a pie seka Chanchin suoh haw chu pawl lien tak ahiu hi.

THILSIEMBUL 21:33

Chun, Abraham in Beer-sheba achun châk thing a phut a, zie tak achun Lalpa kumkhuo a Pathien min chuh a lo ta a.

1 LENGTE 8:60

a mi Israel te chung thu ahin amah theih dân bang zela a tawih theihna dingin zie ka thugen haw, Lalpa masanga ngetna ka tut hi sun leh zan in Lalpa I Pathien uh masanga chun châm zing hen.

SAM LEHKHABU THE PSALMS 29:10

Lalpa chuh tuilien chungah lal in a chu a, Ahi, Lalpa chuh kumkhuo a dingin LAL in a chu a.

SAM LEHKHABU THE PSALMS 68:8

Lei a kilîng dul dul a, Van haw khule Pathien ma ah a tuitha tau a: Sinai tâng nasan le Pathien masangah, Israel Pathien masang a chun a kilîng dul dul kha.

SAM LEHKHABU THE PSALMS 90:2

Tangte pien ma a, Leichung khawvel na phuhdawk man le, Kumsawt apat kumsawt chan inle nang chuh Pathien na hi.

ISAI 40:15

Ngaitie, Lalpa ding chun, namtin chuh tui vat khat bang phet ahiu a, bûkna a thil ne’n neucha bang pheta ngaih ahiu a; Amah chun tuikuol gam haw chuh thil neucha lâk bangin a la sek hi.

ISAI 65:16

Kuole, gamsung a vangsakna ngên taphawt chun, Pathien ginum tak vangsakna chuh ngên ta’n au. Kuole, thutiemna nei taphawt chun, Pathien ginum tak min chun kipautiem untin; tuma a lungkhamna haw kha hetngilh a a um tâk ziek leh ka mitmuh apat a sel ahih tâk ziekin.”

JEREMIA 4:2

Tihtakzet leh vaihawmna diktak manga diktak a, Lalpa a hin zing bangin ti a na kipautiem chun, namte chuh amah achun vangsak in um untin; Amah chuh suong tan au.

JEREMIA 4:24

Tang haw chuh ka en a, ngaitie, a kilîng u a, muol haw chule a kilawk u a, a kilîng dup dup u a.

JEREMIA 50:46

Babulon puksiet thawm gi chun lei kilîng intin, a kah thawm u chuh namte laka zak hi’n a.”

JEREMIA 51:29

Zie gam chuh lungkham in a kilîng a, Babulon gam, a sunga cheng umlo a a hawm a um sak dingin, Babulon chunga Lalpa thiltup chuh a ding zing hi.

JOSHUA 3:10

Pathien hing chuh na lak u ah a um hi tih na hetna dingun, na masang u ahin Kanaan mite, Hit mite, Girgash mite, Amor mite, leh Jebus mite hi nawhdawk teitei ding ahi tih he’n lau.

1 KHANGTHUBU 29:11

Aw Lalpa, lopinate, thilhih theihna te, limbawlna te, guolzawhna te, lalnate, nanga a hi a; lei leh van a um chengcheng hi nanga ahi ngâl a; aw Lalpa, gam chu nanga ahi a, mi chengcheng laka chungnung pên na hi.

SAM LEHKHABU THE PSALMS 9:8

A mah chun khawvel hi diktat takin vaihawm sak intin, Uoh chuom neilo in mitin chuh vaihawm sak in a.

SAM LEHKHABU THE PSALMS 74:12

Himahlele Pathien chuh malai pek a ka Leng a na hi a, Lei lai taka hukdamna siempa chuh.

SAM LEHKHABU THE PSALMS 76:8

Na vaihawmna thu chuh van apat in na hun sulang seka; Lei hi a lau a, a thip hiet hiet a.

SAM LEHKHABU THE PSALMS 100:3

Lalpa chuh Pathien ahi tih heu un: Ei siempa chuh amah chuh ahi a, amah a I hiu hi; A mite leh a gantatna muna belam haw chuh I hiu hi.

ISAI 40:28

Na lunggil un na he ngei puou hi? Na bil un na za kha puou hi? Lalpa chuh kumlekhuo Pathien, kâwlmawng tâwp tieng siempa chuh ahi ngâl a. Amah chuh a chau ngei puoh a, châwl le a châwl ngei puoh a; A chitna chuh hawldawk zawh guol ahi puoi.

DANIEL 6:27

Amah chun a humbit a, a hukdawk a; lei leh van a hin melchiknate leh thilmakte a hih a; amah hi sakeibaknei thilhih theihna apat a Daniel hukdawkpa chuh ahi,” ti’n.

NAHUM 1:5

A masang achun tâng liente chuh a kithing a, tâng neute chuh a tuitha zo tau hi; a masang achun leisiet hi hawmngawn ahi a, khawvel leh a sunga um chengcheng te le bangmahlo ahi.