JEREMIA 1:8 - PATHIEN LEKHABU THIENGTHO (BSI)

⁸ Amau haw chuh lau ki’n la, Nang hun hukdawk dingin na kawmah ka um zing hi,” tih hi Lalpa kamsuok ahi.

JEREMIA 1:8 ပူးပေါင်းရင်းမြစ်များ

JOSHUA 1:5

Na damsung chengin kuoma’n hun zo thei puo’n a; Mosi kawma ka um bang khan na kawma le um ding ka hi: hun thahtham puo’ng ka ting, hun taihsan puo’ng ka.

JOSHUA 1:9

Thu ka hun pie hilo maw? Hattak leh hangsan takin um in; lau ki’n la, lungkie diek ki’n: Lalpa na Pathien chuh na chiehna tak ah na kawma um zel ding ahi,” ti’n a gen a.

ISAI 51:7

Nang haw thil dik hete leh, ka dân thu lungthima vawpte haw, ngaithau in! Mite’n a hun musit uh a, a hun gaih tieng u leh lau kiu in;

DAN NIHNA 31:6

Hattak leh hangsan takin um unla, huphulh kiu inla, amau chule lau hiel kiu in; a hun kitawnpih zing chuh Lalpa na Pathien uh ahi ngâla; hun nusieh ngei puo’n tin, hun thahtham ngei puo’n a,” a ti a.

NASEPTE 4:13

Chun, Peter leh Johan hansan zie chuh a muh un, lehkha thiemlo leh, mi mawl mai ahiu hi tih a heu a, mak a sa mah mah tau a. Ziephet chun, Isu kawmah a um kha tau hi tih a he tau a.

DAN NIHNA 31:8

Chun, nanguh hun puipa chuh Lalpa ahi a, hun umpih zing intin, hun nusieh ngei puo’n tin, hun thahtham ngei puo’n a; lau ki’n la, lungkie hiel ki’n,” a ti a.

PAWTDAWKNA 3:12

Chun, Lalpa Pathien chun, “Na kawma um ding ka hi a, tichun keimah hun sawl ngêi na hi tih ziehi nanga dingin melchikna hi’n a; Mipite chuh Aigupta gam apat a na hun puihdawk tak chuleh, zie tâng ngêi ahin Pathien hun ho inlau,” a ti a.

NASEPTE 18:10

kei na kawmah ka um a puo, nang hun suna dingin kuoma’n na chungah khut tha puo’n au; zie khuo ahin mi tamtak ka nei ngâl a,” a ti a.

ISAI 43:2

Tuite na palkaih tieng u leh, kei na kawm u ah um ing ka ting; luipite na palkaih tieng uh lele, na buoinau chun hun chup puo’n a. Mei a na chiehpai tieng u lele, hun katum puo’n tin, meikuong in hun ka diek puo’n a.

NASEPTE 26:17

Ka hun sawlna dingte, Israel mite leh Jentel te khut apat chun hun hukbit ding ka hi.

NASEPTE 4:29

Khutichun, Lalpa, ngaitie! tu a ei hun vau zieu haw hi; na suokte hi hangsan takin na thu gensak in la.

MATTHAI 28:20

Chun, thu ka hun piek chengcheng hi pawm dingin hilh un. Chun, ngaitiem u; Kei, kumkhuo’n, khawvel beih tiengin le na kawm u ah um zing ing ka,” a ti a. Amen.

MATTHAI 10:26

“Khutichun, amau haw chuh lau kiu in, phuon loh dinga kisel bangmah a um puoh a, het loh dinga îm le bangmah a um diek puoi.

JEREMIA 20:11

Himahleh, Lalpa chuh mi hangsan lauh-um tak bangin ka kawmah a um zing a. Zieziekchun, ei dote chuh puk untin, ei zo puo’n au. Zahhuoi takin um untin, a lawhtit loh ding ziekun. A kumkhuo minsietnau chuh hetngilh in um ngei puo’n a.

JEREMIA 1:17

Zieziekchun, puon cheng inla, kipan inla thu ka hun piek chengcheng khah a zak dingun va gen ah. A masang u ah taisie ki’n, khutilochun a masang u ah hun taihsiet sak kha’ng ka.

ISAI 51:12

Kei hi nangmau haw hun lungmuonpa chuh ka hi a, mihing thi kit pai zieng ding hampa bang phet hi bang zieka lau na hiu a?

EPHESI 6:20

Zie Chanchin Pha palai thikkhau but hi ka hi ngâl a, tuhin suongkul ah um mah lengle. Chanchin Pha chuh, hangsan taka ka phuon dawk ding bang taka, ka phuon dawk theihna dingin, nei paucham sak zing un.

JEREMIA 1:19

Hun do untin uh, himahlele hun zo puo’n au; nang hun hukdawk dingin na kawmah ka um ngâla,” tih hi Lalpa kamsuok ahi.

JEREMIA 30:11

Hun hukdam dingin na kawmah ka um zing ngâl a, ka hun delh zakna nam chengcheng chuh subei mahleng, nang vang chuh hun sumangthai puo’ng ka ting; a hun pheta hun gawt ding ka hi, gawt loh in vang suokcha diek lo ding na hi,” tih hi Lalpa kamsuok ahi.

JEREMIA 39:11

Babulon leng Nebuknezar chun, Jeremia chungchâng thu ah, a sepaih hotu Nebuzaradan chuh thu a pie a.

JEREMIA 42:11

Babulon leng na kihchak sek u chuh, kihcha ta kiu inla, amah chuh lau ta kiu un tih hi Lalpa kamsuok ahi; a khut a pata hukdam ding leh hukdawk dingin na kawm u ah ka um ngâla.

DANIEL 3:17

Ka Pathien uh, a na ka sep sek u chun hâltuina meipi apat in ei hukdawk thei ngâla, na khut apat inle, Aw lengpa, ei hukdawk mai ina. hâltuina mei apat in le ei hukdawk tei in a.

DANIEL 3:25

Leng chun, “En tiem u, mi li kikantawm lo a mei laka vak vielviel, na sa lo hielin ka mu a; a lina pên kilat dân chuh Pathiente Chapa lim tawbang mai in ka mui,” a ti a.