JEREMIA 1:5 - PATHIEN LEKHABU THIENGTHO (BSI)

⁵ “Sûl a ka hun siem makhan le ka hun he a, na pien ma a namte thiemgau dinga ka hun kawih chuom na hi tai” ti’n.

JEREMIA 1:5 ပူးပေါင်းရင်းမြစ်များ

SAM LEHKHABU THE PSALMS 139:16

Ka duong ana kimlo chuh na mit in a mu a, Na lehkhabu achun ka tibâk chengcheng zik suok kêi ahi a, A ni a ni’n siem in a um zel a, khatchale a um nailoh lai in.

ISAI 49:1

Nang haw thielkal a chêngte leh namte haw, ka thu hi a na ngaithau in! Lalpa chun sûl apat in ei sam ta a; Ka nu sunga ka um lai in ka min ana sa tai.

ROME 8:29

Pathien in a telte chuh amah Chapa bang taka um dingin a guotlawk a, a Chapa chuh suohpih tamtak te laka Cha masapen a hung hih theihna dingin.

ISAI 49:5

Chun, a nasem dinga sûl apat a ei siem Lalpa chun, Jakob te a kawma puikit ding leh Israel chate chuh a kawma puikhawm ding ahi a, Lalpa mitmuh a limbawla ka um theih na dingin, Lalpa chuh ka hatna bulpi ahi ngâla.

ISAI 44:2

Lalpa nangmau hun siempa, sûl apat a nanguh hun tungdawkpa, nanguh haw hun panpih ding chun hiti hin a tii. Aw Jakob, ka suokte na hiu a, nanguh Jeshurun haw ka mi telte haw, lau kiu in.

LUKE 1:41

Chun, tihi ahi a, Elizabet in Mari hopih chuh a het phetin, a gil sunga nausen chuh a hung tawi a. Tichun, Elizabet chuh Thagau Thieng tho in a dim a;

LUKE 1:76

“Ahi, bawipu, nang hi Chungnung pên pa Thiemgau tih hin la. A lampite guonggalh lawk dinga Lalpa masanga chieh ding na hi ngâla.

PAWTDAWKNA 33:17

Lalpa’n Mosi kawmah, “Zie chule na gen bang chun hih ing ka: ka mit na tung ngâl a, na min in ka hun hechien ngâl a,” a ti a.

JEREMIA 1:10

Entie, tuni hin namte leh lalgam chung haw ah, bawt dawk ding leh phie ding leh susie ding leh paih tha ding leh siempha ding leh tung dawk ding leh phut ding a ka hun guot na hi,” a ti a.

PAWTDAWKNA 33:12

Mosi’n Lalpa kawm achun, “Ngaitie, nang ka kawmah, zie mite hi vak puito in, na tih ahi a: kuo a ka kawma na hun sawl ding lah nei hilh puoh ngâl a. Nang chun la, Na min in ka hun hechien a, ka mittung in na um hi tih le ka he a puo, na ti a.

LUKE 1:15

Lalpa mitmuh in milien hi’n tin, uain leh zu himhim dâwn puo’n a. A nu sunga kipatin Thagau thiengtho in dim ina,

ROME 1:1

Paul, Krista Isu suok, sawlchak hi dinga sap. Pathien in a Chanchin pha gen dinga a kawihchuompa chun:

JEREMIA 50:34

Amau haw Tanpa chuh vang a hât hi: Amin chuh Sepaihte Lalpa ahi. Amah chuh amau lam ah pang intin, Babulon a chêngte chuh subuoi in, khawvel a muonna a tun theih na dingin.”

EPHESI 1:22

Pathien in thil chengcheng chuh Krista keng nuoi ah a kawih ta a, chun, bang cheng chunga luchang dingin, sapchuomte kawm achun a pie tai.

JOHAN 10:36

Kei ka hih leh, Pa’n ei tel a, khawvel a hin ei sawl ka hi ngâl a. Khutichun, ‘Pathien Chapa ka hi,’ ka tih ziekin bangtia Pathien na gensiei, nei tih uh ahi?

1 KORINTH 8:3

Amahvang chuh, kuo’nle Pathien a hehpih chun, zie pa mawng chuh amah het ahi.

SAM LEHKHABU THE PSALMS 139:15

A gûka siem a ka um a, Lei mun nuoinung pena kilawm taka siem a ka um lai khan, Ka guh le chângte hi nang apat in sel in a um puoi.

JEREMIA 1:4

Chun, Lalpa thu chuh ka kawmah a hung tung a:

JEREMIA 25:13

Zie gam achun, a chunguh a thu ka gen chengcheng leh, Jeremia’n nam cheng kalh a a genlawk, zie lehkhabu a kizikhaw hi tun sak ing ka.

JEREMIA 36:2

“Lehkhabu ziel chuh la’n la, zie tak achun na kawma ka thugen chengcheng, Israel te chung thu leh Juda chung thu, a nam pumpiu chung thu na kawm u a ka gen ni apat Josia hun lai leh tuni tienga thu chuh zik ah.

JEREMIA 20:15

Ka pa kienga, “Chapa na nei tai,” tih thu hun tun a, hun sukipakpa chuh hansie dawl in um hen.