JEREMIA 1:18 - PATHIEN LEKHABU THIENGTHO (BSI)

¹⁸ Ngaitie, tuni hin a gam pumpiu a Juda lengte, a lawiupateu, a thiempu teu leh zie gama mite leh khawpi kulh nei haw leh thik khuom leh sumsan banga ka hun siem na hi.

JEREMIA 1:18 ပူးပေါင်းရင်းမြစ်များ

ISAI 50:7

Lalpa Pathien in ei panpih ziekin muolpho in ka um puoh a, zieziekchun ka maichang hi meisuong bangin ka dawh a; tichun, zahhuoi a umlo ding ka hi tih ka hêi.

JEREMIA 15:20

Chun, zie mite a ding hin sumeng kulhpi’n hun siem ing ka ting, hun do un tin, mahleh hun zo puo’n au. Hukdam ding leh hukdawk dingin na kawm u ah ka um ngâl a,” tih hi Lalpa kamsuok ahi.

JEREMIA 6:27

Ka mite lak ah phawchien ding leh entup dingin ka hun kawih a, a umdan uh na het a na phawtchet theih na dingin.

JEREMIA 37:7

“Lalpa Israel Pathien chun hiti hin a tii: Juda leng kei ei dawng dinga hung pa kawm achun hiti hin gen in, Ngaitie, nang hun panpih dinga hung Pharaoh sepaihte khu, amau thu’n a gam uh Aigupta ah vaikit ding ahiu hi.

JEREMIA 38:2

Lalpa’n hiti hin a tii: “Kuole, zie khawpi a um taphawt hi Chemzâmte, kielte, hipite’n thiu intin; Kaldai te kienga kipie te vang chuh hing un au; a damsung chuh galhing kiman guol in hing in a.

JEREMIA 42:22

Zieziekchun, tuhin vang heu in, na chen utna mun ngêi u achun chemzâmte, kielte, hipite’n thi ngêi ngêi ding na hiu hi,” a ti a.

JEREMIA 34:3

A khut apat in suokcha hiel puon la, mat hin na tin, tichun, amah khuta piek a um ding na hi. Babulon lengpa chuh na mit ngêi in mu’n na tin, tichun, kimaichangtuoh in kiho un na tin, Babulon gam ah chieh ding na hi.

JEREMIA 21:4

Lalpa, Israel Pathien chun hiti hin a tii; “Ngaitie, Babulon leng leh Kaldai mi kulh pawlam a hun um kimvela hun dote gâlvan matchâk chuh vaihkik sak ing ka ting, chun, zie khawpi sunga hin amau chuh puikhawm ing ka.

JOHAN 1:42

Tichun, Simon chuh Isu kawmah a hun pui a. Isu’n amah chuh a na en a, a kawmah, “Na min chuh Johan chapa Simon ahi, himahleh, Kipha hun ti’n au,” a ti a. (Zie chuh Peter tihna ahi a, a umzie chuh “suong” tihna ahi.)

JEREMIA 38:18

Amahvang chuh, Babulon leng miliente khuta na kipiek loh chun, zie khawpi hi Kaldai te khuta piek hi’n tin, tichun, mei in hâl un tin, amau haw khut apat hin suokcha hiel puo’n la,” a ti a.

THUPHUON 3:12

A zo ta cheng chuh ka Pathien Ho-In ah banin siem ing ka ting, tak apat chun pawtdawk ta puo’n au. A chung achun ka Pathien min tawh, ka Pathien khawpi, Jerusalem thak, van a ka Pathien apat a hung suk ding min chu tawh zik ing ka. A chung achun ka min thak le zik ing ka.

JEREMIA 1:17

Zieziekchun, puon cheng inla, kipan inla thu ka hun piek chengcheng khah a zak dingun va gen ah. A masang u ah taisie ki’n, khutilochun a masang u ah hun taihsiet sak kha’ng ka.

JEREMIA 1:19

Hun do untin uh, himahlele hun zo puo’n au; nang hun hukdawk dingin na kawmah ka um ngâla,” tih hi Lalpa kamsuok ahi.

JEREMIA 15:10

Ka chung a gik na e! Ka nu’n lei chung pumpi a kiniel hât leh kina mi a nei na hin hi. Kuomah a ka khel puoh a, kuomah a ka palâk diek puoi. Himahleh, ei hansiet khum chiet tho u a.

JEREMIA 26:24

Himahleh, Shaphan chapa Ahikam chun Jeremia a panpih a, tichun, suklup dinga mite khut a piek ahi ta puoi.

JEREMIA 20:11

Himahleh, Lalpa chuh mi hangsan lauh-um tak bangin ka kawmah a um zing a. Zieziekchun, ei dote chuh puk untin, ei zo puo’n au. Zahhuoi takin um untin, a lawhtit loh ding ziekun. A kumkhuo minsietnau chuh hetngilh in um ngei puo’n a.