JEREMIA 1:16 - PATHIEN LEKHABU THIENGTHO (BSI)

¹⁶ Ei taihsan u a, pathien dangte kawmah gimlim a hâl u a; amau haw khutsuok ngêi a ho u a, a gitloh na hawu chengcheng chunga ka lunggel haw chuh phuong ing ka.

JEREMIA 1:16 ပူးပေါင်းရင်းမြစ်များ

JEREMIA 19:4

Kei ei kiheimangsan u a, zie mun hi a subuok u a, amau leh a suonteu leh Juda leng te’n le a hêtkhâk loh uh pathien dangte kawmah gimlim a hâl ziekun leh zie mun hi pawi khawih lo thisan a a sukdim tâk ziek un.

JEREMIA 7:9

Gucha kawm in, tuolthat in, zawlsai leh lepchieh a kihâksiel in Baal kawma gimlim hâl in pathien dang na hêtkhâk loh uh na ho u a.

NASEPTE 7:41

Chun, zie lai chun, bâwngno lim a siem u a, a lim chuh gan that in a ho u a, amau haw khut suok chung achun a lawp tau a.

ISAI 2:8

A gam u chuh milim pathien in a dima, amau haw khutsuok masang achun a bawkkhup sek uh a.

DAN NIHNA 28:20

“Lalpa’n na chungu ah gâusapna hun sawl intin, na sep na bawl cheng u ah buoina leh gimthawnna hun sawl intin, amah nusieh a thil phalo na hih ziekun, kintaka sietna leh châtvaihna na tuok masangsieh un.

HOSEA 11:2

Himahleh, ka hah sap phawt leh, kei apat in a taimang gamla zaw deuh a. Baal kawmah a kithawi u a, milim siemkawmte kawmah gimlimte a hâl u a.

HOSEA 8:6

Israel mi, khutthiemte chun milimte a siem uh a, himahleh, zie chuh Pathien a hi hiel puoh ngâl a. Samari khawpi a bâwngno limte chuh tuol a khetnel in um un au!

JEREMIA 44:17

Himahleh, kei u leh ei suonteu leh ka leng teu ka milien teu in Juda khawpi haw leh Jerusalem kawtthêl haw a a hih guol u khan, van lengnu kawma gimlim hâl, a kawma thilpiek sung dawkte, ka kamsuok bang zel u khan hih ngêi ung kau; zie lai khan a lamzang u a, nek le châk a kiting a, sietna himhim ka mu puou hi.

JEREMIA 17:13

Aw Lalpa, Israel te kinepna na hi a, nang hun taihsan taphawtte chuh muolpho in um un au. Nang hun kiheimangsan te chuh leivui laka min zik bang phetin mangthai un au, hinna tuinak, Lalpa chuh a taihsan ziekun.

JEREMIA 4:12

Huih hattak mai, ka thu a hung tung ding ahi a; tuhin le a chung u a vaihawm sak chuh kei ka hi, tih hi’n a.

ISAI 37:19

a pathienteu, pathien tak hilo, mihing khuta, thing leh suong a siemte chuh a hâltum sek hi tih hi thudik ahi a.

2 LENGTE 22:17

Ei hengilh u a, pathien dangte kawmah gimlim a hâl u a, a khutsuok u a ei suklungnat ziekun, zie muna hin ka lungnatna so sang ding ahi a, mit thei mai ding ahi puoi.

JOSHUA 24:20

Lalpa chuh na nutsieh u a, nam dang pathiente na nasep u leh vang, na chung u ah na pha sem mahleh thil phalo hun tunsak in tin, hun hih mangthai ding ahi,” a ti a.

DAN NIHNA 31:16

Chun, Lalpa’n Mosi kawma chun, “Ngaitie, na pilepute kienga ipmu ding na hi ta a, zie mite hi kipan untin, a va umna dingteu gama pathiente chung achun zawl ei saihsan intin un, ei ngaihsak puo’n tin un, amau tawh ka thuthun chuh bawtsie’n au.

EZEKIEL 24:14

‘Kei, Lalpa hin ka gen ta a, hung tung ngêi ina, ken hih ding ka hi ngâla, kinungzuk puo’ng ka ting, hun diem puo’ng ka ting, kisik puo’ng ka ting; na umdan haw leh na thilhih haw dungzui zelin na chunga thu tan hi’n a, Lalpa Pathien chun a tii,’ ti’n,” a ti a.

JEREMIA 51:17

Mi cheng cheng hi a mawl u a, hetna a nei puou, sana sêkte chuh a milim sun in a suzakcha a, a milim sun u chuh a lim maimai ahi ngâla; amau achun hinna hu a um puoi.

JEREMIA 16:11

Hiti hin na gen ding ahi. “Nanguh hun suon ten ei taihsan ziekun ahi, pathien dang le a ho u a, a na a sem u a, a ho u a, ei taihsan u a, ka dân a zâwp puou hi.

JEREMIA 15:6

Nangin nei paih tha a, na nungtawlh zel a tih hi Lalpa kamsuok ahi. Khutichun, na chungah ka khut ka tha a, ka hun sumangthai a, kisik hi ka chim tai.

JEREMIA 11:17

“Sepaihte Lalpa nangmah hun phutpa chun, Israel inkuon leh Juda inkuon te gitlohna, Baal kawma gimlim hâla, ei suklungnat nau thil, amau sepdawk chunga thil phalo ding thu chuh a phuongdawk tai.”

JEREMIA 11:12

Chun, Juda khawpite leh Jerusalem a chêngte chun pathiente a kawm u a gimlim a hâl sek teu chuh sam un tin, mahleh, a buoinau ah ziehaw chun amau hukdam hiel puo’n a.

JEREMIA 10:15

Bangmah lo mai ahiu a, kithep na maimai ahiu hi. Gawt a hih tieng u leh mangthai vek un au.

JEREMIA 5:29

Zie thil haw ziek hin gawt lo ding ka him, Lalpa’n a ti. Zie tawbang namte chung ahin ka hinna’n phuba la lo ding ahim?

JEREMIA 5:9

Zie thil haw ziek hin gawt lo thei ding ka him? Lalpa’n a tii. Zie tawbang nam chung ahin phuba la lo ding ka him?

JEREMIA 4:28

Zieziekchun lei in sun intin, chunglam van haw le thim ina. Thu ka gen ta a, tup ka neih ziekin kisik puo’ng ka ting, kinungzuk diek puo’ng ka.

JEREMIA 2:17

Lalpa na Pathien chun lampi a a hun puih laia na taihmang san ziekin, zie chuh na chunga na tunsak hilo ahim?

JEREMIA 2:13

Ka mite’n thil phalo nih a hih ta ngâl u a, kei hinna tuikhuk ei taihsan u a; tui kitin na ding tuikhuk a lai u a, a tuikhuk laih u chuh a khi, tui kiting theilo ding chuh!

ISAI 65:3

Ka masang ngêi ah ei sulungna zing uh a, huon thiengtho te achun a kithawi u a; milim pathien maichâmte achun gimlim a hâl zing uh a.

ISAI 44:15

Tichun, zie thing chuh mi’n tih dingin a mang sek uh a, khenkhat chuh milim pathien in a siem u a, a ho sek u a. Khenkhat chuh amah kisuklum na dingin mei in a tik sek a; khenkhat chuh pathien in a siem a, a masang achun bawkkhup in a ho sek hi.

2 KHANGTHUBU 34:25

Ei deih puou a, pathien dangte kawmah a kithawi u a, a thilhih teu in ka lungnatna a chawktho uh ahi. Jerusalem chung achun ka lungnat na a puokzak a dai kit ngei puo’n a.

2 KHANGTHUBU 15:2

Asa muok ding in a chieh dawka, A kawmah, “Asa leh Juda mi chengcheng leh Benjamin mite, ka thu hi ngaitha tiem u: A mah lama na pan sung cheng un Lalpa chu nang u lam ah a panga, a mah na hawl u chun mun na tin uh, a mah na nungngatsan u chun a man le hun nungngatsan in a.

2 KHANGTHUBU 7:19

Himahleh na mau a ka zam, ka dante leh ka thupiek te hi na kiheisan u a, pathien dangte na nasep u a na ho u chun,

JOEL 2:11

Chun, Lalpa chuh a sepaih hawnte thupie’n a kiko a, A sepaih, a thu zawpte chuh a tam u a, a hât u ahi. Lalpa ni chuh a lopi a, a lauh-um mah mah ngâl a; Kuo ahim a thuok thei ding?

THUPHUON 9:20

Chun, mihiem, zie gawtna a suklup mâwkte chun, thithate leh, sana milimte, dangka milim te, sumeng milimte, suong milim te, thing milim te, bangmah mu thei lote leh za theilo, chieh thei diek lote a ho tâk lohna dingun, amau haw khut mâwnga a thil siemteu chuh a tâng diek puou hi.

JEREMIA 2:28

Na pathien siem te kha khawitak ah a um tau hi? Amau chuh tho u henla, na buoi na ah a hun hukdam thei kha mawh ding u? Aw Juda, na pathiente chuh Juda khawpite zah zet ahiu hila.

JEREMIA 10:3

Nam te dân chuh bangmah lo mai ahiu a; gamlak a thing a hun phuk u a, khutthiem te matchâk a zem ahi.

2 KHANGTHUBU 28:2

Israel lengte lampi a hawh zaw a, Baal te dingin milim sunkawm te le a siem hi.

JEREMIA 2:19

Na gitloh na ngêi chun hun thawk sak intin, na nungchawn sek na haw chun hun hilhgaih ina; ei kihchak na neilo a Lalpa na Pathien na taihsan hih thil gilo tak leh kha tak ahi, tih hi hun hedawk in muchien inla tih hi, Lalpa Sepaihte Lalpa kamsuok ahi.

JEREMIA 7:17

Juda khawpi haw leh Jerusalem kawtthêl haw a a thilhih u chuh mulo na him?

JEREMIA 7:18

Naupang ten thing a chawm u a, a pateu in mei a tik u a numei te’n vanlengnu kawma lat ding chângthâk a mêk u a, pathien dang te a dingin dâwn ding thillat a sung dawk u a, ei suklungnat na ding chauh un.

JEREMIA 18:15

Himahleh, ka mite chun vang ei hengilh tau a, milim pathien haw masangah gimlim a hâl tau a. Ziehaw chun a chieh na lampi hawu achun a kisuih sak a, lampi lui u chuh zui lo in, lampi neu haw achun a chieh tau hi.

EZEKIEL 16:18

Na kicheina puon khuih hawih haw chuh na la a, ziehaw chuh na khuh a, ka thau leh ka gimlim haw chuh a masang u ah na lui a.