JEREMIA 1:13 - PATHIEN LEKHABU THIENGTHO (BSI)

¹³ Chun, Lalpa thu chuh ka kawmah a hung tung kita, “Bang na mu?” ti’n. Chun, kei chun, “Bel a tuiso bulh bulh a kam lam a mâllam nga’n ka mui,” ka ti a.

JEREMIA 1:13 ပူးပေါင်းရင်းမြစ်များ

EZEKIEL 11:7

“Zieziekchun, Lalpa Pathien chun hiti hin a tii: ‘Khawpi a na mithahteu chuh a sa chuh ahiu a, chun, zie khawpi hi sa so bel chuh ahi; ahihziekin, a lai apat chuh hun nawhdawk ding ka hi.

EZEKIEL 11:3

‘In sak hun ahi nai puoh ie, zie khawpi hi sa so bel ahi a, ei u hi a sa chuh I hiu hi,’ tite chuh.

ZEKARIA 4:2

Ka kawmah “Bang na mu?” ti’n ei dawng a. Kei chun ka dâwng a, “Ngaitie, Dangkaguo a kisiem thaumei tunna ka mu a, a sip a a thau kawihna ding kuong tawh. Thaumei sagih a dinga phita kikawih chule ka mu a,

THILSIEMBUL 41:32

Chun, mang nihvei a hun neih sawn sakna chuh zieziek hih ahi, thilhih ding chuh Pathien in a hihdet a, Pathien mah in kintaka hun tunsak ding ahih ziekin.”

JEREMIA 24:3

Chun, Lalpa chun ka kawmah, “Jeremia, bang na mu?” ei ti a. Kei chun, “Theipi, theipi min pha, hawih tak tak leh, a sie, a siet zieka nek tak loh khawpa sie ka mui,” ka ti a.

ISAI 55:11

Khutibang mah chun, ka kam apat a thu pawt chuh um intin, lawhsam in vaikit puo’n tin; Ka deih dante chuh subuting zaw’n tin; hih dinga ka sawlna achun lawhting zawn a.

EZEKIEL 12:28

Zieziekchun, a kawm u achun, ‘Lalpa Pathien chun hiti hin a tii: Ka thu khat chale sukvaigeih hita puo’n tin, ka thugen taphawt chuh hih in um zel zaw’n a, Lalpa Pathien chun a tii’, ti’n hilh in,” a ti a.

AMOS 8:2

Lalpa chun ka kawmah, “Amos, banga na muh?” ei ti a. Chun, kei chun, “Nipi theigah bawm,” ka ti a. Chun, Lalpa chun ka kawmah, “Ka mi Israel te chungah tawpna a hungtung tai, amau haw chiehpel kit ta puo’ng ka!” a ti a.