JAKOB 5:8 - PATHIEN LEKHABU THIENGTHO (BSI)

⁸ Nanguh le, thuokhat takin um unla, na lungthim uh sudet un; Lalpa hungna ding chuh a nai ta ngâl a.

JAKOB 5:8 ပူးပေါင်းရင်းမြစ်များ

JAKOB 5:9

Ka suohpihte haw, mawhchang a na um lohna dingun, kimukphun kiu in; ngaitiem u, Vaihawmpa chuh kawtkhak bul ah a ding zing hi!

GALATI 5:22

Himahlele, thagau gah vang chuh: hehpihna haw, lawpna haw, kichamna haw, thuokhatna haw, nunnemna haw, phatna haw; taksanumna haw,

SAM LEHKHABU THE PSALMS 37:7

Lalpa achun châwl inla, Amah chuh ngak tun tun in: A umdan a hamphatna mu haw ziekin kisulungkham nuom ki’n, Ngaihtuohna gilote pitit sak ziek chun.

1 PETER 4:7

Himahlele, thil chengcheng tawpna ding chuh a nai ta a. Zieziekchun, na paucham theihna dingun, lungthim diktak pu’n, chingkieu in um un.

PHILIPPI 4:5

Na dawhhatnau chuh mi chengcheng het hi he’n. Lalpa chuh hung pai ding a hi ngâl a.

SAM LEHKHABU THE PSALMS 27:14

Lalpa chuh ngâk zing in; hattak in um inla, na lunggil chuh hangsan henla, A hi, Lalpa chuh ngak zing in!

THUPHUON 22:20

Zie thu haw hettuok sak pa hin, “A hii, hung vak zieng ding ka hi,” a ti a. Amen, hung ta’n la, Lalpa Isu!

1 THESSALONIKA 3:13

Khutichun, I Lalpau Isu chuh, a mi thiengthote chengcheng tawh a hung tieng leh, I Pathien u leh I Pau masang achun, na lunggil hawu thiengtho leh paulap bei in hun sudet thei ina.

MIKA 7:7

Himahleh, ken vang chuh Lalpa lam en ing ka ting, ka hukdamna Pathien chuh ngak ing ka. Ka Pathien chun ei ngaitha ding ahi ngâl a.

2 THESSALONIKA 3:5

Lalpa chun, Pathien hehpihna leh, Krista thuokhatna chuh hethiem zawsem dingin hun pui ta hen.

ROME 8:25

I muh loh chuh I kinep le vang chuh I ngak tuntun sek ui.

SAM LEHKHABU THE PSALMS 130:5

Lalpa chuh ka ngak zing a, ka hinna hin a ngak zing hi, A thu le ka kineppih ahi.

1 THESSALONIKA 1:10

A Chapa, mithi lak apat a kaih thawh. Pathien lungnat hungtung ding apat a ei hukdawk pên, a Chapa Isu, van apat a a hung ding na ngak uh a gen sausau uh ahi.

HABAKKUK 2:3

Zie kilâkna chuh hun guot sung a ding chauh ahih ziekin, a tâwp chuh tung pai ding ahi a, thâwn puo’n a. Chanchûm tak guolin kilang mahleh, ngak in, hungtung ngêi ngêi ding ahi a, sawt hal ta puo’n a.

THILSIEMBUL 49:18

“Aw Lalpa, na hukdamna chuh ka ngak zing hi.

EZEKIEL 7:12

Hun chuh a hung tung ta a, ni chuh a nai huoi huoi tai: a chawte le kipâk kiu henla, a zuokte le lungkham kiu hen: lungnatna chuh a bawn u a chungah a tung ngâla.

LUKE 21:19

Det takin dingun, tichun, na thuokhat nau in na hinnau hukbit un lau.

JOHAN 21:22

Isu’n a dâwng a, “Ka hung masang sieh hing zing heh ti leng le, zie chuh nangin banga na mat ding ahi? Nangin nei zui ah!” a ti a.

1 THESSALONIKA 2:19

Lalpa Isu a hung tienga, zawhna ka kisuonpih ding u chuh, thil dang bangmah ahi puoh a, nang haw mawng hi, ka kinepnau, ka kipahnau chuh na hi ngâl u a.

JAKOB 5:3

Na sanateu leh na dangka hawu a tui-êk zo ta a, zie tui-êk chuh, nang haw hun do a hetpihtu hi’n tin, mei kâktum guolin, na taksateu chuh hun ne zo ina. Zie ni nunung haw ahin go na khawlkhawm uh a hi hi.