JAKOB 5:4 - PATHIEN LEKHABU THIENGTHO (BSI)

⁴ Ngaitiem u, na lo hawu a kithalawh a na gawih teu lawh, dawha bawl a, na piek loh uh khah, na buh-atteu kiko thawm chuh, Bangkim hihthei Lalpa Pathien nakhang achun a tung to tai!

JAKOB 5:4 ပူးပေါင်းရင်းမြစ်များ

THIEMPUDANTE 19:13

“Na invengteu na thep dinguh ahi puoh a, na gûk sak dinguh ahi diek puoi. Mi, na thalakteu lawh chuh pie lo in, zan khat le na umsak dinguh ahi puoi.

JEREMIA 22:13

Diktatlohna a in sa a, diklohna a pindan chungnung haw siem pa, a thawna a invengte tha guoi a, lawh pie nuom lo te chung chuh a gik hi;

ROME 9:29

Isai mah in, “Mipite Lalpa chun chi sep zak ding ei na nutsieh lo hi le chuh, Sodom khuo guolin ana um tai ting uh, Gomorra khuo guolin siem in ana um tai tiu,” ti a a gen guol mah khan.

MALAKI 3:5

Vaihawm dingin hung kit vak ding ka hi, dawithiemte, zawlsaite, lepchieh a kipautiemte chung leh, meithai leh chagah leh kithalakte lawh suchavai a, bawlsiete leh, gamdang mi nawhmangte leh, ei kihcha lote chung achun hetpihtu diktak hi ding ka hi, tih hi Bangkim hihthei Lalpa kamsuok ahi.

PAWTDAWKNA 22:27

Zie chuh kituomna dinga a neihsun ahi a, a sapum tuom lumna dinga a puon ahi ngâl a; bang silh in ahim a ihmut ding? Chun, hiti hi hung hi’n tin, ei hun sap chun a na za ngêi ing ka ting; kei chuh mi lungsiet thiem tak ka hi ngâl a.

LUKE 18:7

Pathien in, a mah mite ngêi, a sun a zan a panpihna ngên a kiko sekte phuba chuh lâksak lo ding ahim? Amau haw panpih dingin a ngak nalai dinga ahim?

SAM LEHKHABU THE PSALMS 9:12

Thisan suoh, suohsalh zel sek pa chun amah chuh a ngaihtuoh ngâla: Mi gimtheite kiko thawm chuh a hengilh kha puoi.

JOB LEHKHABU THE BOOK OF JOB 34:28

Tichun mi gimtheite kiko git chuh amah kawm a tun sak a, Amah chun sukgimtheih a umte kiko thawm chuh a na za ta a.

PAWTDAWKNA 3:9

Chun, ngaitie, Israel suonte kiko thawm chuh ka kawm a hungtung a, zie mai chuh hilo in, Aigupta mite’n amau haw a sukgimtheih zieu chuh ka mu zing a puo.

THILSIEMBUL 4:10

Lalpa chun, “Bang hih na hi ta’m? Na nau thisan aw chun lei apat in ei uou hi.

KOLOSSA 4:1

Lawiupate haw, nangun le van ah lawiupa na nei ui tih he’n, na suokteu chungah a thutak leh a kilawm hun phetin hih un.

HABAKKUK 2:11

Suong chuh bang apat chun hung kiko dawk un tin, chun, inkam a kimang thing zawl te chun dâwng un au.

ISAI 5:7

Sepaihte Lalpa grep huon chuh Israel Inkuon hi ahi a, Juda mipite hi a grep phuhte chuh ahiu hi. Thu dik a kineppih a, himahleh thisan suohna’n a dim a; diktatna kineppih mahleh lungkham taka kiko aw zak ahi tai!

ISAI 1:9

Sepaihte Lalpa chun sukmangthai mâwk tawmcha a na nutsieh sak lo hile chuh, Sodom guolin ana um tai ting un, Gomorra tawbang khah hita ding I hiu hi.

DAN NIHNA 15:9

Kingaihdam kum, kum sagihna chuh hung tung ding ei tai, ti a, na unau gimthei chuh mit phalo taka en a, bangmah pie nuom lo a, na lungthim u a ngaihtuohna phalo taktak a um lohna dingin chingthei un; khutilochun, na chung u a lungkim lo in Lalpa a na sam intin, nang u dingin gitlohna hung hi khâna.

ISAI 5:9

Sepaihte haw Lalpa chun ka zak ah hiti hin a ti: “In tamtak lien tak takte, hawihtak takte chuh a luoh ding um lo a hung sie ngêi ngêi ding ahi.

MATTHAI 9:37

Tichun, a sinsakte kawm achun, “Buh ât ding a tam ten ngâl in, himahlele a sem ding mi atawm ui;

JOB LEHKHABU THE BOOK OF JOB 7:2

Suok, ni lîm utcha mah mah tawbang in leh, Kithalawh mi, a lawh mai ngaka um tawbang ahi.