JAKOB 5:10 - PATHIEN LEKHABU THIENGTHO (BSI)

¹⁰ Suohpihte haw, Lalpa min a thugen, Thiemgaute chuh, thuokna leh thuokhat dân lam achun, etkal dingin mang un.

JAKOB 5:10 ပူးပေါင်းရင်းမြစ်များ

HEBRAI 13:7

Na lawiupau, Pathien thu hun hilh sekte chuh hezing un la, a nunchan uh a thil a thawhdawk teu chuh ngaihtuoh in, a taksan zawh danteu chuh entawn un.

NASEPTE 7:52

Nanguh hun suonte’n, thiemgaute laka kuo a, a bawlsiet loh uh um? Mi Diktat hung ding thu hilhlawkte khah a that u a; zie Mi Diktat chuh matsakte leh thatte chuh nangmau hi na hiu apuo!

NASEPTE 3:21

Amahvang chuh, bangakai siemthak hun a tun masang sieh, amah chuh van a um tadih ding a hii, zie siemthak hun ding chuh Pathien in, malai pek a a thiemgau thiengthote manga a gen sa ahi tai.

LUKE 6:23

Zie tawbang chuh a hungtun tieng leh kipâk unla, lâwpin kichawm un; van ah na kipahman uh a um tam ngâl a. Khutibangmah chun a suonteu inle thiemgaute chungah a na hih sek uh ahi kha.

JEREMIA 2:30

Na chateu ka zêp a la a phachuom puoh a; a phatpih diek puou hi. Sakeibaknei gawlham tak bang mai in na chemzâm teu in thiemgau te a that zo ta a.

ISAI 39:8

Tichun, leng Hezekia chun zie chuh, amah damsung a muonna leh bitna um ngêi ding ahi tih gena a ngaiin, a kawmah, “Lalpa apat a thu nei hilh hi a pha ie,” a ti a.

2 KHANGTHUBU 36:16

Himahleh Pathien mi sawlte chu a na musit u a, a thugen chu a ngaihsak puou a, Thiemgau te chu a nuihsan u a, suohchak na himhim umlo khawpa, Lalpa lungnatna a mite chunga a tun ma chun.

LUKE 13:34

“Aw Jerusalem, Jerusalem, thiemgau haw that, na kawma thupuo a hun sawlte suong a sep lum! Akpi’n amah note a tha nuoia a awp khum guolin, na chate bang zat vei a awp khum ka guot tâk kha! Himahleh na ut ngâl puou a.

JEREMIA 26:16

Tichun, lawiupa haw leh mipite chun thiempute leh thiemgaute kawm achun, “Zie pa hi thah loh ding ahi, Lalpa Pathien min a ei uh kienga thugen ahi zawi,” a tiu a.

JEREMIA 23:22

Ka lemguotna a amau le um hi leu chuh, ka thu hi ka mite kawma phuong ding ahiu a, tichun, a lampi diklo u apat chun kihei kit sak ding ahiu hi!

JAKOB 4:11

Suohpihte, kigensie tuoh kiu in. Kuon le, a suohpih gensie’n, awimawh leh, Dan gensie leh awimawh ahi. Dan na awihmawh chun, Dan zawp na hi ta puoh a, a vaihawm a pang na hi zawi.

JAKOB 5:7

Khutichun, suohpihte, Lalpa hungkit masang sieh, thuokhat takin um un. Ngaitiem u, loneipa chun, guoh masa leh guoh nunung chuh a muh masang sieh chun, thuokhat takin, lei gah lul tak chuh a ngak sek hi.

JAKOB 5:9

Ka suohpihte haw, mawhchang a na um lohna dingun, kimukphun kiu in; ngaitiem u, Vaihawmpa chuh kawtkhak bul ah a ding zing hi!

JAKOB 5:13

Na laku ah haksatna thuok a um u? Paucham hen. A lawp a um u? Pahchakna la sa hen.