JAKOB 5:1 - PATHIEN LEKHABU THIENGTHO (BSI)

¹ Tuhin, nanguh mineizote haw, ei na ngaithau in! Na chunguh a lunggimna a hungtun ding ziek hin, kap unla, pêng tuk tuk un!

JAKOB 5:1 ပူးပေါင်းရင်းမြစ်များ

SAM LEHKHABU THE PSALMS 17:14

Aw Lalpa, na khut in mihiemte lak ah, Khawvel mihiemte lak ahin, humbit inla; Amau chanvo chuh tu damsunga a neih u hi a hi a, A gilpiu chuh na go in na sukdim sak sek a: Cha lungkim na kham set a nei u a, A sum mat val u chuh a chasen teu a taihsan sek ui.

THUCHINGTE 11:28

A hauhsakna kimuonpihte chuh puk untin; himahleh, mi diktatte vang chuh hamhing guolin duoh in au.

THUCHINGTE 11:4

Thihna na tuok ni chun sumlepai in phatchuomna nei puo’n tin; himahlele ginumna chun na hinna hukdawk in a.

ISAI 13:6

Mau vungvung un, Lalpa ni chuh a nai ta ngâl a! Bangkim hihthei apat a hih sietna hungtung ding ahi.

ISAI 15:3

A khawlai hawu achun kawlladip puon a silh u a, a In chunghawu leh, khawpi ning tin achun mitin chuh nasa taka kap in a kiko vuohvuoh u a.

JEREMIA 4:8

Zieziekchun kawlladip silh unla, kap unla, khuoisa vungvung un. Lalpa lungnat na huoisie tak mai chuh I lak u apat in akithiel puoh ngâla.

JEREMIA 9:23

Lalpa’n hiti hin a tii; “Miching chun a chitna suong kihen la, mihat inle a hatna suong diek kihen la; mi hausa chun le a sumlepai suong diek kiheh.

EZEKIEL 19:2

Na nu chuh kuo ahi? Sakeibaknei ahi ie; Sakeibaknei chal lak ah a bawk; a note vak, sakeibaknei chal tuoi lak ah.

EZEKIEL 30:2

“Mihing chapa, genlawk inla, Lalpa Pathien chun hiti hin a tii: Kiu zak unla, Ehe, zie ni lâwm lâwm chu aw!

JOEL 1:11

Aw nanguh, lonei mite haw, kap un; aw nanguh grep gui enkawlte haw, buh leh buhmanpawlte ziek chun kiko vawk vawk un la; lo a buh ât ding chuh a bei ta ngâl a!

JOEL 1:13

Nang haw thiempute haw, kawlladip puon cheng unla kap un! Pathien Ho-In achun chieh unla, zan khuo vakin sûn un; Na Pathien u In apat chun changbuong lat leh dâwn ding lat chuh khap ahi ta ngâla!

JOEL 1:5

Zukhamte haw, halh unla, kap un; Uain dâwn cheng chengte haw, uain kham in kiko vawk vawk un! na kam uh apat lak mang in a um ta ngâl a.

MIKA 6:12

Na mi hausateu chuh pawngbawl na’n a dim u a, mi chagahte chuh diklo takin a guoi u a, a kamsung u a a lei u chuh thephat ahi!

ZEPHANIA 1:18

Lalpa lungnatna ni chun, a sana teu, a dangkaguoteu ahim in la amau haw hukdawk thei puo’n tin; gam pumpi hi a lungnatna mei chun ka zo vek in a. Gamsung a um chengcheng sumangthai ding ahi a, ahi, manthaina huoisie tak tung ding ahi ngâla.

DAN NIHNA 32:15

Ahihziekin, Jeshurun te chuh a hung thau u a, ahi lawk lawk u a; Na hung thau a, na hung mûm a, na hung zawl ta a; Khutichun, a siempa Pathien chuh a nusieh ta a, A hukdamna suongpi chuh a ngaidau hi.

JAKOB 1:11

Khutibang mah chun mi neizo vang chuh sukniem a a um ziekin kithang-at zaw hen, hampa pak banga hung mangthai ding ahi ngâla.

JAKOB 2:6

Nang haw vangin mi chagah chuh na sukzahhuoi zawk uh ahi. Mi neizote chuh nanguh hunam a hun bawl leh, vaihawmna In a hun kailut sekte khah ahi puou maw?

JAKOB 4:13

Tuhin, ngaitiem u khai! “Tuni’n ahim, zing leh ahim, zie khawpi a khun chieh hi ting uh, tak achun kum khat va tham hi ting uh, va sumkawlvei hi ting uh, veikan hitiu,” tite haw,

JAKOB 4:9

Lungkham un la, kiko un la, kap un; na nuihnau chuh lungkhamna suok sak unla, na lawpnau chuh lungkhamna suok hen!