JAKOB 4:9 - PATHIEN LEKHABU THIENGTHO (BSI)

⁹ Lungkham un la, kiko un la, kap un; na nuihnau chuh lungkhamna suok sak unla, na lawpnau chuh lungkhamna suok hen!

JAKOB 4:9 ပူးပေါင်းရင်းမြစ်များ

NEHEMIA 8:9

Khutichun, mipite chun dân thu chuh a zak phet un a lungthim uh a khawih mah mah a, tichun a kap tau a. Ziephet chun gam awptu Nehemia leh thiempute leh lehkhazikpa Ezra leh mipi sinsak Levi chite chun mipite kawm achun, “Tuni hi Lalpa na Pathien u a ding a ni thiengtho ahi a, kap kiu inla, thasie takin um kiu in,” a tiu a.

JOB LEHKHABU THE BOOK OF JOB 30:31

Zieziekchun ka kingkang githaw chuh sûnna a suok ta a. Ka châmngai chuh kapte aw a suok tai.

SAM LEHKHABU THE PSALMS 119:136

Ka mittui hi lui tui tawbang in a luong tha a, Na dân a zuih loh ziek un.

SAM LEHKHABU THE PSALMS 119:67

Hih gimtheih a ka um makhan ka vakmang sek a; Tuhin vang chuh na thu ka zui tai.

SAM LEHKHABU THE PSALMS 119:71

Na thuguot te chuh ka zil theihna ding in; Hih gimtheih a ka na um kha kei dingin a pha ahi.

THUCHINGTE 14:13

Nuihna muna le lungkhamna a um a, himahleh kipahna tawpna chuh lungkhamna ahi.

THUGENPA 2:2

Nuih hat hi ngawlna ahi tih le ka mu dawk a, tawbang nawpna chuh phatchuomna bei ahi tih ka he tai.

JEREMIA 31:13

Zie tieng chuleh, nungak thiengthote chuh lam in, kipâk untin, tangvalte leh teksiete le kipâk un au. A lungkhamnau kipahna chan sak in, a lusûnnau kipahna suok sak ka ting, thamuon ing ka ting, lungkhamna sangin kipahna pie’ng ka.

JEREMIA 31:9

Kap kawmin hung khawm un tin, thamuong takin puikit ing ka. Lui luong pang achun pui ing ka ting, a kisuih lohna dinguh lampi cham achun; Israel a dingin pa ka hi ngâl a, Ephraim chuh ka cha masapen ahi, ti’n.

SUNNA LA 5:15

Ka kipahnateu a dai zo ta a; ka lâmnau chu lungkham na’n a chup mang tai.

EZEKIEL 16:63

Khutichun, na thil hihsa chengcheng ngaihdamna ka hun siem sak tieng leh na hetzing a, na zahchâk zieka na kam na kât tâk lohna dingin,” Lalpa Pathien chun a tii.

EZEKIEL 7:16

Ahihziekin, a suokcha a taidawk a um chun, luiphai vakhu guolin tâng chung haw achun muhdawk in um in tin, amau chiet gitlohna ziekin thum leh mau in um in au.

MATTHAI 21:41

Amau haw chun a kawmah, “Zie mi gilote chuh dahum takin sumang intin, grep huon chuh, huonngak dangte, a gah lawh phat chenga a gah haw chuh amah kawma pie thei dingte khut ah thawh lawh dingin pie’n a,” a tiu a.

MATTHAI 5:4

“Pûlthuokte chuh a hamphau hi; lungmuon a hung um ding ahi ngâl u a.

LUKE 16:25

Himahlele, Abraham chun, ‘Ka chapa, nangin na dam lai khan thilpha na chang a, khutibang mah in Lazarus thil phalo a chan kha hezingin! Tu’n chuh, amah taka hin lungmuong takin a um a, nang vang a gim na hi ta kha!

LUKE 6:21

“Nang haw, tu a gilkielte haw, na hamphau ui; Hung tai ding na hi ngâl un! “Nang haw, tu a kapte haw, na hamphau ui, hung nui ding na hi ngâl un.

LUKE 6:25

“Nanguh, tu a vah te haw, na chunguh a gik hi, hung gilkiel ding na hi ngâl u a. Nanguh tu a nui te haw na chung uh a gik hi; lungkham a hung kap ding na hi ngâl u a.