JAKOB 4:8 - PATHIEN LEKHABU THIENGTHO (BSI)

⁸ Pathien naih un, tichun ama’n hun naih ina. Mi gilote haw, na khut hawu silngim un la, lungthim mumal neilote haw, na lunggil uh suthieng un!

JAKOB 4:8 ပူးပေါင်းရင်းမြစ်များ

SAM LEHKHABU THE PSALMS 145:18

Lalpa chuh amah sam cheng kawm achun a nai a; Tihtak taka amah samte cheng kawm achun a nai sek hi.

HEBRAI 10:22

Zieziekchun, I lunggil uh a sielephahetna a thiemmawh kichansakna chuh sukthien saka um in, I sapum hawu le tui thieng a silngim a um in, taksanna bukim leh lunggil tak takin Pathien kawm lam naih hitiu.

MALAKI 3:7

Nanguh hun suonte hun a kipat khan, ka thuguot te na kiheimangsan u a, zuih le na zui kha puou ui! Ka kawmah hung vaikit un la, tichun, Keile na kawm u ah hung vaikit ing ka, Bangkim hihthei Lalpa’n a tii. Nang haw chun la, ‘Bang haw ahin ahim ka hung vaihkit ding uh?’ na tiu a.

ZEKARIA 1:3

Himahleh, tuhin, na kawm u ah, ‘Ka kawmah hung vaikit un la, tichun, Kei le nanguh kawm lam hung nga’ng ka.

2 KHANGTHUBU 15:2

Asa muok ding in a chieh dawka, A kawmah, “Asa leh Juda mi chengcheng leh Benjamin mite, ka thu hi ngaitha tiem u: A mah lama na pan sung cheng un Lalpa chu nang u lam ah a panga, a mah na hawl u chun mun na tin uh, a mah na nungngatsan u chun a man le hun nungngatsan in a.

JEREMIA 4:14

Aw Jerusalem, gitloh na apat in na lunggil sawp thieng inla, ti a chuh hukdam na hih theih na dingin. Bang chana na ngaihtuoh na gilo chuh na vawp ding?

1 JOHAN 3:3

Kuole, Krista chunga zie kinepna nei ta chuh, amah a thien guolin a kisuthiengtho sek hi.

SAM LEHKHABU THE PSALMS 51:10

Aw Pathien keimah ahin lunggil thiengtho tak siem inla Ka sung ahin thagau thak leh diktak siem thak kit in.

HEBRAI 7:19

Mosi Dan chun bangmah sukbukim theih him a nei puoh ngâl a. Tuhin vang chuh Pathien I naih zawk theihna dingun, kinepna phazaw chuh piek in I um tau hi.

2 KORINTH 7:1

Khutichun, deihtakte haw, zie thutiem haw chuh I neih ziekun, phehlevo leh thagau buokna chengcheng lak apat, kisuthieng hitiu, Pathien lau kawm takin, thienthona bukim in um hitiu.

EZEKIEL 18:31

Bawhsietna na na hihsa chengcheng u chuh paihmang vek unla, lunggil thak leh ngaihtuohna thak nei un: Bang zieka e na thih ding uh, Aw Israel insung mite haw?

SAM LEHKHABU THE PSALMS 73:28

Mahleh kei a dingin vang chuh Pathien naih hi a phai; Lalpa Pathien chuh ka kihumbit na’n ka manga, a nasep chengcheng chu ka gen theih na dingin.

1 KHANGTHUBU 28:9

“Chun, nang ka chapa Solomon, na pa Pathien chu na Pathien hi hen la, lunggil phabukim leh lungthim lawp takin a na chu sem in. Lalpa chun lunggil a en sek a, lunggil a tupte chengcheng chu a he suok hi. Amah na hawl chun mu’n na tin, na kihei mangsan chun kumlekhuo’n hun paih tha’na.

1 PETER 3:21

Zie chuh, baptistma, tu a nanguh hukdama na umnau etsakna chuh ahi. Zie chuh taksapum nin sawp thienna hilo in, sielepha hetna thieng taka, Pathien kawma thutiem neihna chuh ahi. Isu Krista thawhkitna vangin tuhin a hun hukdam na hiu hi;

JOB LEHKHABU THE BOOK OF JOB 17:9

Hilele, mi kitûp chun a lampi ngei a tu zing sek a, Kuole khut thiengtho nei chuh hât deuh deuh in a.

MATTHAI 12:33

“Thing hi a phat chun, a gah le a pha a, thing a phatloh chun a gah le a pha puoi; thing chuh a gah in a kihe ngâl a

1 TIMOTHE 2:8

Khutichun, pasal haw’n, sapchuom nasepna achun, khut thiengtho tungin, lungna lo leh kiniel lo in paucham leu ka deih ahi.

ISAI 29:13

Lalpa chun, “Zie te haw hin, a kam un ei naih u a; a mûk un ei limbawl u a, himahlele, a lunggil un la ei gamlat ngâl u a, ei ho sek u hi mihiem thupiek a a sinsak maimai bang uh ahi.

SAM LEHKHABU THE PSALMS 24:4

Khut ngim leh lunggil thiengtho nei a, A lungthim bangmah lo maimai a kawih ngei lo a, Diklo taka kihâksiel kha lo mi chuh.

1 PETER 1:22

Suohpihte, kihehpih tak tak dinga, thutak zawpa, na thagau uh na sukthien tâk ziekun, lunggil a lunglut takin kihehpih tuoh un.

SAM LEHKHABU THE PSALMS 18:20

Lalpa chun ka diktat dungzui in kipahman ei pie a; Ka khut haw thientho dungzui ngêi in ei din ahi,

JAKOB 1:8

Lalpa kawmah bangmah muh kinem kiheh.

SAM LEHKHABU THE PSALMS 26:6

Ka khut haw hi demna bei in sil ing ka ting, Tichun, Aw Lalpa, na maichâm chu kimvel ing ka:

NASEPTE 15:9

Chuleh, ei u leh amau khenchuom neilo in, a taksan ziekun a gitlohnateu a ngaidam a.

THILSIEMBUL 18:23

Chun, Abraham chun ava naih a, “Mi diktatte chuh migilote tawh sumangthai khawm mai ding na him?

JOB LEHKHABU THE BOOK OF JOB 16:17

Mahleh, ka khut ah pawngbawlna a um puoh a, ka pauchamna chuh a thiengtho zing hi.

MATTHAI 15:2

“Bang zieka na sinsakte’n pilepute thuguichin a palthak sek uh a? Chângthâk a nek un a khut uh a sawp kha sek puou a,” a tiu a.

JEREMIA 4:11

Zie tieng chuleh zie mite leh Jerusalem kawm ahin, Thalek gamgaw apat in huih lum tak, ka chanu ka mite suthieng ding hilo, ka mite mût vawt ding le hi diek lo hung nung ina.

JOB LEHKHABU THE BOOK OF JOB 9:30

Vuk in kisil mah lengle, Ka khuthaw hi changal in sawp mah lengle;

ISAI 13:15

Kuole, a muh takphawt uh sunlum untin, kuole, a mat takphawt uh chuh chemzâma satlup in um un au.

SAM LEHKHABU THE PSALMS 73:13

A thâwn mai in ka lunggil hi ka hih thien a, Ka khut haw hi gensiet bei a ka na sil a.

MATTHAI 27:24

Ziephet chun, Pilate in bangmah ahih thei ta puoh a, hung buoi zaw deuh deuh ding ahi tih a het in, tui a la a. mipite ma achun a khut a sawp a, “Zie mi diktat thisan ahin ka thieng hi, nangun na lawh lawh uh kilawh un,” a ti a.

1 SAMUEL 14:35

Chun, Saul chun Lalpa dingin maichâm a siem a; zie chu Lalpa dinga maichâm a siem masak pên ahi.

SAM LEHKHABU THE PSALMS 119:113

Lungthim thuoh nei mi haw chuh ka haw a; Himahleh, na dân vang chuh ka ngaina a.

ISAI 58:2

Amau haw chun ni chengin ei ho sek u a, Ka lampi thute le het a nuom sek u a; diktat taka hih leh, a Pathien uh vaihawmna haihsan ngeilo namte bangin ka kawmah vaihawmna diktak ei ngên sek u a, Pathien hun naih le a utcha sek ui.

JAKOB 3:17

Chunglam apat a chitna hung suk vang chuh, a tûngin a thiengtho phawt a, zie nung chuleh kicham a nuom a, a nunnem a, a thunuom a, zahngaihna leh gah pha’n a dim a, khenchuom a nei puoh a, a gukhah diek puoi.

SUNNA LA 3:57

Ka hun sap ni’n nangin nei dâwng a; “Lau ki’n” nei ti a.