JAKOB 4:6 - PATHIEN LEKHABU THIENGTHO (BSI)

⁶ Himahlele, Pathien in hehpihna ei piek chuh a hât zawsem ngâl a. Pathien Lehkhabu’n, “Pathien in mi husiete a do a, mi kingainiemte vang chuh vang a pie sek hi,” a tih guolin.

JAKOB 4:6 ပူးပေါင်းရင်းမြစ်များ

MATTHAI 23:12

Kuole, amah kingailul ta chuh niem intin, kuole amah kingainiem ta chuh chawihsân in um ina.

THUCHINGTE 3:34

Muhsit chîngte chuh a musit sek a, himahleh, kingainiemte chuh zahngaihna a pie sek hi.

1 PETER 5:5

Khutibang mah in, nanguh tanglak deuhte haw; upate kawmah kitulut un. A hii, na bawn uh a kizen tuoh chiet dingin, nuoilutchuhna’n kivan un; Pathien in mi husiete a do a, kingainiemte vang chuh lungsietna a pie sek hi.

THUCHINGTE 18:12

Mi lungthim chapo chuh manthaina masangah a chieh sek a, limbawlna masang achun kingaihniemna a chieh sek hi.

SAM LEHKHABU THE PSALMS 138:6

Lalpa chuh chungnung tak ahi na a, mineute le a limsak zel sek a: Himahleh, mi kisathei haw chuh gamla taka kipan in a muchien sek hi.

THUCHINGTE 29:23

Chapona chun mi a suniem a, himahleh kingainiem te chun limbawlna mu’n au.

THUCHINGTE 22:4

Kingaihniemna leh Lalpa kihchakna man chuh, damsunga hauhsaknate, chawih-atna te, hinna te ahiu hi.

LUKE 14:11

Kingaisang ta chuh niem intin, kingainiem taphawtte chuh limbawl in um un au,” a ti a.

ISAI 2:17

Mihing kideihnate chuh suktawp hi’n tin, mite chapona haw chuh sukmangthai in um ina. Zie ni chuleh Lalpa chauh chuh chawihsân in um intin;

JOB LEHKHABU THE BOOK OF JOB 22:29

Midang te chuh tawhniem a a um tieng u leh a chapo ziekuh ahi na ti a, Mi kingainiemte chuh a hukdam sek ngâla.

LUKE 18:14

Ziephet chun Isu’n, “Ka hilh na hiu, Pharisai chuh hilo in, siehdawlpa zaw chuh in lam ah thiemchang in a kileh kit tai. Zieziekchun, kuole, kingailul ta tawm un tin, kingaitawm ta chu limbawl in um un au,” a ti a.

DANIEL 4:37

“Tichun, kei Nebuknezar hin van Lengpa chuh ka pakcha ta a, ka chawisâng a, ka limbawl a; a thilhih chengte chuh a dik in a lampite chuh a kitûp ngâl a: kuole chapo taka thilhihte chuh a suniem thei ahi,” ka ti a!

ISAI 57:15

“Chungnung pên Pathien lopi, chawihsân a um, kumlekhuo a hing zing Amin Thiengtho kiti chun hiti hin a gen hi: ‘Mun sang leh Mun Thiengtho achun ka chênga, kingainiemte leh lunggil kisik vulvul te hihhalh ding leh lungthim thasie te chuh suhalh dingin.’

LUKE 1:52

Leng lopi takte chuh a lalchutphah uh apat chun a luoi tha a, dinmun niemte chuh a chawisâng ta a.

THUCHINGTE 15:33

Lalpa kihchak na chuh pilna kisinsakna achun a um a, kingaihniemna chuh limbawla umna ahi.

2 KHANGTHUBU 33:12

A thuok gimtheihna apat chun Lalpa lam a nga kit a, a pilepute Pathien masang achun nasatak in a kingainiem a.

1 SAMUEL 2:3

Khuti lâwm lâwm a chapo in thu gen takiu inla; Na kawm u a pat in hâmdâwkna himhim pawt kihen; Lalpa chu chitna Pathien ahi ngâla, Ama’n thilhih haw a bûk tuok sek hi.

2 KHANGTHUBU 34:27

na kisik a, ka masangah na kingainiem a, na puonte bawtthêk in, na kap ta a, na pauchamna ka he a,

2 KHANGTHUBU 32:26

A tâwp chun, Hezekia leh Jerusalem a mipite chu a hung kingainiem tau a, khutichun Hezekia damsung chun Lalpa’n mipite chu a gawt ta puoi.

MATTHAI 13:12

Kuole a nei ta piek beh un tin, tamtak hun nei intin, himahleh kuole a neilo chuh a neihsun le lâksak un au.

2 KHANGTHUBU 33:23

Himahleh a pa banglo tak in, kingainiem in Lalpa lam a nga kit nuom puoh a; a pa sangin a gilo zaw ta a.

PAWTDAWKNA 18:11

Tuhin chuh Lalpa chuh pathien chengcheng sangin a lopi zawi tih ka he tai; Aigupta te’n simmawh taka a bawlna tâk u ah Amah chuh a chung u a um ahi,” a ti a.

ISAI 54:7

“Mitphetkal sung cha ka hun taihsan a; himahleh, lungsietna lien tak pum in hun puikit ing ka.

SAM LEHKHABU THE PSALMS 9:12

Thisan suoh, suohsalh zel sek pa chun amah chuh a ngaihtuoh ngâla: Mi gimtheite kiko thawm chuh a hengilh kha puoi.

2 KHANGTHUBU 33:19

Chuleh, a pauchamnate leh, Pathien in a dawnna thute, a kikawihniem ma a a gitloh na chengcheng, milim ho na a siem, Asher pathien lim leh milim siemkawm a tundawkna mun chengcheng te chuh thiemgau chanchin zik na bu ah a kizik vek hi.

JAKOB 4:10

Lalpa masang achun kingainiem un, tichun, ama’n hun chawisâng ina.