JAKOB 3:5 - PATHIEN LEKHABU THIENGTHO (BSI)

⁵ Khutibang mah in, lei hile, taksa bâk neucha khat ahi a, nasatak in a uong sek hi. Ngaitiem u, meisi neucha chun le, gammâng nasa taka ka thei sek hi!

JAKOB 3:5 ပူးပေါင်းရင်းမြစ်များ

THUCHINGTE 18:21

Lei thilhih theihna achun thihna leh hinna a um a, a mangte chun zie a pata gah chuh ne’n au.

THUCHINGTE 12:18

Chemzâma sut banga na a thugen a um a, himahleh, mipil thugen chun vang mi a sudam hi.

THUCHINGTE 15:2

Mipil lei chun pilna thudik a gendawk sek a, himahleh, mingawl kam chun vang zahchâk um thilte a siet dawk sek hi.

SAM LEHKHABU THE PSALMS 17:10

Amau haw chun lainatna a nei puou a, A kam un chapo takin a pau sek u a.

JUDA 1:16

Ziete haw chuh phunchiekte leh, mi awihmawh hatte ahiu a, amau utna bang zelin a um uh a, a kam sung un kiletsakna thu thanghuoi tak tak a gen uh a, amau phatchuomna ding deihna ziekin, mi Pahchak lim a thawh sek ui.

JEREMIA 18:18

Tichun, amau chun, “Hung tiem u, Jeremia hi mat ahih theihna ding ngaihtuoh hitiu, thiempute lak apat dân thu bei ding ahi puoh ngâl a, mipil apat in lemguotna, chun, zawlnei apat in thu bei diek puo’n a. Hung tiem u, gensie sausau hitiu, a thu himhim ngaihsak hiel puoi tiu,” a kitiu a.

SAM LEHKHABU THE PSALMS 10:3

Migilosalo chun a lungthim deihlam u chuh a kisuonpih u a, Mi duh-âm chun hansie kilawh ding chauh in Lalpa chuh a paih tha a, a musit sek.

EZEKIEL 28:2

“Mihing chapa, Tura lengte kawm achun gen in, Lalpa Pathien chun hiti hin a tii: Na lunggil a chapo a, Pathien ka hi a, tuipi laia pathiente chutna achun ka chûi, na ti a, ahihziekin mihing na hi zawa, Pathien na hi puoi, Pathien lungthim tawbang pu’n kingai mahleh chin le:

2 PETER 2:18

Thu manloh leh thanghuoi tak takte chuh gen in, gitloh na lak apat taidawk tungte chuh, taksa utchakna lam achun a zawl lut sek ngâl uh a.

DANIEL 4:30

a mah chun, “Zie Babulon khuo lopi tak hi keimah hatna ngêi leh, thilhih theihna a ka chênna ding leh, ka lopina leh ka thupi na suklatna dinga ka siem hilo ahim?” ti’n a gen a.

JOB LEHKHABU THE BOOK OF JOB 22:17

Pathien kawmah, “Kei uh ei taihsan in, Bangakai hihtheipa’n banga ei lawh theih? a tiu a.

PAWTDAWKNA 15:9

Melma chun, ‘Delh ing ka ting, delhpha ngêi ing ka, gâllâk sum chuh hawm ing ka; Amau haw achun ka utchakna pên chuh sukpitit hi’n tin, Ka chemzâm zuk dawk ing ka ting; ka khut in amau haw chuh sumangthai ing ka,’ a ti a.

DANIEL 3:15

Tuhin, pengkunte, châmngaite, kingkangte, gawsemte, bajate, pekgitte, leh thil githei tincheng na zak tiengu leh bawkkhup a ka milim siem chibai na bûk u chun phan tin: chibai na bûk loh uh le vang chuh zie hun mah mah chun hâltuina meipi a paih lut hi’n lau: ka khut apat nang haw hun hukdawk thei ding pathien dang um dingin na gingchau em?” a ti a.

EZEKIEL 29:3

Gen in la, Lalpa Pathien chun hiti hin a tii: Ngaiin, Aw Pharao, Aigupta lengpa ka hun do ahi, a luipite laka um, aw, awlepi lauh-um, ‘Nile Luipi hi keia ahi a, keimah a ding ngeia ka siem ahi’, tipa.

PAWTDAWKNA 5:2

Pharaoh chun, “Lalpa chuh kuo ahi a, a thu ka zawpa Israel suonte ka vak pawtsak mai ding ahim? Lalpa chuh ka he puoh a, chun Israel chate le pawtsak puo’ng ka,” a ti a.

SAM LEHKHABU THE PSALMS 39:1

“Ka lei hin thil ka hihkhelh loh na dingin, Ka um dân haw hi vengpha’ng ka ting: Minunsie te ka masanga a um sung cheng un Ka kam hi mûk kânna’n kân ing ka,” ka ti a.

THUCHINGTE 26:20

Thingkhuoh a tum tieng leh mei a mit guolin; kihogukna um lohna achun kinakna a bei sek hi.

JAKOB 3:4

Chun, meikhu kuonghaw hile a lien ten na a, huih gum hattak mût lawn viel in a um seka, himahlele, a tawlpa chun, a chieh sak nawpna lam chengah, a heina neucha chun a suhei sek hi.