JAKOB 3:17 - PATHIEN LEKHABU THIENGTHO (BSI)

¹⁷ Chunglam apat a chitna hung suk vang chuh, a tûngin a thiengtho phawt a, zie nung chuleh kicham a nuom a, a nunnem a, a thunuom a, zahngaihna leh gah pha’n a dim a, khenchuom a nei puoh a, a gukhah diek puoi.

JAKOB 3:17 ပူးပေါင်းရင်းမြစ်များ

THUCHINGTE 2:6

Lalpa chun pilna chuh a pie a, a kam apat chun hetna leh hetthiemna chuh a pawt ngâl a.

JAKOB 3:15

Zie tawbang chitna chuh, chunglam apat a hung kipan a hi puoh a, khawvel leh, sapum utna leh thitha apat ahi zawi.

ROME 12:9

Hehpihna chuh gukhahna tello hi hen. Gitloh hawu unla, apha lam chuh tuchak un.

JAKOB 1:17

Thilpiek pha leh bukim chengcheng chuh, chunglam apat ahi. Pa vaka hung tha suk ahi a, amah achun lamdanna leh kiheina lim himhim a um thei puoi.

JAKOB 1:5

Na lak uh a kuo’n le, chitna a tâksap chun, mi chengcheng kawma gailo leh it lo a pie sek pa Pathien kawmah ngên hen, khutichun, piek in um ina.

1 JOHAN 3:18

Naute, thu mai in kihehpih puoi tiu khai, lei mai inle kihehpih diek puoi tiu; thilhih leh tihtakzet in hi zaw hen.

1 PETER 1:22

Suohpihte, kihehpih tak tak dinga, thutak zawpa, na thagau uh na sukthien tâk ziekun, lunggil a lunglut takin kihehpih tuoh un.

MATTHAI 5:8

“Lunggil a thiengthote chuh a hamphau ui; Pathien hun mu ding ahi ngâl un.

1 JOHAN 3:3

Kuole, Krista chunga zie kinepna nei ta chuh, amah a thien guolin a kisuthiengtho sek hi.

LUKE 21:15

na melmateu chengcheng in, a hun do dîl u a, a hun niel theih lohna ding, kam leh chitna hun pie ding ka hi ngâl a.

LUKE 6:36

Zieziekchun, na Pau in mi a lungsiet guolin, mi lungsiet un.

HEBRAI 12:14

Mi chengcheng tawh kichama umna leh thienthona delh un, zie thienthona lo chun kuoma’n Lalpa mu puo’n au.

2 TIMOTHE 2:24

Lalpa sawntawlawi chun a kilanpih ding a hi puoh a. Himahleh, mi chengcheng chunga nunnem, sinsak thiem leh thuokhat ahih zawk ding ahi.

1 PETER 2:1

Khutichun, gitlohna chengcheng te, dawha a kilemna chengcheng te, gukhahnate, kimitthipna te, gensietna chengcheng te,

JAKOB 2:4

Na tih u chun, na lungthim uh a khenchuom nei leh, ngaihtuohna phalo nei a, mi awimawhte hung hilo ding na hiu hi?

HEBRAI 12:11

Chun, thununna himhim hi, a pet leh kipah-um in a kilang sek puoh a, thasiet um in a lang zaw sek hi, thuok muolsuoh nung vang le chuh, zie a sawihnem a umte ding chun, gah lungmuon-um tak, diktatna chuh a suoh sak sek hi.

KOLOSSA 1:10

Khutichun, Lalpa deihlam in hing thei un na tin uh, chun, amah kipahlam hih zing thei un lau. Tichun, na hinnau chun nasep phat tin chenga gahsuoh in, na Pathien hetna lam uh achun hung khangto thei unlau.

ROME 15:14

Chun, ka suohpihte, nanguh chung thu achun vang, nangmau mawng phatna’n na dim u a, chitna tin cheng na hau u a; hilh le na kihilhtuoh thei nau hi tih, keimah ngêi inle diktak in ka he nai.

JOB LEHKHABU THE BOOK OF JOB 28:28

Chun, mihing kawmah, “Lalpa kihchak hi chitna ahi takzet a, Thil phalo taihsan hi hetthiemna chuh ahi takzet hi,” a ti a.

1 KHANGTHUBU 22:12

Lalpa na Pathien chun chitna leh hetna te hun pie hen la, Israel te chunga chu, a Dan banga vai na hawm theihna dingin.

1 KORINTH 12:8

Mi khat kawmah, Thagau chun, chitna thu a pie a; khat kawmah, zie thagau mah chun, hetna thu a pie a.

JOB LEHKHABU THE BOOK OF JOB 28:23

Pathien in a zawtna lampi chuh a he a, chun, a umna mun le a hêi.

JAKOB 4:8

Pathien naih un, tichun ama’n hun naih ina. Mi gilote haw, na khut hawu silngim un la, lungthim mumal neilote haw, na lunggil uh suthieng un!

1 TIMOTHE 5:21

Zie thu haw hi langneih chuom na nei leh, uohchuom nei a bangmah hih lo in, Pathien leh Isu Krista leh vânsâwlchâkte mitmuh in, zawp dinga phachuomngai taka ka hun hetsak na hi.

NASEPTE 11:24

Barnabas chuh mi phatak ahi a, Thagau Thiengtho leh taksanna a dim ahi. Tichun, mi tamtakin Lalpa kawmah a tel behlap lawh tau hi.

MATTHAI 23:28

Nang haw le ziehaw guola chuh, pawlama mihiem muh a diktata kilang, na sunglam u chuh la, gukhah na leh gitlohna’n na dim ngâl u a.

1 THESSALONIKA 2:7

nang haw apat ahim, a hihloh leh mi dangte chunga le, bangmah ka ngek puou ui. Na kawm u a ka um tieng u leh, nute’n a chateu a dâwn bangun, nunnem takin ka um sek u kha.

PHILIPPI 4:8

A chaihna kêi in suohpihte, a dik ta cheng, a zahum ta cheng, a thutak ta cheng, a thiengtho ta cheng, a deihum ta cheng, a thanpha ta cheng, phatna a um a, pahchakna a um phawt chun, ziehaw chuh ngaihtuoh un.

PHILIPPI 1:11

Krista Ni a dinga chuh a tak tak leh sukkhelh bei na hih theihna dingun thil phapen chuh tel thei un lau.

NASEPTE 9:36

Chun, Joppa khuo a chun a min Tabitha kiti, sinsak khat a um a, (Tabitha umzie chuh Grik pau in Dorkas ahi a, zie chuh sazuknu tihna ahi); zie nu chun thilhih phat leh thilpiek dawk a hau ten a.

JOHAN 1:47

Isu’n, Nathanael a kawma hung a muh chun, a chanchin a gen a, “En tiem u, Israel diktak, amah a diklohna him um lo chuh!” a ti a.

JOHAN 1:14

Tichun, Thu chuh phehlevo a hung suok a, I laku ah a um ta a, lungsietna leh thutak in a dim hi. Pa Cha chang khat neih, lopi guolin, a lopi zie I muu hi.

MALAKI 3:3

Dangkaguo hâltui pa leh hih thiengthopa bangin chu’n tin, Levi chate chuh hih thiengtho in tin, amau haw chuh sana leh dangkaguo hih thieng bangin amau haw hih thieng ina; diktatna thillat te Lalpa masanga lat masang un.

MALAKI 2:9

Zieziekchun, ka lampite hawh na umloh bang u leh, na sinsak nau a khenchuom na neih bang zel un, mi chengcheng muhsit leh niem taka hun siem ding ka hi,” ti’n.

DANIEL 1:17

Tichun zie tanglak lite hi Pathien in thiemna leh chitna chengah hetna leh bilpilna a pie a, zie ban achun Daniel chuh kilâkna leh manghaw hilhchet thiemna a piek behlap a.

1 LENGTE 3:9

Khutichun na mipi haw vaihawm sak na dingin na suok hi chitna lunggil ei pie’n, a sie leh a pha ka khen theihna dingin; na mipi haw hiti zo zai hi kuo’n vaihawm sak thei ding ahim?” a ti a.

PAWTDAWKNA 36:2

Chun, Mosi’n Bezalel, Oholiab leh mi themthiemte, Lalpa’n a lunggil u a chitna a piek a, zie na chuh sem ngâp dinga lunggil taka thalawpna nei taphawt chuh Mosi’n nasep pan dingin a hilh a.

TITA 3:2

kuomah gensie lo ding leh, thusie bawl lo ding leh, mi chengcheng kawma kingaihniemna tincheng taklang a, nunnem dingin amau haw hetdawk sak kit ah.

TITA 1:15

Mi thiengte ding chun bangakai hi a thieng sek a; himahlele, mi thanghuoi leh gingcha lote ding chun bangmah a thieng a um sek puoi, a lungthimteu leh a sielephahetnau le sukbuok a a um tâk ziekin.

ROME 12:18

A hih theih diek chun, nang haw lam bêk, mi chengcheng tawh kicham in um un.

ISAI 32:6

Mingawl chun ngawl takin thu gen dawk intin, thil phalo hih ding chu guonggalh khawl ina. Lalpa sukmuolpho na ding lam ngen gen in, gilkielte chuh an a pie ngei puou a, dangchâkte kawm ale dâwn ding a pie diek puou hi.

ISAI 2:4

Chun, amah chun namte kal ah vaihawm intin, a chemzâmteu chuh lei lehna dingin sêk un tin, a tiengchateu chuh theikung vathahna chemcha dingin sêk un au. Nam khatin nam khat do dingin chemzâm pan ta puo’n tin uh galdo dân le zil diek ta puo’n au.

1 KHANGTHUBU 22:9

Himahleh, ka kawmah thu a na tiem a, ‘Chapa hun nei in na tin, a melmate apat a muonna ka piek ding ziekin muong takin vaihawm ina. Ka mi Israel te chunga thamuong tak leh bit taka vai a hawm ding ziekin, a min chu Solomon hi’n a.

1 LENGTE 3:28

Chun, Israel te chengcheng chun zie chung thu a leng thutan dân chu a na zau a; leng chu a kihcha tau a; vaihawmna dingin Pathien chitna chu amah achun a um hi tih a mu ta ngâl u a.

1 LENGTE 3:12

Ngaitie, na thu bang chun ka hih ta a; ngaitie, chitna leh hetna lunggil ka hun piei; khutichun na masanga nangmah tawbang mawngmawng kuomah a um puou a, na nung ale nangmah tawbang mawngmawng kuomah hung um diek ta puo’n a.

EPHESI 5:9

khawvak gahte chuh: phatna haw, diktatna haw leh thudik ahi.

2 KORINTH 10:1

Kei Paul, na kawm u a um chenga nunnem tak leh zaidam taka um a; na kawm u a ka um loh tienga, nanguh a ding a hahkat taka pang sek pa hin, na kawm u ah ka hun ngên hi.

2 KORINTH 9:10

Chun, tuh dinga chi piepa, leh nek dinga chângthâk piepa Pathien chun, na sinmawh cheng u chuh hun pie hen la, chun, hun khansak hen la, na thilphalnau apat chun, gah tamtak hun suoh sak ta he’n.

ISAI 40:11

Amah chun belam chingpa bangin, a belamte chuh veng intin; belam note chuh a khut nih in pawm intin, a ângsung ah kawih in tin, chun, a pi-nokaite chuh awlcha cha’n chiehpih dên dên ina.”

JOB LEHKHABU THE BOOK OF JOB 28:12

Mahleh chitna chuh khawitaka muh theih ding ahi? Chun, hetna umna chule khawitaka um ahi?

MATTHAI 5:9

“Chamna siemte chuh a hamphau ui; Pathien cha a vawh a hung um ding ahi ngâl u a.

2 KORINTH 6:6

Keimau mawng in Pathien zenviel te ka hihnau chuh, thienthona te, hetna te, thawkhatna te leh nunnemna te chun ka sulang sek ui. Thagau thiengtho leh lungsietna diktak leh,

2 KORINTH 7:11

Tichun, ngaitiem u! Pathien lunglam banga suklungkham a na umna mawng u chun, chittheihna te, sukkhelh neilo na hih uh kigenthiemna te: lunggimnate, lauhnate, lunghelnate, gunchuhnate, thil phalo hihte gawtna dinga kisak zawhna te nangmau ah, a siem nasa na zen e! Ziehaw chengcheng achun, na thieng ui tin na kiphawchien tau ahi.

JAKOB 2:13

Mi chunga zahngaihna tel lo a hihte chuh, zahngaihna tel lo a vaihawm sak in um ina; himahleh, zahngaihna chuh vaihawmna chung achun a guolzo sek hi.

1 PETER 2:18

Suokte haw, ginggek in, na puteu thu thu’n nung un; mipha leh mi nunnemte kawm mai ah hilo in, mi nunsiete kawmah le.