JAKOB 3:15 - PATHIEN LEKHABU THIENGTHO (BSI)

¹⁵ Zie tawbang chitna chuh, chunglam apat a hung kipan a hi puoh a, khawvel leh, sapum utna leh thitha apat ahi zawi.

JAKOB 3:15 ပူးပေါင်းရင်းမြစ်များ

JAKOB 3:17

Chunglam apat a chitna hung suk vang chuh, a tûngin a thiengtho phawt a, zie nung chuleh kicham a nuom a, a nunnem a, a thunuom a, zahngaihna leh gah pha’n a dim a, khenchuom a nei puoh a, a gukhah diek puoi.

JAKOB 1:17

Thilpiek pha leh bukim chengcheng chuh, chunglam apat ahi. Pa vaka hung tha suk ahi a, amah achun lamdanna leh kiheina lim himhim a um thei puoi.

1 KORINTH 3:19

Zie khawvel a chitna hi, Pathien ngaih in ngawlna ahi ngâl a. Pathien Lehkha thu’n: “Pathien in miching te chuh, amau haw chit gukhahna achun a awksak sek hi,” tih a gen guol khan;

PHILIPPI 3:19

Ziehaw tawpna chuh gawtmun a hi a, a pathien u chuh a gilpiu ahi. A lopina hawu chule a zahhuoinau a hi a, zie khawvel thilte mai hi a lunggulh sek ngâl ui.

1 KORINTH 2:14

Khawvel mi chun, Pathien Thagau lam thil haw chuh a lawp sek puou a, amah ngaih chun thil ngawlhuoi ahi a; Thagau a hetchil a hih ziekin a het theih loh him sek ahi.

2 KORINTH 1:12

Ka kipahna pên u chuh, zie khawvel a ka hindan u leh, nang haw tawh I kizawpnau hi, Pathien apat a, thieng tak leh dikna leh; mihing chitna hilo in, Pathien hehpihna thilhih theihna ahi tih, ka sie leh pha hetnau hin ei hetpihna hi ahi.

JAKOB 1:5

Na lak uh a kuo’n le, chitna a tâksap chun, mi chengcheng kawma gailo leh it lo a pie sek pa Pathien kawmah ngên hen, khutichun, piek in um ina.

1 TIMOTHE 4:1

Himahlele, hun nunung achun, mi khenkhatte chuh, mi lepchiehte gukhahna zieka puihmang a um in, thagau haw leh thithate sinsakna thu lunggulh in, taksanna chuh hun haihsan un au tih, Thagau chun kichien takin a gen a.

JUDA 1:19

Ziete haw chuh, taksa mi, Thagau neilo, lawitum siemte chuh ahiu hi.

1 KORINTH 3:3

zie khawvel a mite guola hi na na hin zing ziekun. Na laku a, kimitthipna leh, kinakna um sekte hin phehlevo a um na hiu a, zie khawvel dân guol hin na um ui tih a sulang sek hilo maw?

JOHAN 3:17

Pathien in khawvel mawhchansak dingin a Chapa khawvel ah a hun sawl puoh a, amah zieka hukdama a um theihna dingun a sawl a hi zawi.

JEREMIA 4:22

Ka mite chuh a ngawl bêk u a, ei he ngâl puou a; naupang ngawl hetna neilo bang mai ahiu hi. Thil gilo hih a thiem u a, thilpha hih dân vang a thiem puou hi.

THUPHUON 12:9

Chun, Dragon lien tak, gulpi têk, Diabol leh Setan a tih uh, khawvel pumpi thempa chuh a paih tha tau a. Tichun, amah leh a sawlchakte chuh leia paihthâk khawm in a um tau hi.

THUPHUON 9:11

Chun, Thampikuo-âwng sawlchak chuh a chunguh a lalpen in a nei uh a, a min chuh Hebrai pau in Abaddona ahi a, Grik pau in, Apolluona ahi. (A umzie chuh, “Sumangthaipa,” tihna ahii.)

THUPHUON 2:24

“Himahlele, nanguh, Thuatira khuo a midang umte, zie sinsakna gilo chuh pawm lo a, mi dangte’n, ‘Setan thuguk,’ a tih sek uh hekha lote chung achun, puokgik dang himhim hun puok sak puo’ng ka, ka tih ahi.

2 THESSALONIKA 2:9

Zie Dan bawhsiepa chuh Setan thilhih theihna tawh hung in tin, melchikna leh thilmak lêm tampi hih intin.

2 KORINTH 11:3

Himahlele, gul in a chit gukhahna a Evi a thep guol khan, na lungthim ngaihtuohna teu chuh, bang-em ti’n, Krista kawma bukim tak leh thiengtho taka na kipiekna teu chuh suksiet in um kha’na tih ka lau hi.

1 KORINTH 1:27

Himahlele, miching te chuh a sukmuolpho theihna dingin, Pathien in vannuoi a thil ngawlhuoi haw chuh a tel zaw a, Pathien in vannuoi a thil zawngkhal haw chuh a tel a, thil hât haw chuh a sukmuolpho theih na dingin.

ROME 1:22

Ching a kingai in, mi ngawl a hung hi tau a,

NASEPTE 13:10

“Nang, mi lepbawlna diklo leh zakdah-um tin chenga dim pa! nang Diabol chapa! nang diktat tin cheng ma chuom pa, Lalpa lampi diktak haw hi suksiet hai lo ding maw?

JOHAN 8:44

Nang u chuh na pau Diabol chate na hiu a, na pau deih guol zuih na nuom uh ahi. A tunga kipatin tuolthat a hi a, thudik lam ah a pang ngei puoi, thudik amah a a um loh ziekin. Lepchieh thu a gen tieng leh, amah ngeina mawng hih a hi a, amah chuh lepchieh a hi a, lepchieh pa le ahi.

LUKE 16:8

Khutia a hihna apat chun, a pu chun sum vawppa diktatlo chuh a lemhet ziek chun a pakcha ta a; khawvak chate sangin, zie khawvel leisiet chate hi, a tulai khang u ahin a chingzawu hi,” a ti a.

2 SAMUEL 16:23

Zie laia lemguot, Ahithophel lemguot chu, Pathien thu banga ngaih ahi sek a: khutibang mah chun Ahithophel lemguot chu David leh Absalom chun a zuih sek uh ahi.

2 SAMUEL 15:31

Chun, kuo ahim in David chu, “Ahithophel chu Absalom lama pang in mithahna ding guonggalh te lak ah a tel hi,” ti’n a hilh a. Chun, David chun, “Aw Lalpa, Ahithophel lemguotna chu ngawlna suok sak dingin ka hun ngên hi,” a ti a.

2 SAMUEL 13:3

Amahvang chuh Amnon chun zawl a nei a, a min chu Jonadab ahi, David suohpihpa Shammah chapa hi a: Jonadab chuh mi chitgukhah tak ahi a.