JAKOB 3:1 - PATHIEN LEKHABU THIENGTHO (BSI)

¹ Ka suohpihte haw, na lak uh a mi tamtak hi, sinsaktu’n a na pang kiu in. Sinsakpa chun vaihawmna nasa zawsem tuok ding ahiu ui tih I he ngâl uh a.

JAKOB 3:1 ပူးပေါင်းရင်းမြစ်များ

1 TIMOTHE 1:7

A thugen uh umzie leh, kimuong taka a genteu chuh bang a hih he sam lo in, Pathien Dan sinsaktu hih a nuom sek ui.

1 PETER 5:3

Pathien gochan haw chungah kilalsak lo in, belam hawn ettawn dingin kisiem zaw’n, lawi un.

1 KORINTH 12:28

Chun, khenkhat chuh, sapchuom haw lak ah a kawih a: a khatna chuh, sawlchak, a nihna ah thiemgau ding bangin; a thumna chun, sinsak dingin, chun, thilmak hihte bang a um u a; zie nung chun, sukdam theihna thilpiekte, mi panpih theihna thilpiekte; vaihawm thiemna thilpiek haw bang, pau chichuom chuom a thugen theihna thilpiekte a hung um kit hi.

MATTHAI 23:13

“Himahlele, nang haw, Danthuzikte leh Pharisai gukhahte haw, na chunguh a gik hi! van gam chuh mi dingin na khâk u a,

1 TIMOTHE 2:7

Zie taksanna thu leh thudik chuh, Jentel te kawma phuong dinga sawlchak leh sinsak dinga guot ka hi. Lepchieh thu gen ka hi puoh a, thudik ka gen zawk ahi.

EPHESI 4:11

Amah mah chuh, “mihingte kawma Thilpiek,” piepa chuh ahi; khenkhatte chuh sawlchak dingin a guot a, khenkhat chuh thiemgau dingin, khenkhat chuh, belampu ding leh khenkhat chuh sinsaktu dingin a guot a.

2 KORINTH 5:10

Mitin in, sapum a thil bawlte, a sie a pha, I bawl bang uh a, I muh chiet theihna dingun; Krista vaihawmna chutphah masanga kilak chiet ding I hi ngâl u a.

HEBRAI 13:17

Na chunguh a lawiupate thu’n nung un la, a thu thuu in um un. na chungthuu gen ding a hih ziekun, chawllo in, na thagau uh a hun ven sak uh ahi ngâl a. A thuu na zawp uh chun vang, kipâk kawmin na sem un tin; khutilo a, lungkham tak kawma a gen u chun chuh, nang haw dingin khawk ding ahi ngâla.

LUKE 16:2

Tichun, amah chuh a sama, a kawmah, ‘Na chungchâng thu ka het hi bangti a? Na sum vawp dân chanchin kimtak in hun zik inla, ei hun pie’n, tu a kipat sum vawp in pang thei ta puo’n la,’ a ti a.

THIEMPUDANTE 10:3

Ziephet chun, Mosi’n Aron kawmah, “Ziehi Lalpa’n ana gen kha ahi, ‘Kuole, ei naih taphawt te kawm achun thiengtho in kilang ing ka ting, tichun, mipite masang achun limbawl a um ding ka hi,’” a ti a. Himahleh, Aron chuh thipkêi in a um a.

2 TIMOTHE 1:11

Pathien in zie Chanchin Pha chuh phuong dinga, sawlchak leh sinsaktu dinga ei tel ahi a,

JOHAN 3:10

Isu’n a kawmah, “Israel te laka sinsakpa na hi ngâl a, ziehaw chuh na he puo maw?

MATTHAI 10:24

“Sinsak a sinsakpa chungah a um puoh a, suok le a pu chungah a um diek puoi.

LUKE 6:37

“Awimawh kiu, khutichun, awihmawh in um puo’n lau; mi dangte mawhchansak kiu, khutichun, mawhchansak a um lo ding na hiu. Mi dangte ngaidam un, khutichun ngaihdam in um un lau.

MATTHAI 9:11

Pharisaite chun zie chuh a muh un, Isu leh a sinsakte kawm achun, “Bangati a na sinsakpau in siehdawlte leh mi gilote laka a nek a?” a tiu a.

MALAKI 2:12

Zie tawbang thilhihte chuh, Jakob puon-In apat Lalpa’n paih dawk henla, Sepaih te Lalpa kawma thillante chan in.

NASEPTE 13:1

Chun, Antiokei khuo a Sapchuom umte haw lak achun thiemgau leh mi sinsakte a um u a; ziehaw chuh: Barnabas te, Sumeon Niger a tih teu, (Niger chuh “Vawm” tihna ahi) Kurini khuo a um Lukias te, leng Herod vaihawmna ina mi khat Manaen te, leh Saul ahiu hi.

JAKOB 1:16

Ka suohpih deih takte haw, lêm in um kiu in!

JAKOB 1:19

Suohpih deih takte, ziehi hezing un! A milip in thungaihthak chuh hen la, thugen chuh kiu hen la, lungna vak diek kiu hen.

JAKOB 3:10

Kam, mun khat apat in, pahchakna leh gâusapna thu a pawtdawk sek hi. Ka suohpihte haw, zie thil haw chuh, khutibang chuh hi ding ahi puoi.

MATTHAI 23:14

Nang haw la na lut ngâl puou a, mi lut ding le na zanuom kit puou a.