JAKOB 2:25 - PATHIEN LEKHABU THIENGTHO (BSI)

²⁵ Khutibang mah in, Rahab, nawhchizuoknu khan le, Israel te laka enthate khah a na lawp a, lampi chuom a a sawl mang lai khan, thilhih ziekin thiem a chang hilo maw?

JAKOB 2:25 ပူးပေါင်းရင်းမြစ်များ

HEBRAI 11:31

Taksanna ziekin, Rahab nawhchizuoknu khan, enthate khah phatak a a na lawp ziekin, thu a nung lo haw lak ah a mangthai ta puoi.

JOSHUA 2:15

Khutichun amau chuh tukvan achun khauhuol in a tultha ta a: a In chuh khawpi kulh bâng chunga kisa ahi a, amah chuh khawpi sunga chêng ahi.

JOSHUA 2:4

Himahleh, numei chun mi nih te chuh a pui a, a selgu a; chun a kawm u ah, “Ahi, mite chuh ka kawmah a hung ngêi u a, himahlele khawi apat hung ahiu em vang ka he puoi.

JOSHUA 6:17

Khawpi leh a sunga thil um chengcheng hih Lalpa kawma piek ahi tai; Rahab nawhchizuoknu leh a In a a kawma um haw cheng vang chuh hing hawih ding ahi, I mi sawlteu kha ana selguk ziekin.

JOSHUA 2:1

Chun, Nun chapa Joshua chun, Shittim giehmun apat chun a gukcha a entha dingin mi nih a sawl a, “Chieh unla, a gam chuh phatak in va enthau inla, a bîk tak in Jerikoh khawpi chuh va enthau in,” a ti a. Amau chuh a chieh u a, nawhchizuok khat Rahab kiti In achun a lut u a, zie zan chun zie chun a giek tau a.

MATTHAI 21:31

Ziete nih chun a kuo zaw hin a pau deih bang chuh a hih zawu hi leh?” a ti a. Amau chun, “A upa zaw chun,” a tiu a. Ziephet chun, Isu’n a kawm u ah, “Tihtakzet a ka hilh na hiu hi. siehdawlte leh nawhchizuokte chun Pathien gam a hun lut khelh ding ahiu hi.

MATTHAI 1:5

Salmon in Rahab tawh Boaz a hing a, Boaz in Ruth tawh Obed a hing a, Obed in Jessai a hing a.

JAKOB 2:22

Taksanna chun a thilhih tawh a sem khawm a, chun, thilhih ziekin, a taksanna chuh a bukim tai tih na hêi.

JAKOB 2:18

A hii, mi kuo ahim in, “Nangin taksanna na nei a, ken thilhih ka nei a; na taksanna chuh na thilhih tello in nei etsak ah, chun, ken ka thilhih in ka taksanna hun etsak ka,” ti maithei na hiu hi.

JOSHUA 2:6

Himahlele, amahnu chun inchung ah a puito a, inchung a saikhau kung tien khawm laka chuh a selguk ahi ngâl a.

JOSHUA 2:16

Chun, a kawm u ah, “Tâng lam zuonin chieh to un, khutilochun a hun delhte khan hun mu kha kha’n au; tak achun ni thum va kiselguu in; a hun delhte a hung vaihkit macheng un, zie zawh tieng chuleh chieh kit na’n lau,” a ti a.

NASEPTE 17:7

Jason hin a In ah a na tunsak viel a; ziehaw chengcheng hi, ‘A min Isu, leng dang a um hi,’ ti’n Kaisar thu kalh in a um sek ui,” a tiu a.

JAKOB 2:24

Taksanna ziek mai hilo in, thilhih ziek zaw’n mi’n thiem a chang sek ui, tih na he tau hi.