JAKOB 2:18 - PATHIEN LEKHABU THIENGTHO (BSI)

¹⁸ A hii, mi kuo ahim in, “Nangin taksanna na nei a, ken thilhih ka nei a; na taksanna chuh na thilhih tello in nei etsak ah, chun, ken ka thilhih in ka taksanna hun etsak ka,” ti maithei na hiu hi.

JAKOB 2:18 ပူးပေါင်းရင်းမြစ်များ

JAKOB 3:13

Na laku ah kuo a ching a, thu he thei um? Kingainiem tak leh chingthei takin, a thilhih haw chuh umdan phatin latsak hen.

1 TIMOTHE 1:5

Ka hilh lawhna pên chuh, lunggil thiengtho leh, sie le pha hetna thieng tak leh, taksanna taktak apat a hung pawt, hehpihna chuh a neih theihna dinguh ahi.

JAKOB 2:14

Ka suohpihte haw, mi’n, “Taksanna ka nei hi,” ti mah lele, thilhih a neih loh ngâl chun, bang phatsakna a? Khutibang taksanna chun amah a hukdam thei hi?

GALATI 5:6

Krista Isu achun, zektan bangmah a phachuom puoh a, zektan loh le bangmah a phachuom diek puoi; taksanna a, hehpihna nasep vang chuh a phachuom ahi.

TITA 2:7

Langkhat a pang te laka mi’n I chunguh a thu phalo himhim gen ding a neih loh ziekuh a a zahchâk theihna dingun,

ROME 14:23

Amahvang chuh, gingchalahpa’n a nek chun, taksanna a neih loh ziekin, mawhchang ahi; bang hitaleh, taksanna lo a thilhih chuh gitloh ahi ngâl a.

HEBRAI 11:31

Taksanna ziekin, Rahab nawhchizuoknu khan, enthate khah phatak a a na lawp ziekin, thu a nung lo haw lak ah a mangthai ta puoi.

HEBRAI 11:33

Ziete haw chun Taksanna ziekin gam bang a lau a. diktat takin thil a hih uh a, thutiem haw chuh a chang u a, sakeibaknei kha haw le a sukchih sak uh a.

HEBRAI 11:6

Himahlele, taksanna lo in Pathien lungtuok mi hih guol ei puoi; Pathien kawma hung ta chun, amah chuh a um hi tih leh, taima taka amah hawlte kawma kipahman pie nuom mi ahii tih, ginchak ding ahi.

1 KORINTH 13:2

Chun. thugen theihna nei in. thuguk chengcheng leh, hetna tin cheng he vek mahleng le tâng chawn theihna kham hiel taksanna bukim nei mahleng le. hehpihna ka neih loh chun. bangmah hi puo’ng ka.

ROME 3:28

Khutichun, Dan thilhih hilo in, taksanna’n mi’n thiemchang in I ngai ui.

2 KORINTH 7:1

Khutichun, deihtakte haw, zie thutiem haw chuh I neih ziekun, phehlevo leh thagau buokna chengcheng lak apat, kisuthieng hitiu, Pathien lau kawm takin, thienthona bukim in um hitiu.

2 KORINTH 5:17

Zieziekchun, kuole. Krista a um chuh, a kisiemthak a hung hi ta a, thil lui chengcheng chuh a mang ta a, ngaitiem u; a hung thak kit tai!

ROME 8:1

Khutichun, tuhin vang Krista Isu a umte ding chun, mawh chansakna himhim a um ta puoi.

ROME 4:6

Mi, a thilhih ngaihtuoh lo a, Pathien in diktata a sân pên chuh, vang a piek sak thu David inle.

ROME 9:19

Himahlele, na lak u a khatto in ka kawmah, “Khuti a hih leh, Pathien in mite diklohna bangti dana a muh ahi ta dem? Pathien deih lam kuo a dodal thei ding?” ti’n lau.