JAKOB 2:14 - PATHIEN LEKHABU THIENGTHO (BSI)

¹⁴ Ka suohpihte haw, mi’n, “Taksanna ka nei hi,” ti mah lele, thilhih a neih loh ngâl chun, bang phatsakna a? Khutibang taksanna chun amah a hukdam thei hi?

JAKOB 2:14 ပူးပေါင်းရင်းမြစ်များ

LUKE 6:49

Amahvang chuh, he a, zawp sam lo chuh, suongvuih loh a leichung maia sapa tawbang chuh ahi; tuilien in a hun nam a, zie In chuh thakhat in a chim pai zieng a, a puk chuh tizat-um tak ahii,” a ti a.

TITA 1:16

“Pathien ka heu ui,” ti’n a pang sek u a, himahleh, a thilhih teu chun a haw sek ui. Muhdah um leh thu awilote ahiu a, thilpha hih dinga titna nei lo hielte ahiu ui.

2 PETER 1:5

A hii, zie lang tak chun thatnawp himhim suoh in, na taksannau achun phatna tel sak unla, na phatnau achun hetna tel sak unla;

JAKOB 2:26

Thagau tello in, sapum chuh a thi ahi, khutibang mah in, thilhih tello in, taksanna chule a thi ahi.

HEBRAI 11:17

Taksanna ziekin Abraham chuh, patep a a um khan, Isak chuh a vak lân zieng a, a hii, kipâk taka thutiem haw chang pa, “Isak ahin na suonte ti’n au,” a tihpau mawng khan,

HEBRAI 13:9

Thugin chuom chuom leh, sinsakna lamdang tak takte a puih mang in um kiu in! Pathien hehpihna apat a sunggil lam hatna muh chuh a pha ngâl a, neklechâk thu a dân guola phuh det hilo in, zie tawbang dân zuite chun bangmah phatchuomna a mu puoh ngâl u a.

GALATI 5:6

Krista Isu achun, zektan bangmah a phachuom puoh a, zektan loh le bangmah a phachuom diek puoi; taksanna a, hehpihna nasep vang chuh a phachuom ahi.

JAKOB 2:18

A hii, mi kuo ahim in, “Nangin taksanna na nei a, ken thilhih ka nei a; na taksanna chuh na thilhih tello in nei etsak ah, chun, ken ka thilhih in ka taksanna hun etsak ka,” ti maithei na hiu hi.

NASEPTE 8:21

Zie thu haw a hin nang na tel puoi, chan le na nei diek puoi; na lungthim Pathien ngaih in a dik puoi.

MATTHAI 5:20

Na diktatnau in Danthuzikte leh Pharisaite diktatna a khel loh chun van gam ah lut hiel puo’n lau, tih ka hilh na hiu hi.

TITA 3:8

“Pathien gingcha sate chun thilpha hih ding ngaihtuoh zel hen” tih hi taksanum ahi. Zie thu haw chuh hâng taka na gen ka nawp ahi. Zie thu haw chuh mihiemte dingin a pha’n, a sawt hi.

1 TIMOTHE 1:5

Ka hilh lawhna pên chuh, lunggil thiengtho leh, sie le pha hetna thieng tak leh, taksanna taktak apat a hung pawt, hehpihna chuh a neih theihna dinguh ahi.

1 THESSALONIKA 1:3

ka pauchamnau haw achun na min uh lo in, nangmau haw, na bawnchau a dingin Pathien kawmah kipahthu ka gen zing sek ui.

GALATI 5:13

Suohpihte, nang haw suok hilo dinga sap na hi ngâl u a; himahlele, na suok hihloh nau chuh, phehlevo dingin awnthawlna’n mang kiu inla, hehpihna’n kizen tuoh chiet zawu in.

1 KORINTH 15:2

Zie chuh Chanchin Pha na kawm u a ka gensa khah ahi. Ka thu hun gen khah, na ginchak maimai uh hilo a, na pawm det uh a hih chun, zie mah achun hukdama um na hiu hi.

NASEPTE 15:9

Chuleh, ei u leh amau khenchuom neilo in, a taksan ziekun a gitlohnateu a ngaidam a.

JAKOB 2:16

Chun, na lak uh a kuo a him in, “Thamuong takin chieh inla, lum tak leh vah takin um un,” tiu un la, taksa dinga a thil sinmawh uh chuh na piek loh ngâl u chun, bang phatsakna a?

1 TIMOTHE 4:8

Taksa kisawihzawina hin phatchuomna huntieng a nei na a, Pathien khawksakna vang hin chuh, tu a umsa leh, hung um kit ding piek tiemna a neih ziekin, thil tin chengah a phachuom hi.

NASEPTE 8:13

Simon ngêi chun le a hun gingcha ta a, chun, baptistma a chan zawhin, Philip kawmah a um zing a, melchikna leh, thilmak kihihte a muh in mak a sa mah mah a.

JEREMIA 7:8

“Ngaitiem u, phatchuomna umlo lepchieh thu na taksang u a.

1 KORINTH 16:22

Kuo’n le, Lalpa a hehpih loh chun, hansie dawl in um hen. (Anathema) I Lalpau chuh a hung hi! (Maranatha)

ROME 2:25

Dan na zawpa a hih chun, zektan chuh nang dingin a phachuom hi; himahlele, Dan zawp lo na hih chun, na zektan chuh tan loh tawbang ahi.

LUKE 3:11

Amah chun a kawm u ah, “Kuole, puonâk nih nei ta chun a nei lote kawmah pie hen la, kuole, nek ding nei chun, khutibang mah chun hih hen,” ti’n a dâwng a.

JAKOB 1:16

Ka suohpih deih takte haw, lêm in um kiu in!