JAKOB 2:13 - PATHIEN LEKHABU THIENGTHO (BSI)

¹³ Mi chunga zahngaihna tel lo a hihte chuh, zahngaihna tel lo a vaihawm sak in um ina; himahleh, zahngaihna chuh vaihawmna chung achun a guolzo sek hi.

JAKOB 2:13 ပူးပေါင်းရင်းမြစ်များ

MATTHAI 5:7

“Mi lungsiet thei takte chuh a hamphau ui; lungsietna hun lawh ding ahi ngâl u a.

MATTHAI 6:15

Himahlele, mihaw a sukkhelhnateu na ngaihdam loh u chun na pau van a um inle na sukkhelhnau hun ngaidam diek puo’n a.

THUCHINGTE 21:13

Kuole chagahte kiko thawm ngaihthak sak lo chuh, panpihna ngên a a kiko tieng ngaihthak sak hi puo’n a.

LUKE 6:37

“Awimawh kiu, khutichun, awihmawh in um puo’n lau; mi dangte mawhchansak kiu, khutichun, mawhchansak a um lo ding na hiu. Mi dangte ngaidam un, khutichun ngaihdam in um un lau.

SAM LEHKHABU THE PSALMS 18:25

Mi lungsiet thei tak kawm achun, lungsiet thei tak guol in na kilang a; Mi phabukim kawm a chun phabukim in na kilang a.

MIKA 7:18

Aw Lalpa, nang tawbang Pathien, a goluoh ding a mite, a suokcha sunte gitlohna ngaidam leh a sukkhelhnau subei dang a um puoi. A lungnat na chu kumlekhuo’n a vawp zing puoh a, zahngaihna chuh a kipahpih lam tak ahih ziekin.

SAM LEHKHABU THE PSALMS 85:10

Zahngaihna leh thutak a kituokkhawm untin; Diktatna leh chamna kichawp tuoh un au,

JEREMIA 9:24

A suong ta chengin zie hi suong hen, ‘Kei Lalpa hi,’ Hehpihnate, vaihawm diknate, diktatna te lei chunga mang sek ka hi tih ei het u a, a hetthiem nau chuh ka kipahpih lam ahi ngâla tih hi Lalpa kamsuok ahi.”

VAIHAWMTE 1:7

Chun, Adonibezek chun, “Leng sawm sagih khutpi zung leh kengpi zung kitan te chun ka dawhkhâng nuoi ah anmal a luok sek u a, ka thilhih bang takin Pathien in ei dinthuk ahi ta hi,” a ti a. Tichun Jerusalem ah a pui u a, zie tak achun a thi ta a.

EZEKIEL 33:11

A kawm u achun, ‘A hin a ka hin lai chan chuh, migilo thihna ahin kipahna himhim ka nei puo a, migilo in a umdan a nutsieh a a hin hi ka kipahna lam ahi zawi. Na umdan phalo hawu apat chun vaikit un, vaikit un! Aw Israel insung mite haw, bang ziekin e na thih ding uh?’ Lalpa Pathien chun a tii,” ti’n gen in.

THILSIEMBUL 42:21

Amau chun, “I nau u chunga I thilhih u kha I thiemlo mah mah uh ahi, hehpih dinga ei nget tuntun laia a lungthim lungdawn zie mu kawm zinga I na ngaihthak sak nawp loh u khah; zieziek khan ahi zie lungkhamna hin ei buokkhum tâk hih,” a kitiu a.

JAKOB 5:4

Ngaitiem u, na lo hawu a kithalawh a na gawih teu lawh, dawha bawl a, na piek loh uh khah, na buh-atteu kiko thawm chuh, Bangkim hihthei Lalpa Pathien nakhang achun a tung to tai!

LUKE 16:25

Himahlele, Abraham chun, ‘Ka chapa, nangin na dam lai khan thilpha na chang a, khutibang mah in Lazarus thil phalo a chan kha hezingin! Tu’n chuh, amah taka hin lungmuong takin a um a, nang vang a gim na hi ta kha!

ISAI 27:11

Thing bawkte chuh hung vuoi tha’n tin, bawng intin, tichun, numeite’n meia tih dingin chawm khawm un au. Mipite chun bangmah het theihna mawng mawng a nei puou a, a siempau Pathien in lungsietna leh a chung u a zahngaihna himhim latsak ta puo’n a.

2 KHANGTHUBU 28:11

Zieziekchun ka thu hi ngai un na suohpihteu sala na mat uh numei leh pasal te hile chieh kit sak un, Lalpa lungnatna nasatak mai chu na chungu ah a um ahi,” a ti a.

THUCHINGTE 22:16

Lawkna dinga mi chagahte bawl gimthei leh, mi hausa kawma thilpiek pie sekte chuh a lawhsam sek ui.

JAKOB 3:17

Chunglam apat a chitna hung suk vang chuh, a tûngin a thiengtho phawt a, zie nung chuleh kicham a nuom a, a nunnem a, a thunuom a, zahngaihna leh gah pha’n a dim a, khenchuom a nei puoh a, a gukhah diek puoi.

VAIHAWMTE 5:27

A kengbul ah a bawkkhup a, a pûk a, a kuol tha suk a; a kengbul achun a bawkkhup a, a kuolna mun achun a thi den tai.