JAKOB 2:12 - PATHIEN LEKHABU THIENGTHO (BSI)

¹² Tichun, suohchak sakna dana vaihawm sak dingte bangin thu gen un la, thil le hih un.

JAKOB 2:12 ပူးပေါင်းရင်းမြစ်များ

JAKOB 1:25

Himahlele, kuole, dân bukim, mite suohchak sak sek chuh guntaka en a, nasa taka ngaihsak a, ngaitha maimai hi a, hengilh pai zieng lo a, a tak taka hih sek pa chuh, zie pa mawng chuh a thilhih taphawt achun Pathien in vangsak zel ina.

JAKOB 2:8

Himahlele, Pathien lehkhabu ah, “Nangmah na kihehpih bangin, na vengte na hehpih ding ahii,” tih Lenggam dân hi na zawp uh chun, na bawlphau hi.

KOLOSSA 3:17

Chun, na hih tak uh chuh, thugen in ahim, thilhih in ahim, amah zâla Pa Pathien kawma kipahthu gen kawmin, Lalpa Isu min in hih vek un.

PHILIPPI 4:8

A chaihna kêi in suohpihte, a dik ta cheng, a zahum ta cheng, a thutak ta cheng, a thiengtho ta cheng, a deihum ta cheng, a thanpha ta cheng, phatna a um a, pahchakna a um phawt chun, ziehaw chuh ngaihtuoh un.

LUKE 4:18

“Liengvaite kawma Chanchin Pha gen dinga nei guot ziekin, Lalpa Thagau chuh ka chungah a um; Amah chun salte kawma pawtna thu leh, Mitdûkte kawma mit vak neih kitna thu gen ding leh, Sukgimtheih thuokte pawtdawk sakna ding leh,

JOHAN 8:32

tichun, thutak hun heu in na tin uh, Thutak chun suok hun haihsak ina,” a ti a.

GALATI 6:2

Na puokgik hawu chuh kidawntuoh un, khutichun, Krista Dan thu chuh zawp hi’n lau.