JAKOB 2:1 - PATHIEN LEKHABU THIENGTHO (BSI)

¹ Ka suohpihte haw, I Lalpau Isu Krista, Lopina Lalpa chuh taksang kawmin, mi deihchuom nei kiu in.

JAKOB 2:1 ပူးပေါင်းရင်းမြစ်များ

2 KHANGTHUBU 19:7

Zieziekchun Lalpa kihchau inla, chingthei takin hih u; Lalpa I Pathien u achun manlohna leh khenchuom neihna leh gawlhguk thil lak te umlo ahi,” a ti a.

THUCHINGTE 24:23

Ziehaw hile thuching kigen chuh ahi: Vaihawmna a mi deihsak chuom neih chuh a pha puoi.

THUCHINGTE 28:21

Mi deihchuom neih hi a pha puoh a, gawlhgukna neucha ziekin mi’n thil diklo a hih sek ui.

THIEMPUDANTE 19:15

“Vaihawmna achun diklo taka ana hih dinguh ahi puoi; mi chagahte chuh deihsak chuom in, mi hausate chuh na zah chuom dinguh ahi diek puoi; himahleh, na invengte chungah diktakin vai na hawm sak ding ahi.

MATTHAI 22:16

Tichun, a sinsakteu, Herod lawi a mite tawh a kawmah a sawl u a, ziete chun, “Sinsakpa, mi diktat na hi a, hilh tak zetin Pathien lampi thu na hilh sek a; kuomah hugin chuom le na nei puoi tih ka heu hi, kuomah maizah chuom le na nei diek puoi.

NASEPTE 10:34

Tichun, Peter chun a gen pan a: “Pathien in mi, deihsak chuom a nei puoi tih, diktakin ka hêi.

NASEPTE 20:21

Judate leh Grikte kawm ale, Pathien lama lunghei thu leh, I Lalpau Isu Krista taksan ding thu ka hun hetsak sek kha.

NASEPTE 24:24

Chun, ni bang zat ahim nung chun, Felix chuh, a zi Drusilla, Juda numei chu tawh a hungkit u a. Paul chuh a sap sak u a, Krista Isu taksanna thu a gen chuh a ngaithau a.

NASEPTE 7:2

Chun, Stephan chun a dâwng a, “Suohpihte haw, upate haw, ngaitiem u! Ei suonpau Abraham, Haran khuo a a um maa, Mesopotamia gama a um lai khan, Lopina Pathien chuh a kawmah a hung kilak a,

ROME 1:11

Nang haw tawh thagau lam vangsakna I chan khawm theihna dingun leh, sukhat a na um theihna dingun nanguh hun muh ka nuom mah mah hi.

1 KORINTH 2:8

Zie chitna chuh, zie khawvel vaihawmte hin a na he kha himhim puou hi. A na he kha hi taleu chuh, lopina Lalpa chuh khêndên puo’n au.

DAN NIHNA 1:17

Vaihawmna ah deihchuom na neih dinguh ahi puoi; mi neu leh milien thu le langpanna neilo a na ngaihthak sak dinguh ahi; kuomah na lauh dinguh ei puoi; vaihawmna chuh Pathien a ahi ngâl a; nang u dinga thu haksa taluo chuh ka kawmah hun tun sek in na tin un, chun, zie chuh ken a na khen sak ing ka,” ti’n thu ka pie a.

DAN NIHNA 16:19

Thudik heikawi a vai na hawm dinguh ahi puoh a, kuomah panpih chuom na neih dinguh ahi puoi; gawlhgukna na lak loh hiel dinguh ahi; gawlhgukna chun mipilte mit chuh a sudûk seka, mi dikte thu chuh a heikawi sek ngâla.

KOLOSSA 1:4

Krista Isu na taksan zieu leh, mithiengtho cheng chengte chunga hehpihna na neih zieu ka na zak uh apat, nang haw dinga paucham zingin, Pathien, I Lalpau Isu Krista Pa kawm achun kipahthu ka gen zing sek ui.

1 TIMOTHE 1:19

Chun, taksanna dettak leh, sielephahetna thieng tak chuh vawp zingin. Mi khenkhatte’n a sielephahetnau chuh ngaihsak lo in, taksanna lam achun kuong kek bangin a keksie sek ui.

1 TIMOTHE 5:21

Zie thu haw hi langneih chuom na nei leh, uohchuom nei a bangmah hih lo in, Pathien leh Isu Krista leh vânsâwlchâkte mitmuh in, zawp dinga phachuomngai taka ka hun hetsak na hi.

TITA 1:1

Paul, Pathien suokbilvih leh, Isu Krista sawlchak apat, Pathien mi telte chuh Pathien khawksakna lam thudika pui ding leh, taksanna lama panpih dinga teldawk leh sawl ka hi a,

TITA 2:13

Pathien khawksaklohna leh, khawvel thil utchakna haw chuh haihsan in, tulai khang ahin pilkieu leh, diktat leh Pathien khawksa a I um dinguh ahi, tih zie hehpihna chun ei hilh ta ngâl a.

HEBRAI 1:3

Amah chuh Pathien lopina eng leh, Pathien hihna kibatpih ngêi, a thu thilhih thei taka bangakai vawp det pa chuh ahi. Mi chengcheng dinga gitloh ngaihdamna a siem nung in, van a, Pathien Bangakai hihtheipa khut changlam akhun a va chu ta a.

HEBRAI 12:2

Chun, Isu, I taksannau siempa leh subukimpa lam chuh en zing hitiu. Amah chun, a masanga lawpna a um ziek chun, zahchâkna chuh ngaidau in, kross achun a thuok a, tichun, Pathien lalchutphah changlam achun a va chu ta a.

JAKOB 1:16

Ka suohpih deih takte haw, lêm in um kiu in!

JAKOB 1:19

Suohpih deih takte, ziehi hezing un! A milip in thungaihthak chuh hen la, thugen chuh kiu hen la, lungna vak diek kiu hen.

JAKOB 2:3

Puon hawihtak silh chuh na khawksak zawk uh a, a kawma, “Nang chuh zie mun pha ahin chu’n, nang chuh tak akhun dingin, a hihloh leh, ka keng zul ahin chu’n.”

JAKOB 2:9

Amahvang chuh, mi zah chuom na neih u chun, na sukhiel ui, Dan in, dân sukhiel a a hun seh na hih ziekun.

JAKOB 3:17

Chunglam apat a chitna hung suk vang chuh, a tûngin a thiengtho phawt a, zie nung chuleh kicham a nuom a, a nunnem a, a thunuom a, zahngaihna leh gah pha’n a dim a, khenchuom a nei puoh a, a gukhah diek puoi.

2 PETER 1:1

Simon Peter, Isu Krista sawntawlawi leh sawlchak apat chun I Pathien uh leh Hukdampa Isu Krista diktatna vanga, taksanna lul tak ka chan bang uh changte kawmah:

JUDA 1:16

Ziete haw chuh phunchiekte leh, mi awihmawh hatte ahiu a, amau utna bang zelin a um uh a, a kam sung un kiletsakna thu thanghuoi tak tak a gen uh a, amau phatchuomna ding deihna ziekin, mi Pahchak lim a thawh sek ui.

THUPHUON 14:12

Zie ahin, mi thiengthote, Pathien thupiek haw leh, Isu taksanna zieka thuokhatte kihet theihna a um hi.