JAKOB 1:5 - PATHIEN LEKHABU THIENGTHO (BSI)

⁵ Na lak uh a kuo’n le, chitna a tâksap chun, mi chengcheng kawma gailo leh it lo a pie sek pa Pathien kawmah ngên hen, khutichun, piek in um ina.

JAKOB 1:5 ပူးပေါင်းရင်းမြစ်များ

1 KHANGTHUBU 22:12

Lalpa na Pathien chun chitna leh hetna te hun pie hen la, Israel te chunga chu, a Dan banga vai na hawm theihna dingin.

2 KHANGTHUBU 1:10

Ka lut ka pawt a, zie mipite hi vai ka hawm sak theihna dingin chitna leh hetna ei pie’n. Na mi zie zah lâwm lâwm hi kuo’n vai a hawm sak thei dinga ahim?” a ti a.

SAM LEHKHABU THE PSALMS 51:6

Ngaitie, sunggil lam ahin thutak na deih sek a; Zieziekchun, sunggil lam ahin chitna nei hetsak inla.

PAWTDAWKNA 31:3

chun, amah chuh pilnate, hetthiemnate, hetnate, lam tin chenga themthiemna te, thilhih ding pil taka ngaihtuoh thiemnate,

PAWTDAWKNA 31:6

Chun, ngaitie, amah kithuohpih dingin Dan nam a Ahisamak chapa Oholiab chuh ka guot kit hi. Thil siem dinga ka hun piek haw cheng a sep theih na dingin mipilte banga pilna a lungthim ah ka kawih tai.

THUCHINGTE 8:17

Ei lungsiet taphawt chuh ka lungsiet a, gunchuh taka ei hawl taphawt chun ei mudawk ngêi in au.

MATTHAI 11:20

Chun, a lunghei loh ziekun, a thilmak hih tamna pên khawpite chuh Isu’n a gai ta a:

MARK 16:14

A nunung pen ah, ankuong a um lai un, sawmlekhatte kawmah a kilak a. A thawhkit nunga amah mute thugen a taksan loh ziek u leh, a lunggil hawu tâk ziek chun amau haw chuh a gai a.

JOHAN 14:13

Chun, ka min a thil bang hitaleh na nget u chun, hih zel ing ka, ti a chuh Chapa zieka Pa limbawla a um theihna dingin.

JOHAN 15:7

Nanguh keimah a na um zing u a, ka thu le nangmau a a um zing chun, na deih chenguh ngên un, nang u dingin hihin um ina.

JOHAN 4:10

Isu’n a dâwng a, a kawmah, “Pathien thilpiek leh dâwn ding nei pie’n ti a na kawma ngên pa hi he leh chin, nangin a kawma ngên zaw ding na hi a, tichun, ama’n hin tui hun pie zaw ding hi a,” a ti a.

2 KORINTH 2:16

Beimang dingte chun, thihna gu gim I na hiu a, hukdam dingte chun, hinna gimnam I hiu hi. Zie tawbang hi ding chun kuo a ting zo ding?

JAKOB 1:17

Thilpiek pha leh bukim chengcheng chuh, chunglam apat ahi. Pa vaka hung tha suk ahi a, amah achun lamdanna leh kiheina lim himhim a um thei puoi.

JAKOB 3:17

Chunglam apat a chitna hung suk vang chuh, a tûngin a thiengtho phawt a, zie nung chuleh kicham a nuom a, a nunnem a, a thunuom a, zahngaihna leh gah pha’n a dim a, khenchuom a nei puoh a, a gukhah diek puoi.

JAKOB 5:16

Khutichun, sukdam a na um theihna dingun, na gitlohnau thupha kichawi tuoh unla, kipauchamsak tuoh sek un. Mi diktat pauchamna chun thil nasatak a hih sek hi.

1 JOHAN 3:22

Khutichun, a thupiekte I zawp ziekuh leh, amah kipahlam tak I hih sek ziekun, I nget takphawt uh chuh a kawm apat I mu sek ui.