JAKOB 1:4 - PATHIEN LEKHABU THIENGTHO (BSI)

⁴ Na thuokhatnau chun lam tin ah, bukim tak leh, bangmah tasam lo a na um theihna dingun, lawhsam lo in a hun pui. hi tih heu in.

JAKOB 1:4 ပူးပေါင်းရင်းမြစ်များ

1 PETER 5:10

Chun, lungsietna Pathien, a kumsawt lopina chang dinga Krista a nanguh hun sampa chun, chawmkhat na thuok nung uh leh, hun siempha bukim in, hun sudet in, hun suhat ina.

LUKE 21:19

Det takin dingun, tichun, na thuokhat nau in na hinnau hukbit un lau.

MATTHAI 5:48

Khutichun, na Pau van a um a phat bukim guolin na phat bukim dinguh ahi.

2 TIMOTHE 3:17

Diktatna kisinsakna lama le a mattak hi; khutia chuh, Pathien nasem mi chuh bukim taka um a, nasep pha tin chenga dinga chuh thuom a a um theihna dingin.

HABAKKUK 2:3

Zie kilâkna chuh hun guot sung a ding chauh ahih ziekin, a tâwp chuh tung pai ding ahi a, thâwn puo’n a. Chanchûm tak guolin kilang mahleh, ngak in, hungtung ngêi ngêi ding ahi a, sawt hal ta puo’n a.

HEBRAI 13:21

Isu Krista zâla a mitmuh a a deihlam taphawt hih dingin thilpha tin chengah nanguh hun subukim hen. Amah kawm achun kumkhawtuong in lopina um hen. Amen.

GALATI 6:9

Zieziekchun, thilpha hih chim puoi tiu; I kithahdah loh u chun chuh, a hun taka ât ding I hi ngâl u a.

SAM LEHKHABU THE PSALMS 40:1

Lalpa chuh ka ngak tuntun a, Tichun amân ei ngeingaih a, ka kiko chuh a ngaitha tai.

SAM LEHKHABU THE PSALMS 37:7

Lalpa achun châwl inla, Amah chuh ngak tun tun in: A umdan a hamphatna mu haw ziekin kisulungkham nuom ki’n, Ngaihtuohna gilote pitit sak ziek chun.

JAKOB 3:2

I bawnchau in thil tamtak chuh, I na sukhiel sek uh a. Himahlele, kuo’n le, thugen lama a sukkhelh loh chun, zie pa chuh a kikhantit a hi a, a sapumpi huitup thei mi le ahi.

JAKOB 1:5

Na lak uh a kuo’n le, chitna a tâksap chun, mi chengcheng kawma gailo leh it lo a pie sek pa Pathien kawmah ngên hen, khutichun, piek in um ina.

1 KORINTH 2:6

Himahlele, thagau lama pitingte kawm achun, chitna thu chuh ka gen sek hi. Zie khawvel in a neih, chitna hi vang ei puoh a, zie khawvel a vaihawm, mangthai dingte chitna hile ei diek puoi.

KOLOSSA 4:12

Epaphra, nangmau haw laka khat, Krista Isu suokpa hin a hun chibai na hiu hi. Amah chun, Pathien deihlam tin chenga buting leh taksan detna nei a na din det theihna dingun, phachuomngai takin a hun paucham sak zing sek hi.

LUKE 8:15

Chun, lei pha a kiete chuh zie tawbang mite hi ahiu: thu chuh a zau a, lungthim takkhan leh phatak in thu a ngai u a, a ching zing u a, a gah suoh macheng a thuok sek ui.

MATTHAI 10:22

Ka min ziekin mi chengcheng muhdah in um un na tin uh, himahlele a tâwp tienga thuok ngâp ta chuh, zie ngêi chuh hukdam in um ina.

JOB LEHKHABU THE BOOK OF JOB 17:9

Hilele, mi kitûp chun a lampi ngei a tu zing sek a, Kuole khut thiengtho nei chuh hât deuh deuh in a.

THUCHINGTE 4:8

Chitna chuh limbawl inla, amah chun hun chawisâng in a, amah chuh na pawm phat leh, amah chun zahum takin hun siem in a.

2 PETER 1:9

Kuole, zie thil haw neilo chuh mitdûk a hi a, naicha a mi ngen a mu thei a, a malai gitlohna haw apat sukthiena um ahi tai tih a hengilh sek hi.

JOHAN 17:23

Khawvel in, kei nei sawl a hii tih leh, kei nei lungsiet guolin amau haw na lungsiet hi tih a hetna ding u a, kei a mau a ka um a, nang keimah a na um a, pumkhat a hih bukim theihna dingun.

LUKE 18:22

Isu’n zie chuh a zak phetin, a kawmah, “Tuhin, thil khat na vat nalai hi; na neih chengcheng khawng inla, neilahte kawmah hawm ah, tichun, van ah go nei inla; chun, hung inla, ei zui ah,” a ti a.

MARK 10:21

Isu’n amah chuh a en a, a hehpih ta a, a kawmah, “Thil khat na vat nalai hi; chieh inla, na neih chengcheng zuok inla, mi neilahte kawmah pie’n, tichun, van ah go nei in la; chuleh, hung inla, ei zui ah.” a ti a.

MATTHAI 19:20

Tangval chun a kawmah, “Zie thu haw chengcheng chuh ka neu apat ka zawp sek hi; a dang bang ka hih nalai die?” a ti a.

1 THESSALONIKA 5:23

Chun, chamna Pathien mawng chun, lam tin ah hun hih thiengtho hen la; chun, na thagau u leh, na lungthim uh leh, na sapum uh chuh I Lalpau Isu Krista hung tieng leh, paulap bei in a pum in humbit in um hen.