JAKOB 1:27 - PATHIEN LEKHABU THIENGTHO (BSI)

²⁷ I Pathien uh leh, Pa mitmuha sakhuo ho dân thieng leh kisubuoklo chuh ziehi ahi: nauchagah leh meithai a liengvaih lai uh a veh a, amah ngêi zie khawvel sietna lak apat a kisubuok lo a kikiengkawih hi ahi.

JAKOB 1:27 ပူးပေါင်းရင်းမြစ်များ

ROME 12:2

Zie vannuoi dân guol hin um kiu unla, Pathien deihlam, a pha leh, pawm tâk leh, phat bukim chuh na hetchil theihna dingun, na lungthim uh a thak a um in, lamdang zaw tau u.n.

JAKOB 4:4

Nanguh, mi ginumlote haw! Khawvel tawh kiguolchanna hi, Pathien melma hihna ahi tih helo na hiu hi? Zieziekchun, kuole, khawvel guol hih nuom ta chuh, Pathien melma a kisiem sek ahi.

1 TIMOTHE 5:4

Amahvang chuh, meithai kuo’n le, chate ahim, tute ahim nei leu, amau inkuon sung lama Pathien khawksakte um ding dân tawh kituoka a nasep dinguh chuh. hih masau he’n la, amau hinte chunga phat thuk ding sin u he’n; zie chuh Pathien kipahlam ahi ngâl a.

SAM LEHKHABU THE PSALMS 119:1

Lampi haw a mipha bukimte chuh a hamphau ui, Lalpa dân hawhte chuh.

1 TIMOTHE 1:5

Ka hilh lawhna pên chuh, lunggil thiengtho leh, sie le pha hetna thieng tak leh, taksanna taktak apat a hung pawt, hehpihna chuh a neih theihna dinguh ahi.

LUKE 1:6

A nih uh chun Pathien mitmuh in diktat takin a um sek uh a, bukim takin Lalpa thupiek leh a dante chuh a zawp sek ui.

SAM LEHKHABU THE PSALMS 68:5

Pathien a umna mun thiengtho a um chu Pa neilo haw pa, meithaite ngaihtuoh pa ahi.

MATTHAI 5:8

“Lunggil a thiengthote chuh a hamphau ui; Pathien hun mu ding ahi ngâl un.

ISAI 1:23

Na miliente chuh mi kiphin nuom, guchate guolpha ahiu a; mi chengin gawlhgukna sum leh thilpiekte a lau a. Pa neilote a panpih sek puou a, meithaite thugente le a ngaihthak sak puou ui.

1 JOHAN 5:18

Kuole, Pathien cha hita chun gitloh a hih zingzing ta puoi; Pathien Chapa chun a hum bit sek ziekin. Migilo chun a suna thei puoi.

JAKOB 3:17

Chunglam apat a chitna hung suk vang chuh, a tûngin a thiengtho phawt a, zie nung chuleh kicham a nuom a, a nunnem a, a thunuom a, zahngaihna leh gah pha’n a dim a, khenchuom a nei puoh a, a gukhah diek puoi.

GALATI 6:14

Kei chun chuh, I Lalpau Isu Krista kross lo chuh ka suon loh ding zie mai chuh; zieziekchun, khawvel hi kei dingin khetdên ahi ta a, keile khawvel a dingin khetdên ka hi tai.

GALATI 1:4

Krista chun, Pathien leh Pa deih lam taka thu zawp in, zie tulai vannuoi gilo lak apat eihaw ei hukdam dingin, amah mawng chuh I gitloh man un a kipie ta a.

GALATI 5:6

Krista Isu achun, zektan bangmah a phachuom puoh a, zektan loh le bangmah a phachuom diek puoi; taksanna a, hehpihna nasep vang chuh a phachuom ahi.

DAN NIHNA 14:29

Na lak u a bangmah chanvo leh gochan neilo Levi te leh gam chuom mite leh nauchagah te leh meithaite chuh a hung u a, a nek u a, a tai theihna dingun; khutia chuh na hih u chun na khut nasepteu chengcheng achun Lalpa na Pathien un hun vangsak ding ahi.

SAM LEHKHABU THE PSALMS 146:9

Lalpa chun malzin haw chuh a enkawl sek a; Pa neilo leh meithaite chuh a panpih sek a; himahleh, mi nunsiete lampi chun sietna a tun sek hi.

MATTHAI 12:32

Chun, kuole Mihiem Chapa awimawh ta chuh a awihmawhnau achun ngaihdam hiu intin; kuole Thagau thiengtho zet gensie vang chuh, a awihmawhnau chuh tu damsung hin le, hun hung tung kit ding achun le ngaihdam hi puo’n a.

ROME 2:13

Dan thupiek zuih zieka Pathien masanga thiem chan ahi puoh a, himahleh, Dan dungzuia khawsa chuh mi dik hiding ahi.

GALATI 3:11

Himahleh, Pathien mitmuh in, kuomah, Dan thilhih zieka thiem chang a um puou hi tih, a kichien hi; Pathien Lehkhabu mah in, “Mi diktat chuh, taksanna’n hing ina,” a ti ngâla.

EPHESI 2:2

Zie hun lai khan khawvel gitlohna lampite hawh in; vanthamzawl a thuneihna leng, tu a Pathien thu awilo chate chunga vaihawmpa thagau chuh na zawp zawu hi.

TITA 2:12

Kinepna thatnawp-um, I Pathien uh lopitak Hukdampa Isu Krista lopi hung kilâkna chuh ngak in,

JAKOB 3:9

Zie mang chun, Lalpa leh Pa I pakcha sek uh a, zie mah chun, Pathien batpih a siem, mihiemte le I gausap sek ui.

2 PETER 1:4

Zie tawbang chun, a thutiem lul tak leh lopi nasatak chuh ei piek I hiu a; khutichun, utchakna zieka van nuoia sietna hung um hi I taihdawk san theihna dingun leh, Pathien nunlekhan kikawppihte I hung hih theihna dingun.

2 PETER 2:20

Lalpa leh Hukdampa Isu Krista a hetna ziekuh a, zie khawvel thanhuoinate hi a taih dawk san nung uh a, ziete haw mata chuh a um kit uh a, zawh a a um u chun, a umzieu nunung chuh, a tunga sangin a hung sie zaw ta sek hi.

2 PETER 3:14

Zieziekchun, deihtakte haw, khutibang Ni khuo chuh kinem na hih ziekun, buok beklo leh paulap beia, lungmuong taka na um uh a hun muh theihna dingin, thatnawp suoh un.