JAKOB 1:18 - PATHIEN LEKHABU THIENGTHO (BSI)

¹⁸ A thilsiem haw laka gah masa I hung hih theihna dingun, amah deihlam a Thutak a chuh ei hin uh I hiu hi.

JAKOB 1:18 ပူးပေါင်းရင်းမြစ်များ

JEREMIA 2:3

Israel chuh Lalpa a ding a kawihchuom, a gah pung masa ahi. Amah ne zo te chuh thiemloh chang untin; a chung u ah sietna hung tung ina,” tih hi Lalpa kamsuok ahi.

THIEMPUDANTE 23:10

Gah masa, buhphal masapen chuh thiempu masanga na hun chawih dinguh ahi.

AMOS 6:1

Zion tânga nuomsa taka um heuh heuh te leh, Samari tânga bit taka umte leh, nam lienpen leh lopite, a kawm u a Israel inkawte a chiehna teu chung chuh a gik hi!

JOHAN 1:13

Ziete haw chuh thisan hin a hi puou a, phehlevo deihlam a hin ahi puou a pasal deihlam a hin le ahi diek puou a, Pathien hin ahi zawu hi.

ROME 4:17

“Nam tamtak te pa’n ka hun siem hi,” ti a a gen guol khan. Mithite suhingpa leh thil umlote a um banga gen pa a ginchak Pathien mitmuh ah.

1 KORINTH 4:15

Krista achun sinsakpa singkhat nei mah leu chin le, Pa vang khat mai na nei ui. Chanchin Pha na kawm u a ka hung gen ziekin, Krista Isu tawh na kizawpnau achun, na pau ka hi tai.

2 KORINTH 6:7

thudik ka genteu leh Pathien thilhih theihna ngêi in tawh. Ka dona ding u leh, keimauhaw kivenna dingin diktatna gâlvan chuh ka mang ui.

EPHESI 1:12

Zieziekchun, eihaw Krista na kineppih masate hin, Pathien lopina chuh pakchai tiu.

EPHESI 1:13

Nang u le, hukdamna a hun pui, Chanchin pha thudik na zak u khan Pathien mite na hi tau kha. Krista na gingchau a, chun, Pathien in amah a na hih uh etsakna dingin, thagau Thiengtho a tiem ngeia chuh mawhuol nam khum na hi tau hi.

2 TIMOTHE 2:15

Thutak thu diktaka khen zah châk na ding neilo nasemtu bangin, Pathien mitmuha pha bukim a kilang dingin phachuom ngai ah.

HEBRAI 12:23

Chun, Pathien cha masate, kipâk taka kikhawmkhawmte, van a min zik chengcheng te leh, sapchuom mi chengcheng te thutan sak Pathien, mi diktatte thagau suphabukim leh,

JAKOB 1:15

Tichun, utna chun no a hun vawp a, gitloh a hun hing sek a; gitloh chuh a hung let tieng leh, thihna a hing sek hi.

JAKOB 1:21

Zieziekchun, thienlohna thil chîn chengcheng leh, gitlohna thilhihte chuh kawih mang un la, Pathien kawma kitulut in, a thu, nang haw hun hukdam thei, na lunggil uh a tuh chuh, kingainiem takin pawm un.

JAKOB 3:14

Himahlele, na lunggil u ah, kimitthipna lien tak leh, ki-elna na neih u chun, thudik dona’n chapo takin um kiu inla, thudik kalh in lepchieh le gen diek kiu.

1 PETER 1:23

Chi siethei lak ah hilo in, Pathien thu hing leh, um zing achun, chi siethei lo laka piengthak na hi zaw ngâl u a,

1 PETER 1:3

I Lalpau Isu Krista Pathien leh Pa chuh pahchak in um hen. Amah chun a zahngaihna nasatak dungzui zelin, mithi lak apat Isu Krista thawhkitna vangin, kinepna hing mu dingin hinna thak ei pie a.

1 JOHAN 3:9

Kuole, Pathien hin chuh Pathien chi amah a a um ziekin gilo in a um zing zing puoi, Pathien a pieng, hih ziekin gitloh a hih zawm zing zing ta puoi.

THUPHUON 14:4

Ziete haw chuh numei tawh kisubuok lote, nungak thiengtho bang a hi ngâl uh a. Ziete haw chun Belamno chuh a chiehna lam chengah a zui uh a. Ziete haw chuh Pathien a ding leh, Belamno a dinga gah masa hi dinga lei apat a tatdawkte chuh ahiu hi.