JAKOB 1:17 - PATHIEN LEKHABU THIENGTHO (BSI)

¹⁷ Thilpiek pha leh bukim chengcheng chuh, chunglam apat ahi. Pa vaka hung tha suk ahi a, amah achun lamdanna leh kiheina lim himhim a um thei puoi.

JAKOB 1:17 ပူးပေါင်းရင်းမြစ်များ

JOHAN 3:27

Johan in a dâwng a, “Mihiem in bangmah a nei thei puou, Pathien in a piek a hih loh ngâl chun.

MATTHAI 7:11

Khutichun, nang haw migilote’n bawn na chateu thilpha piek na dân na het u chun, na Pau van a um chun a ngente chuh thilpha pie zaw khawp lo ding maw?

HEBRAI 13:8

Isu Krista chuh thangni, tuni leh kumkhuotuong in a ngêi ngêi ahi zing ngâl a.

JOHAN 8:12

Chun, Isu’n Pharisaite kawmah thu a gen kit a, “Kei khawvel salh vak chuh ka hii; kuole, ei zui chuh thim lak ah leng puo’n tin, hinna vak nei zaw’na,” a ti a.

KISIMNA 23:19

Pathien chuh mite guola lepchieh ahi puoh a; mihing guola lungthim kisang hethut ei puoi. A thutiem chuh a hih zel a, a gentak chuh hih in a um zel ahi.

1 JOHAN 1:5

Chun, a chapa apat a thu ka zak uh, nanguh ka hun hilh sawn dinguh chuh ziehi ahi: Pathien chuh Vak ahi a, amah achun thimna himhim a um puoi.

THUCHINGTE 2:6

Lalpa chun pilna chuh a pie a, a kam apat chun hetna leh hetthiemna chuh a pawt ngâl a.

SAM LEHKHABU THE PSALMS 84:11

Lalpa Pathien chuh nisa leh phaw ahi ngâla: Amah chun deihsakna leh zahna pien tin: Diktaka umte kawm a chun thilpha mawng mawng it hiel puo’n a.

JAKOB 3:17

Chunglam apat a chitna hung suk vang chuh, a tûngin a thiengtho phawt a, zie nung chuleh kicham a nuom a, a nunnem a, a thunuom a, zahngaihna leh gah pha’n a dim a, khenchuom a nei puoh a, a gukhah diek puoi.

MALAKI 3:6

“Kei Lalpa hi ka kitheng ngei puoh a, zieziekchun nanguh, Aw Jakob chate haw, sukmangthai a umlo na hiu hi!

EPHESI 2:8

Taksanna zieka, lungsietna a hukdam na hi tau hi; zie chule nangmau a pawt ahi puoh a, Pathien thilpiek ahi;

LUKE 11:13

Zieziekchun, nang haw migilo bawnin, na chateu thilpha piekna chang na het u chun, na Pau van a um chun a ngente chuh Thagau Thiengtho a pie na lâwm lâwm ding e!” a ti a.

1 KORINTH 4:7

Mi dangte sanga chungnung zaw a nang hun siem kuo ahi? Na thil neih chengcheng chuh Pathien hun piek hilo ahim? Khuti a hih ziek chun, bangti dana, na neihsa chuh thilpiek hilo guola kisuonpih thei ding na him?

1 JOHAN 4:10

Ziehi ahi hehpihna chuh; eimau in Pathien I hehpih ui ti ka hi puoh a, ama’n ei uh ei hehpih a, I gitloh uh lutchamna hi dingin, a Chapa a hun sawl hi ti ka hi zaw ie.

EPHESI 1:18

Na lungthim mit hawu sukvaka a hung um a, amah sapna kinepna haw, a mite kawma a tiem, go luoh ding lopi hauh zie haw, leh

JOHAN 1:9

Zie chuh vak diktak khawvela hunga, mitin salh vak chuh ahi.

THUPHUON 21:23

Zie khawpi chun, a salhvak dingin nisa a ngai puoh a, tha le a ngai diek puoi; Pathien lopina chun a salhvak a, a thaumei uh chuh Belamno ahi ngâl a.

1 KHANGTHUBU 22:12

Lalpa na Pathien chun chitna leh hetna te hun pie hen la, Israel te chunga chu, a Dan banga vai na hawm theihna dingin.

2 KORINTH 4:6

Krista mel a Pathien lopina eng chuh ei hetsak dingin, “Thim apat eng vak dawk ina,” tipa Pathien chun ka lunggil uh ei salh vak sak ta ngâl a.

ISAI 60:19

“Sun laia na vak ding chuh nisa hita puo’n tin; zan a hun salhvak ding le thapi hita puo’n a; himahleh, kei, Lalpa hi kumlekhuo a dingin na vak hi tâng ka ting; chun, na Pathien u chuh na lopi nau hita’n a.

1 SAMUEL 15:29

Israel te lopina Pathien chu a lepchieh puoh a, a lungthim le a sang diek puoi. Mihiem a hi puoh a, a lunggel le a sang lam dang diek puoi,” a ti a.

THILSIEMBUL 41:16

Joseph chun Pharaoh chuh a dâwng a, “Lengpa, zie chuh keia um ahi puoh a, Pathien in Pharaoh chuh dawnna deihum tak pie zaw hen,” a ti a.

THUPHUON 22:5

Zie tak achun zan um ta puo’n tin, thaumei vak leh nisa ngai ta puo’n tin uh; Lalpa Pathien chun amau salhvak ding ahi ngâla; tichun, kumkhuotuong in vaihawm ta’n au.

JAKOB 1:5

Na lak uh a kuo’n le, chitna a tâksap chun, mi chengcheng kawma gailo leh it lo a pie sek pa Pathien kawmah ngên hen, khutichun, piek in um ina.

ROME 6:23

Gitloh man chuh thihna ahi ngâl a, Pathien thil thawnpiek vang chuh, I Lalpau Isu Krista zal chun kumsawt a hinna ahi.

1 KHANGTHUBU 29:19

Ka chapa Solomon hi, na thupiekte, na thu hetsak te, na dante, zawp a, ziehaw chengcheng hi hih ding leh, ka na guonggalh masaksa, Ho-In sa. ding hin lunggil phabukim put sak in,” a ti a.

KISIMNA 11:17

Tichun hung suk ing ka ting, zie tak achun hun hopih ing ka: chun, thagau ka hun piek chuh amau haw le pie’ng ka, khutichun hun panpih untin, nangmah chauh a puo lo in, mipite puokgik chuh hun puokpih un au.

JAKOB 3:15

Zie tawbang chitna chuh, chunglam apat a hung kipan a hi puoh a, khawvel leh, sapum utna leh thitha apat ahi zawi.

ISAI 45:7

Vak ka na siem a, thimna hi ka um sak ahi a, Vangsakna leh vangsietna le ka hun tun gêl gêl a hi ngâl a. Kei Lalpa hin zie thilte chuh ka hih ngêi ahi.

PHILIPPI 1:29

Krista dinga nasep theihna ding hun lemchâng piek na hiu a, amah na ginchak mai uh hilo in. amah zieka na thuok uh le phal a hi ngâl a.

NASEPTE 11:18

Chun, zie thu haw chuh a zak phât un, thamuong takin a um tau a, “Khuti a hih le chuh, Pathien in Jentel te le hinna dinga lunghei a phalsak ahi ta chu,” ti’n Pathien a pakcha tau a.

NASEPTE 5:31

Amah mawng khah, Pathien in Lal leh Hukdampa hi dingin a changlam ah a limbawl ta a; Israel te gitloh lunghei sak ding leh ngaidam dingin,

ISAI 46:10

A bul apat a tâwp tienga thil hung um dingte ka na genlawk a; tuma apat in thil hungtung dingte ka na genlawk tai! Ka thil guonggalh te chuh lawhsam ngei puo’n tin, Ka thilhih guotte le hih buting ngêi ing ka, ka ti a.

ISAI 28:26

A Pathien in amah chuh diktak in a thunun in a sinsak sek ngâl a.

SAM LEHKHABU THE PSALMS 122:6

Jerusalem thamuonna ding ngetsak unla: Nang hun ngainate chu lawhting u hen.

DAN NIHNA 4:19

Ahihloh leh, na mit u a van lam a dâk to in, nisa ahim, thapi ahim, aksi haw leh vanthamzawl a thilsiem chuom chuom te, Lalpa na Pathien un van nuoia nam chuom chuom te dinga a guotsak haw ahim chuh na muh tieng u leh hun hîp mang in, hun ho in, a nau hun sem kha’n lau.

KISIMNA 11:25

Khutichun. Lalpa chuh meipi lak achun a hungsuk a, a hun hopih ta a, Mosi kawma thagau a piek chuh huntieng a la a, lawiupa sawmsagih te kawm achun a hawmzak ta a. Chun, tihi a hung hi a, a chung u a thagau ahung tun phet chun hilhlawkna thu a gen tau a, himahleh, a velin a phuong kit puou hi.

SAM LEHKHABU THE PSALMS 85:12

Ahi, Lalpa chun thilpha pien tin; Ka gam u ahin a punna chuh hun suoh ina.

SAM LEHKHABU THE PSALMS 102:27

Nang vang chuh na ngêi ngêi na hi a, Na kumte chun beih ni himhim nei puo’n au.

SAM LEHKHABU THE PSALMS 136:7

Vak nasa tak siempa kawm achun: A zahngaihna chuh kumlekhuo a um ding ahi ngâl a.

JOHAN 3:3

Isu’n a dâwng a, a kawmah, “Tihtakzet, tihtakzet a ka hilh na hiu hi, mi kuole a pienthak loh chun, Pathien gam mu thei puo’n au,” a ti a.

1 TIMOTHE 6:16

Amah chauh chuh thi thei lo, kuoma’n naih theih loh hiel vak achun a cheng a. Kuoma’n a mah chuh a mu kha puoh a; muh le a mu thei lo ahiu hi. Amah kawm achun kumsawt a limbawlna leh thilhih theihna chuh um hen! Amen.