ISAI 9:7 - PATHIEN LEKHABU THIENGTHO (BSI)

⁷ A gam lien zel intin, a vaihawmna leh chamna chun tâwp tik ni nei puo’n a. David lalchutphah leh a lalgam ah chu’n tin, bawt dawk ding leh sudet dingin diktak leh kitûp takin vaihawm ina, tu apat kumlekhuo’n, Sepaihte Lalpa phatchuomngaihna chun zie chuh hih ina.

ISAI 9:7 ပူးပေါင်းရင်းမြစ်များ

DANIEL 2:44

Chun, zie lengte nihaw achun lalgam hun tungdawk in tin, zie chuh sie ngei ta puo’n tin, a lalna le midang a ding a nutsieh hi puo’n a. Zie lalgam chengcheng hi hihgawp in, hih mang zaw’n tin, kumkhuo’n ding zing ina.

DANIEL 7:14

A kawm achun thuneihnate, lopinate, leh leng thilhih theihnate chuh piek ahi a, mitin te, namtin te, leh pautin te chun a na sep sak un au. A thuneihna chuh kumlekhuo’n um in tin, bei ngei talo ding ahi a, lalgam chun tawp ni neita puo’n a.

2 SAMUEL 7:16

Chun, na inkuon leh na gam chu kumlekhuo a hihdet hi’n tin, na lalchutphah chule kumlekhuo a hihdet hiding ahi,’ a tii,” ti’n Lalpa thu ahung tung a.

DANIEL 7:27

Tichun, lei chunga lalgam chengcheng thuneihna leh lopina chuh, Chungnung pên pa Pathien mite kawma chuh piek hi ta’n a. A lalgam chuh tâwp ta puo’n tin, lei chunga vaihawmte chengcheng in a nau sep sak un tin, a thuu zawp ta’n au.” ti’n.

DANIEL 2:35

Tichun, thikte, bellei te, sumeng te, dangkaguote leh sanate chuh a bawnin a gawp dimdem ta a, nipi laia phuol a buhsi kithit bang mai in a um ta a. Huih in ziehaw chuh a tawkmang ta a, a umnau mun himhim het ahi ta puoi. Himahleh suong, milim delh khum pên chuh tâng lienpi a hung suok a, tichun lei pumpi hi a dim ta a.

HEBRAI 1:8

Chapa chungchâng thu achun Pathien in ziehi a gen a hii: “Aw Pathien, na Lalgam chuh kumkhuotuong a um ding ahi; Dikna leng tiengkhut chule Na gam leng tiengkhut chuh ahi ngâl a,

JEREMIA 23:5

“Ngaitiem u! David dinga bâk diktak ka seldawk sak hun ding chuh hungtung ding ahi, tih hi Lalpa kamsuok ahi. Amah chuh leng in chu’n tin, chingthei takin hih ina. Chuleh, gamsung ah dikna leh kitûpna um sak ina.

ISAI 37:32

A suokcha umsunte chuh Jerusalem apat chun chiehdawk untin, chun, Zion tâng achun a suokcha te chuh cheng un au; Bangkim hihthei Lalpa phatchuom ngaihna chun zie chuh hih ding ahi ngâla.

ISAI 16:5

Zie tieng chuleh David suonte khat chuh leng in hung pang intin, a mite chuh ginum tak leh, lungsietna’n vai hun hawmsak ina. Thil dik chuh kintakin hih intin, diktatna hih a a um leh um loh chuh, phatak in entup ina.

SAM LEHKHABU THE PSALMS 2:8

Ei ngên in, khutichun na go luoh dingin namtin hun pie’ng ka ting, Kâwlmawng tâwp chan in na go dingin hun pie’ng ka.

2 LENGTE 19:31

Jerusalem apat leh, Zion tâng apat in, a na thi mâwk um ngêi ding ahiu ui. Lalpa’n zie chu um ngêi dinga a na gensa ahi tai.

THUPHUON 19:11

Chun, van kihawng ka mu a; ngaitie! sakawl kâng leh, a chunga chu, “Taksanum leh Diktak,” a tih uh chule ka mu a; amah chun diktat takin vai a hawm a, a do sek hi.

MATTHAI 1:23

“Ngaitie, nungak thiengtho chuh gai intin, chapa hing intin, a min dingin Immanuel sa’n au,” ti a a gen kha. (Zie chuh “I kawmah Pathien a um” tihna ahi.)

JOHAN 12:34

Mipite chun a dâwng u a, “Ka Dan Lehkhabuu chun, Krista chuh kumlekhuo’n hing zing ina, ti’n ei hilh a puo! Aleh, bangti dana, nangin Mihiem Chapa hi khaihkang a um ding ahi na tih a? Zie Mihiem Chapa chuh kuo a hi?” a tiu a.

HEBRAI 7:24

Himahleh, Isu chuh kumlekhuo a a hin zing ziekin, a thiempu hihna nasep chuh san theih loh in a neih zing zawk ahi tai.

ISAI 2:4

Chun, amah chun namte kal ah vaihawm intin, a chemzâmteu chuh lei lehna dingin sêk un tin, a tiengchateu chuh theikung vathahna chemcha dingin sêk un au. Nam khatin nam khat do dingin chemzâm pan ta puo’n tin uh galdo dân le zil diek ta puo’n au.

ISAI 11:1

Jessai bulsum chuh hung seldawk in tin, a zung apat in a bâk khat hung seldawk ina.

ISAI 26:11

Aw Lalpa, na khut chuh na dawmsang a, himahleh a mu ngâl puou a; amahvang chuh, mite dinga na phatchuomngaihna chuh muu untin, zakcha ta’n au; ahi, nang hun dote chuh mei in kângtum ina.

ISAI 40:10

“Entie, Lalpa Pathien chuh thilhih theihna a vaihawm dingin a hung a, a bân chun a sik in vaihawm intin, entiem u, a kipahman chuh a kawmah a um hi; a ditna chule a masangah um ina.

ISAI 42:13

Lalpa chuh sepaih hattak guolin, galdo dingin a pawt a; kido dinga kisazo leh ngaklah takin, kidona aw leh, gâl thawmte suohdawk in, a melmate chunga chun a thilhih theihna a latsak ta a.

HAGGAI 2:9

Zie In lopi nunung zaw hi a masa sang khan lopi zawn tin, zie tak achun chamna leh thamuonna pie’ng ka” Lalpa’n a tii.