ISAI 9:3 - PATHIEN LEKHABU THIENGTHO (BSI)

³ Chun, namte chuh na supung a, a kipahnau le na sukpun sak ta a. Buh ât laia a kipah guol un na thilhih achun a kipâk u a, gâllâk thilte a kihawp lai bangun.

ISAI 9:3 ပူးပေါင်းရင်းမြစ်များ

SAM LEHKHABU THE PSALMS 119:162

Na thu haw ahin ka lawp hi, Thil lopi tak gâllâk a mu tawbang in.

1 PETER 1:8

Amah chuh, mu khalo mah leu chin le na hehpih uh a, amah chuh tuhin mulo mahleu chin le, na taksang uh a, khutichun, kipahna nasatak leh lopi tak, thu maia gen theih loh chun na lawp uh a;

ISAI 26:15

Himahleh, Aw Lalpa, namte chuh na supung a, ka namteu chuh na supung ta a, nang chuh lopina piek in na um ta a, gamgite cheng chuh na keklien ta a.

ISAI 66:10

Jerusalem hehpih chengcheng te haw, Jerusalem chuh kipahpih unla! nang haw zie khawpi lungsiet chengcheng te chuh lawp unla! Tuhin, a chunga lungkham cheng chengte chuh kipâk un.

ISAI 65:18

Himahleh, ka thilsiem a chun kumlekhuo’n lawp leh kipâk in um un. Jerusalem thak ka siem chuh lawpna’n dim intin; a mite le kipâk takin um un au.

ISAI 35:10

Tichun, Lalpa tatsate chuh vaikit un tin, lasa kawm in Zion chuh tung un tin; a lu chung u achun kumsawt kipahna um in tin, lawpna leh kipahna chang tau in tin, lungkham leh dahna cheng bei ta’n a.

1 SAMUEL 30:16

Chun, a kawma a vak puihsuk leh, ngaitie, Philistia gam leh Juda gama pat gâllâk thil tamtak a lak ziekun a neu in, a dâwn un, a lam u a, kithehzâk zeng zung zieng u a.

LUKE 11:22

Himahlele, a sanga hatzaw’n a hun do a, a zawh tieng leh, a In neipa kivenna gâlvan cheng chuh a chuhthâk saka; tichun, a sum a lâksak chuh a hawmzak sek hi.

SAM LEHKHABU THE PSALMS 4:7

A buh u leh a uain uh a pun kuoma a kipahnau sang a, Kipahna nasa zaw ka lunggil a hin nei kawih saka.

PHILIPPI 4:4

Lalpa achun kipâk zingun, ti kit zel sek ka, kipâk un!

ZEKARIA 10:8

“Saisilit ing ka ting, amau haw chuh sam khawm ing ka. Amau haw chuh hukdawk ka ting, a na pun tâk bangun hung pung zel un au.

ZEKARIA 8:23

Zie nihaw achun hiti hi hung hi’n tin, namtin apat mi sawm te chun Juda mi khat chuh a puonmawng in tuzui un tin, a kawmah, ‘Pathien na kawmah a um hi tih, ka het ziekun, kei un le na chiehna achun hun zui ung kau,’ ti’n au,” a ti a.

ZEKARIA 2:11

Zie hun tieng chuleh, namtin in Lalpa lam hun zuon tau un tin; a mite hung hi ta’n au. Na laku ah cheng ing ka ting, tichun, na kawm u ahin amah ngêi in ei sawl ahi tih he ta’n la.

HOSEA 4:7

“A pun phawt u leh, ka chungah a gilo deuh deuh u a, a lopinau chuh zahchâkna suoh sak ing ka.

JEREMIA 31:7

Lalpa chun, “Jakob a dingin kipâk in la sau unla, nam lopite lak achun kiko dawk un, phuongdawk unla, pakchau un, aw Lalpa chun Israel nutsieh a um te hi na hukdawk tai,” tiu in.

ISAI 61:10

Lalpa achun nasa takin kipâk ing ka ting, ka lungthim le ka Pathien chung ah kipâk in a; amah chun hukdamna puon ei silh saka, diktatna puonâk chuol in ei thuom ta ngâla. moneipa chuh pakchavui a a kithuom a, mo chuh sana khite a a kichei bangin.

ISAI 61:7

Na zahchâknau leh na muolphonau thasang in a lehnih in muu un na tin, na zahchâkna gûn u khan na chantawk u ah lâwpin lasa’n lau; zieziekchun, na gam u chuh a lehnih in luoh un na tin; kumsawt kipahna chuh nanguh a hi ta’n a.

ISAI 55:12

“Lawp takin pawtdawk un na tin uh; thamuong taka puihkit in um un lau. Na masang uh achun tâng lien leh tâng neute chun la sa’n kiko dawk un tin, chun, gammânga thing cheng chengte chuh kipaka kiko in khutbeng un au!

ISAI 54:1

Aw chîng, nang cha hing khalo! himahleh, tuhin kipâk takin la sa’n kiko in! Pasal neinu chate sang chun, thawmhau nu chate chuh a tam zaw ngâl u a! Lalpa’n a tii.

ISAI 35:2

Paklun thieithuoi un tin, kipâk taka lasa’n lawp ina; Lebanon tângte banga hawih leh Karmel leh Sharon phai banga lei pha hi ta’n a. Mitin in Lalpa lopi na chuh muu untin, a lopina leh a thilhih theihna chuh mu ta’n au.

ISAI 25:9

Chun, zie ni chuleh, “Entiem u, zie hi I Pathien uh ahi! Amah chuh ka na ngak uh a, ei hukdawk theih na dingin. Amah chuh Lalpa chuh ahi! Amah chuh ka taksang uh a, ei hukdam tâk ziekin, a hukdamna ahin tuhin kipâk in lawp hitiu,” ti’n au.

ISAI 12:1

Zie ni chuleh, mipite chun la sau un tin, “Aw Lalpa ka chungu ah a na lungna ta mahleh chin, a kawmah kipahthu gen ing kau, tuhin na lungnat chuh a hai ta a, nangin nei thamuon ahi ta hi.

SAM LEHKHABU THE PSALMS 107:38

Amau haw chuh a vangsak sek a, khutichun nasa takin a hung pung sek u a; A gancha hawu chuh a kiem a phal puoh a.

NEHEMIA 9:23

A suonteu chuh van a aksi zat in na supung a, a luoh ding uh gam a pileputeu kawma na tiem a chun na puilut ta a.

VAIHAWMTE 5:3

Aw nanguh lengte haw, a na ngaithau inla; Aw nanguh lawiupate haw, na bil uh a na dawh un. Keimah ngêi in Lalpa pahchakna la sa’ng ka ting, Lalpa Israel te Pathien pakcha’n la sa’ng ka.

NASEPTE 8:8

Chun, zie khawpi achun kipahna nasatak a um ta a.

JOB LEHKHABU THE BOOK OF JOB 12:23

Namte chuh a hihpung a, a subei zel a. Namte chuh a hihlien a, tichun, amau haw chuh a puimang zel a.

ISAI 65:14

Ngaitiem u, ka suokte chun lungthima kipah ziekin lawp takin la sau un tin, nang haw vang chuh lunggil a na lungkham ziekun kap un na tin; thagau a na lungkham ziekun khuoisa vungvung un lau.

THIEMPUDANTE 26:13

Kei hi Lalpa na Pathien uh, a suok uh na hih loh na ding u a, Aigupta gam apat a hun puidawkpa chuh ka hi; na namkawlteu chuh ka subawng a, chang taka dingin ka hun chieh sak hi” ti’n.

VAIHAWMTE 7:22

Chun, mi zathum te chun pengkun a vak mût phet u chun, Lalpa’n a melmateu sepaih haw chuh amau leh amau chemzâm in a kisattuoh sak ta a; tichun, sepaihte chuh Zerara lama Beth-shita tiengin, Tabath kienga Abel-meholah gamgi tiengin a taisie tau hi.

VAIHAWMTE 8:12

Chun, Midian leng nih Zebah leh Zalmuna chuh a taisie tau a; amah chun a delhzui a, a mana, sepaihte chengcheng chuh a subuoi vengvung mai ta a.

ISAI 10:26

Oreb suongpi a Midian te a thah lai u bang khan, Sepaihte Lalpa chun amah gawtna dingin sepna chuh chawktho intin, a mawlh chuh tuisuohgiet chunglam ah lâm intin, Aigupta gama a lap bang khan zêp ina.

ISAI 14:5

Lalpa chun minunsie mawlh chuh a hih bawng tai; vaihawmte lengmawlh ngêi chuh;