ISAI 9:19 - PATHIEN LEKHABU THIENGTHO (BSI)

¹⁹ Sepaihte Lalpa chuh a lungnat ziekin gam chuh a kâng sie a, mihaw chule meia tih ding thing tawbang ahiu a; kuoma’n amah suohpihte a hâwi puou hi.

ISAI 9:19 ပူးပေါင်းရင်းမြစ်များ

MIKA 7:2

Pathien mite chuh leichung a hin a mangthai u a, mi diktat kuomah a um ta puoh a; thisan suoh ding mai ngaihtuoh in a chângthau a; mitin in amah suohpihte chuh len a mat a guo chiet tau hi.

MIKA 7:6

Chapa’n a pa a suminsie a, chanu chun a nu thu a nielkalh a, mo in a talpi a kinakpih a; mihing melma chuh a in sung mi ngêi ahiu hi!

2 PETER 2:4

Chun, Vânsâwlchâkte’n thil a sukkhelh lai uh khan, Pathien in a hâwi puoh a, gawtmun ah a paih lut vek a, a chungthuu chuh vainung leh tan sak dingin a sit a, kawkhuk thim ah a khum tai.

NASEPTE 2:20

Nisa chuh hung thim intin, Tha thisan hung suok intin; Lalpa Ni lopitak leh minthang tak chuh a hungtun ma’n,

MATTHAI 27:45

Chun, sun an nêk phat apat vaimim huonphat gei in gam pumpi chungah thim a hung zing ta a,

AMOS 5:18

Lalpa ni utchate haw, na chung uh a gik hi! Bangati a, Lalpa ni utcha? vak hilo in thim ahi zaw ngâl a.

JOEL 2:2

Thimna leh vannîm ni, meizin ni leh thim sah ni hi’n tin; Tang chunga meipi thim zeng zung a kai bangin, khaupe hawn hattak, masanga a na um khalo leh, tunung lele um talo hiel ding chuh hung leng un tin, tâng chuh phalvak in a tuom bangin hun tuom un au.

EZEKIEL 9:5

Chun, adang haw kawm achun ka hetna ngêi ah, “A nunga khun khawpi chu tawh viel unla, khut thau in, muh khelh nei kiu inla lungsiet hiel kiu in.

JEREMIA 13:16

Lalpa na Pathien u chuh limbawl unla, thim a hun tunsak ma a mielzul a tâng chung haw a na keng uh na suih mau hin, vak na kinep lai tak un thim a hung tunsak a, thim sah tak mai chuh siem ding ahi.

ISAI 60:2

Ngaitie, lei chung hi thim in khuh intin; thim sah tak chun mipite chuh khuh ding ahi a; himahleh, Lalpa chuh na chungah vak intin; A lopina vak chun hun salh ding ahi.

ISAI 24:6

Zieziekchun, lei hi Pathien in hansie a buok khum ta a, a luohte thilhih ziek ngeia thiemloh chansakin a um tai. Zieziekchun, atawm deuh deuh u a, mi tawmcha mai nutsieh in a um tau hi.

ISAI 13:18

A thalpiteu chun a tangvalteu chuh kap un tin, a chasen hawu chuh lungsietna mawng mawng nei puou in tin, a mit hawu achun naupangte lungsietna um puo’n a.

ISAI 13:13

Khutichun, van khu sulîng ing ka ting, Kei, sepaihte Lalpa lungnat ziekin, ka lungnat etsakna ding chun, lei hile a umna mun chawn hiel khawpa suklîng in um ina.

ISAI 13:9

Ngaitie, gam hih mangthai ding leh, zie migilote chuh a sung apat a hih mangthai dingin, Lalpa ni chuh lungnatna leh thangtawmna nasatak tawh hungtung ding ahi.

ISAI 8:22

Chun, leituol en untin, lungkhamna leh thimna, lungngai a nguina chuh hi’n tin, tichun, thim sah tak lak ah nawhmang in um in au.

ISAI 5:30

Zie ni chuleh tuisuohgiet gi hum hum bangin a chung u ah gi hum hum un au. Tichun, mi’n gam chuh a vak et u chun, thimna leh lungzînna ngenin dim intin, vak chule meipi’n lieh thim ina.

ISAI 1:31

Chun, mihat tak chule buhpawl bang hita’n tin, a nasep chuh meisi tawbang hi’n a; tichun kâng khawm un tin, a phelh mit ding kuomah um puo’n au.

ISAI 3:5

Khutichun, mite chuh kisugimthei tuoh un tin, mitin a guolte leh a invengteu tawh kisugimthei tuoh un au; khanglaite chuh upate chungah zahlo takin um un tin, mi manloh te’n le mi zahumte chuh zah diek puo’n au.

ISAI 4:4

Lalpa’n vaihawmna thagau leh kâkthienna thagau a Zion chanute buokna a silngim a, Jerusalem a thisan suohna zieka buokna cheng a sawpngim tâk ziekin Zion a umte leh Jerusalem a umte chuh “Thiengtho” tih hita’n au.

ISAI 5:24

Zieziekchun, meikuong in buhpawl a kâktum duok duok sek bang leh, hampa gaw chuh meikuong a a tum zungzung sek bangin, a zung haw chuh muot intin, a pak haw chuh leivui bangin lengto lak lak ina; sepaihte Lalpa dân chuh a deihloh u a, Israel Mi thiengtho thu chuh a ngaihdau ziekun.

ISAI 10:6

Gâllâk la ding leh, thil lâksak ding leh khawlai buonthuok banga tawh dingin amah chuh Pathien zahlo nam do dingin sawl ing ka ting, ka lungnatna mite do dingin thu pie’ng ka.

ISAI 26:11

Aw Lalpa, na khut chuh na dawmsang a, himahleh a mu ngâl puou a; amahvang chuh, mite dinga na phatchuomngaihna chuh muu untin, zakcha ta’n au; ahi, nang hun dote chuh mei in kângtum ina.

ISAI 33:14

Zion a mi gilote chuh a lau tau a, Pathien neilote chuh lau in a kithing sie tau a “Zie tawbang mei mi kangtum thei lak ahin kuo a ding zo ding? Zie tawbang mei kumlekhuo a kuong zing apat hin kuo a hing dawk thei ding?” ti’n.

ISAI 42:25

Zieziekchun, a lungnatna thilhih theihna chuh I chungu ah a um ta a; Kidona tizat-um tak I thuok tau a; A lungnatna chuh Israel te lak ah mei guolin a hung kuong zak ta a, himahleh, bang ahim tih le I he puou a; bangmah le I het dawk lawh diek puou hi.

EZEKIEL 20:47

Simlam a gammâng kawm achun, ‘Lalpa thu hi ngaitha’n! Lalpa Pathien chun hiti hin a tii: Ngaitie, na sung ah mei chawhkuong ing ka ting, na sunga thing hing chengcheng leh thing gaw chengcheng chuh katum vek ina: meikuong puotpuot chuh mit puo’n tin, sim apat a mâl chanin ana do guo chengcheng chuh katum ina.

JOEL 2:3

A malam u leh a nung lam u chuh a kâng thieng zela; a masang u a gam chuh Eden huon bang himahlele, a khel tieng u leh thalek gamgaw a suok zel a, bangmah sit a nei puou hi.

OBADIA 1:18

Jakob inkawte chuh mei hiu un tin, Joseph inkawte chuh meikuong hiu untin; Esau inkawte chuh buhpawl tawbang hiu untin, amau haw lak ah kuong intin, katum vek un au: Esau inkawte chuh a suokcha um hiel puo’n au, Lalpa chun a ti ngâla.

ZEKARIA 11:6

(“Lei chunga chêngte hi lainat lo ding ka hi ngâl a, Lalpa’n a tii; chun, ngaitiem u! mi cheng chuh a invengpa khut leh, a lengpa khuta chu pie ding ka hi: tichun, gam chuh susieu intin, a khut u apat in hukdawk puo’ng ka,”)

MALAKI 4:1

Ngaitiem u, ni chuh hungtung ding ahi, “Mi kiletsakte leh mi gilote chengcheng buhpawl banga a kâktum ni hungtung ding ahi tai! Zie ni chuleh, katum vek in tin a zung leh a bâkte le sit hiel puo’n a, Bangkim hihthei Lalpa chun a tii.

THIEMPUDANTE 26:26

Na nek muh na lampiu hun suktan sak ing ka ting, zie tieng chuleh, numei sawm in thuk khat ah chângthâk kang untin, na chângthâk u chuh teh det det in hun pie kit untin, neu in na tin un vah diek puo’n lau.

ZEKARIA 11:9

Chun, a kawmuh achun, “Nanguh chingpa hi puo’ng ka, a thi ding chuh thi hen la, sukmangthai a um ding chuh, sukmangthai in um mai hen. Chun, a thi mâwk cheng chuh, amau taksa kinetuoh u hen,” ka ti a.