ISAI 9:17 - PATHIEN LEKHABU THIENGTHO (BSI)

¹⁷ Zieziekchun, Lalpa chun, a tangvalteu chuh taihdawk sak puo’n tin, a nauchagahteu leh meithaiteu chule lungsiet diek puo’n a; a bawn u a Pathien zahlo mi leh thil phalo hihte a hih chiet ziekun, kam pau cheng chun la thu manloh a gen chiet ngâl u a. Khuti khawpa a hihsa chun le, a lungnat chuh a hai diek puo a, gawt dinga a khut thâk chuh a châwl diek puoi.

ISAI 9:17 ပူးပေါင်းရင်းမြစ်များ

JEREMIA 18:21

Zieziekchun, a chateu chuh kiel in thih sak inla, chemzâm a thah in um u hen. A ziteu chuh cha bei in, meithai in um sak in la, a pasal teu hipi’n thiu hen la, a tangval teu le kido na chemzâm in thah hiu hen.

ISAI 10:6

Gâllâk la ding leh, thil lâksak ding leh khawlai buonthuok banga tawh dingin amah chuh Pathien zahlo nam do dingin sawl ing ka ting, ka lungnatna mite do dingin thu pie’ng ka.

ISAI 5:25

Zieziekchun, Lalpa lungnatna chuh a mite chungah a kuong dawk a, gawt dingin a khut chuh a chungu ah a tha a, amau haw chuh a zêp a, tichun, tângte chuh a kilîng dul dul a, a thi luongteu chuh khawlai dung vel achun ninpa bangin a um lemlum a. Khuti khawpa a bawlsa chun le, a lungnat chuh a hai diek puoh a, a khut a tha tei tei nalai hi.

MATTHAI 12:34

Gûl suonte haw! bangti’n a gilo zing puma thilpha na gen theih ding uh? Lungthima dimlet chuh kam in a gen dawk sek a puo!

ISAI 27:11

Thing bawkte chuh hung vuoi tha’n tin, bawng intin, tichun, numeite’n meia tih dingin chawm khawm un au. Mipite chun bangmah het theihna mawng mawng a nei puou a, a siempau Pathien in lungsietna leh a chung u a zahngaihna himhim latsak ta puo’n a.

ISAI 9:12

Saklam panga Suria leh thanglam panga Philistia te chun Israel te ne zo dingin a kam uh a kau a. Khutibanga a bawlsa chun le Lalpa lungnat chuh a tâwp diek puoh a; amau haw gawt dingin a khut a tha zing nalai hi.

ISAI 10:4

Kidona a thah ahim, a hihloh leh sala puih a him in um inla. Khuti khawpa a hihsa chun le Lalpa lungnat chuh a hai diek puo a, gawt dingin a khut a tha zing nalai hi.

ISAI 9:21

Manasseh mite leh Ephraim mite chuh kido un tin, a nih u chun Juda do khawm un au. Khuti khawpa a hihsa chun le, Lalpa lungnat chuh a hai diek puoh a, gawt dingin a khut a tha zing nalai hi.

SAM LEHKHABU THE PSALMS 147:10

Amah chuh sakawl hatna ah a kinga puoh a; Mihiem keng thahatna haw ale kipahna a nei puoi.

MATTHAI 16:3

Chuleh, zingkal a hih tieng leh, ‘Tuni’n khuo sie ding ahi, kâwlmawng a san a, a thim hi,’ na ti sek ui. Van umchan na hechien thiem ngâl u a, himahlele hun melchikna haw chuh na he chien thei puou.

ZEKARIA 9:17

Ahi, zie ni chuleh a gam chuh bang tawbang pheta gam pha leh hawih a hi ta dem! Buhlebal in tangvalte chuh suthanuom intin; uain thak te chun nungakte chuh suthanuom ta’n a!

MIKA 7:2

Pathien mite chuh leichung a hin a mangthai u a, mi diktat kuomah a um ta puoh a; thisan suoh ding mai ngaihtuoh in a chângthau a; mitin in amah suohpihte chuh len a mat a guo chiet tau hi.

EZEKIEL 20:33

“A hin a ka hin sung chuh, khut hât tak leh bân zak kawm leh lungna kawmin na chung u ah vaihawm ing ka, Lalpa Pathien chun a tii.

JEREMIA 5:1

Jerusalem kawtthêl achun a suk ato in taiviel unla, en un, melchik unla, a lamlien ningkawi tin chuh hawl un, thil dik bawla thudik hawl mi khat bêk na muh u leh Jerusalem chuh ngaidam ing ka.

ISAI 65:19

Jerusalem chung achun kipâk ing ka ting, ka mite chung ale kipâk ing ka ting. A sung achun kah thawm het hita puo’n tin, beidawng te kiko git le zak hi ta puo’n a.

ISAI 62:5

Tangval in nungak thiengtho zi a a neih sek bangin, Nang hun siempa chun hun kichên pih ding ahi. Chun, moneipa chuh mo chunga a kipah bangin, Na Pathien chuh na chungah kipâk ding ahi ta ngâl a.

ISAI 13:18

A thalpiteu chun a tangvalteu chuh kap un tin, a chasen hawu chuh lungsietna mawng mawng nei puou in tin, a mit hawu achun naupangte lungsietna um puo’n a.

ISAI 10:2

Mi chagahte hung phatna ding chuh na nang chak u a, meithaite leh pa neilote thil neih na lâksak u a.

ISAI 1:4

E! nam gilo, manlohna a dim, thil phalo tak hih sek leh, migilo na hi! Na gitlohna chun a hun hihniem a Lalpa Israel Pathien thiengtho chuh na deih puoh a, amah chuh na kiheimangsan uh a, na nungchawn tau hi.

JOB LEHKHABU THE BOOK OF JOB 15:34

Pathien ngaihsak lote kivawpkhawmna chuh gahsuoh puo’n tin, Gawlhgukna puon-In te chuh mei in ka-tum in a.

SAM LEHKHABU THE PSALMS 109:12

A chunga zahngaihna latsak ding kuomah um kiu henla; Pa neilo a chate chuh a lainat ding kuomah um kiu hen.

ISAI 3:8

A lopina mit tunsak dingin, a kamsuok u leh a thilhih u chuh Lalpa deihloh lam ahih ziekin Jerusalem chuh a sie zo a, Judate chuh a puk zo ta ngâl a.

ISAI 14:20

Na gam na hihsiet a, na khuoletuite na thah ziekin, leng dangte vuih guola vuih in um puo’n la na suonte chuh kumlekhuo’n hing puo’n au.

ISAI 24:5

Lei hi a chunga chêngte ziekin a pawlhcheh zo ta a; Pathien danhaw chuh a bawhsieu a, kumlekhuo a thugawlh chuh a bawhsiet tâk ziek un.

ISAI 31:2

Amah chuh a pil a, sietna a tun sak sek a; a thugen chuh a zukkik ngei puoh a, mahleh, thil phalo hihte chuh hun do ngêi ngêi intin; thil phalo lama mi ana panpihte chuh gawt ngêi ngêi ding ahi.

ISAI 31:3

Aigupta mite chuh Pathien ahi puou a, mihing mai ahiu hi; a sakawlteu chuh thagau ahi puoh a, phehlevo mai ahi ngâl a; tichun Lalpa’n a khut a thâk tieng leh, namte chuh puksieu un tin, a panpihte chule puk untin; a bawn u chun beimang khawm un au!

ISAI 40:30

Khangdawng laite nasan le chau in puk un tin uh, tangval thahat laite le puktha kêi un au:

AMOS 4:10

“Aigupta gam bangin, na laku ah hipi ka hun sawl a, chemzâm in na tangvalteu chuh ka that ta a, na sakawlteu ka puimang ta a: chun, na sepaihteu giehmun namsie chuh, na nâk uh a nam khawp hielin ka umsak a: khutisa chun le ka kawmah na hung vaikit puou,” Lalpa chun a tii.

AMOS 8:13

Zie ni chuleh, nungak hawih lai leh tangval hatlaite nasan chuh dangchâk in thidang un tin,

ISAI 5:24

Zieziekchun, meikuong in buhpawl a kâktum duok duok sek bang leh, hampa gaw chuh meikuong a a tum zungzung sek bangin, a zung haw chuh muot intin, a pak haw chuh leivui bangin lengto lak lak ina; sepaihte Lalpa dân chuh a deihloh u a, Israel Mi thiengtho thu chuh a ngaihdau ziekun.

ISAI 33:11

Buhsi chuh nau guolin vawp in na tin un, buhpawl hing un lau; na huu a na hat u chuh nang hun katum ding mei ahi.

ISAI 33:12

Mipite chuh sunu-suong kihal tawbang hin na tin uh, lingbuk kisattha a kihal vam bang hi’n lau, a ti a.