ISAI 9:12 - PATHIEN LEKHABU THIENGTHO (BSI)

¹² Saklam panga Suria leh thanglam panga Philistia te chun Israel te ne zo dingin a kam uh a kau a. Khutibanga a bawlsa chun le Lalpa lungnat chuh a tâwp diek puoh a; amau haw gawt dingin a khut a tha zing nalai hi.

ISAI 9:12 ပူးပေါင်းရင်းမြစ်များ

ISAI 5:25

Zieziekchun, Lalpa lungnatna chuh a mite chungah a kuong dawk a, gawt dingin a khut chuh a chungu ah a tha a, amau haw chuh a zêp a, tichun, tângte chuh a kilîng dul dul a, a thi luongteu chuh khawlai dung vel achun ninpa bangin a um lemlum a. Khuti khawpa a bawlsa chun le, a lungnat chuh a hai diek puoh a, a khut a tha tei tei nalai hi.

2 KHANGTHUBU 28:18

Zie hun chun Philistia te chun thanglam pang tâng bula khawpi te leh simlam a Juda te chu a do u a. Beth Shemesh khawpi te a lau a, Aijalon leh Gederoth te leh Soko khawpi te, Timnah khuo te leh Gimzo leh a khawpelte a lau a, tak achun a cheng den tau a.

SAM LEHKHABU THE PSALMS 79:7

Jakob chuh a ne zo u a, A umna chuh a sugam ta ngâl u a.

2 LENGTE 16:6

Zie lai mah chun, Suria leng Rezin chun Elath khuo chu a la kit a, Judate chu Elath khuo apat in a nawhdawk a. Suria te chun Elath khuo chu a va luoh u a, tuni tieng hin a um zing tau hi.

JEREMIA 10:25

Nam dang mi, nang hun hekha lote chung leh na min sam khalote chungah na lungnat na sungtha’n. Jakob a ne zo u a, ahi a ne zo u a, a ne bei tau hi. A chênna gam chuh hawmngawn in a kawih tau hi.

ISAI 10:4

Kidona a thah ahim, a hihloh leh sala puih a him in um inla. Khuti khawpa a hihsa chun le Lalpa lungnat chuh a hai diek puo a, gawt dingin a khut a tha zing nalai hi.

ISAI 9:21

Manasseh mite leh Ephraim mite chuh kido un tin, a nih u chun Juda do khawm un au. Khuti khawpa a hihsa chun le, Lalpa lungnat chuh a hai diek puoh a, gawt dingin a khut a tha zing nalai hi.

ISAI 9:17

Zieziekchun, Lalpa chun, a tangvalteu chuh taihdawk sak puo’n tin, a nauchagahteu leh meithaiteu chule lungsiet diek puo’n a; a bawn u a Pathien zahlo mi leh thil phalo hihte a hih chiet ziekun, kam pau cheng chun la thu manloh a gen chiet ngâl u a. Khuti khawpa a hihsa chun le, a lungnat chuh a hai diek puo a, gawt dinga a khut thâk chuh a châwl diek puoi.

JEREMIA 35:11

Chun, hiti hi a hung hi a, Babulon leng Nebuknezar in gam a hun do lai khan, keihaw chun, Kaldai sepaihte leh Suria sepaihte lauh ziekin Jerusalem ah chieh hitiu, ka tiu a. Tichun, Jerusalem ahin ka na cheng tau hi,” a tiu a.

JEREMIA 4:8

Zieziekchun kawlladip silh unla, kap unla, khuoisa vungvung un. Lalpa lungnat na huoisie tak mai chuh I lak u apat in akithiel puoh ngâla.

DAN NIHNA 31:17

Khutichun, zie tieng chuleh a chung u ah ka lungnatna kuong intin, thahtham ing ka ting kiselmangsan ing ka. ting, sukmangthai hi’n tin un, tuohsie leh haksatna tamtak a chung u ah tung ina; khutichun, zie ni chuleh, I Pathien un ei umpih loh zieka zie thil phalo haw hi I chung u a tung hilo ahim, tiu in tin.

ISAI 11:14

Tichun, amau nih chun, thanglam a Philistia te do khawm un tin, suohlam mite chuh buluh khawm un au. Edom leh Moab te chunga chun a khut uh thau untin, Amon suonte chun a thuu zawp ta’n au.

EZEKIEL 6:14

Khutichun, a chung u ah ka khuttha’ng ka ting, gamthip apat Diblah chanin a chênna gam cheng u chuh gamgaw suoh sak in bangmah keh lohna’n siem ing ka ting: Khutichun, kei hi Lalpa chuh ka hi tih hun he tan au,” ti’n.

EZEKIEL 16:27

Zieziekchun, ngaitie, na chungah ka khut ka tha a, na gam luoh ka suneu a, na melmate, na hûk dân hun zahchâkpih, Philistia chanute kawm achun a nawp nawp uh a hun lawh dingun ka hun pie tai.

ISAI 31:1

Aigupta panpihna hawla chieh te! Aigupta sepaih hatna leh sakawl leh a kangtalai te leh, sepaihte chunga kingate, Lalpa Israel Pathien thiengtho chunga kinga lote chuh a chung uh a gik hi!

JEREMIA 15:7

Gamsung a khawpi kawt haw a chun, amau haw chuh buhsi bangin ka zap a, cha bei in ka siem a; ka mite chuh ka sumang a, a umdan uh a kisik diek puou hi.

HOSEA 7:10

Israel mite chapona chun amau mah a do a. Himahleh, khutisa chun le Kei, Lalpa a Pathien uh lam hi a hun nga diek puou a, amah chuh a hawl diek puou hi.

AMOS 4:6

“Chun, Ken le na khawpiteu chengah kiel ka tun sak a, na mun chengcheng u ah tâksapna ka tunsak a, khutisa chun le ka kawmah na hung vaikit puou hi,” Lalpa chun a tii.

AMOS 4:8

Khutichun, khawpi nih ahim thum ahim chuh, khawpi dangah tui dâwn dingin a vak u a, a khawp diek puou a, khutisa chun le ka kawm lam ah na hung vaikit nuom puou ui,” tih hi Lalpa kamsuok ahi.

AMOS 4:9

“Gawtna leh apna’n nanguh ka hun gawt a, na huonteu, na grep huonteu, na theipi kungteu, na olive thingteu cheng chuh thingnget lung chun a ne zo vek ta a: khutisa chun le ka kawmah na hung vaikit nuom puou hi,” Lalpa’n chun a tii.

AMOS 4:10

“Aigupta gam bangin, na laku ah hipi ka hun sawl a, chemzâm in na tangvalteu chuh ka that ta a, na sakawlteu ka puimang ta a: chun, na sepaihteu giehmun namsie chuh, na nâk uh a nam khawp hielin ka umsak a: khutisa chun le ka kawmah na hung vaikit puou,” Lalpa chun a tii.

AMOS 4:11

“Sodom leh Gomorra khuo Pathien in a sukchip lai bang khan, na lak uh a khenkhat ka suchim a, meikuong laka thingkhuoh lâkdawk bang na hiu a: khutisa chun le ka kawmah na hung vaikit puou ui,” Lalpa chun a tii.

ZEPHANIA 1:6

Kei ei kiheimangsan a, ei zui lote leh, amau haw pui dinga ei dawng lote chuh sumangthai ding ka hi,” ti’n.

ZEPHANIA 3:2

Lalpa thu a ngaitha nuom puoh a, a thamuonna a deih diek puou a. Lalpa chuh a taksang puou a, a Pathien lam a naih puou hi.