ISAI 8:7 - PATHIEN LEKHABU THIENGTHO (BSI)

⁷ Ngaitie, Lalpa chun, Luipi tui khauh takte leh tamtak, Asuria Leng leh a thahatna chengcheng chuh Juda chungah luon sak ka ting, tichun, Euphrates luipi lien, a lui panga let zui zui bangin hung um ina.

ISAI 8:7 ပူးပေါင်းရင်းမြစ်များ

AMOS 9:5

Leisiet khawih a, hihlingpa chuh, Lalpa, sepaihte haw Pathien chuh ahi ngâl a! zie a um chengte chuh lungkham un tin, Nile Luipi bangin hung lien intin, Aigupta Luipi bangin hung kiem kit ina.

AMOS 8:8

Zieziek hin gam chuh kilîng in, a sunga cheng taphawtte chuh lungkham lo ding ahiu em? Ahi, lui bangin hung lien vek intin; Aigupta gama Nile luipi bangin hung lien in, hung kiem ina.

ISAI 7:20

Zie ni chuleh Lalpa’n sakawlbakcheh kikhel, Luipi gâl lama Asuria leng um chuh mang in, khabemul leh luchang a sam leh taksa chunga mul chengcheng le met nâm vek in a.

ISAI 7:17

Ephraim in Juda a taihsan ni apat a thil tung ngeilo nite chuh, Lalpa’n na chunga leh, na khuo leh tuite chunga leh, na pa inkawte chunga chun tunsak in a, Suria Leng ngêi chuh hun pui ding ahi.

THILSIEMBUL 6:17

Ngaiin, keimah ngêi in lei ahin tui let sak ing ka ting, phehlevo nei, amau a hinna hu nei taphawt chuh vannuoi apat in sumang ding ka hi; lei a thil um tincheng hi thi vek in au.

THUPHUON 17:15

Vânsâwlchâk mah chun ka kawmah, “Nawhchizuoknu chutna tui na muh te khah, namte, mipite, chitin te leh pau tinte hi ahiu hi.

NAHUM 1:8

Himahleh, tui kinawk nasa tak guolin, a melmate chuh a sumangthai vek a; Amah dodal taphawtte chuh thimna’n a delhzui sek hi.

DANIEL 11:22

Chun, a masang a sepaihhawn chu tawhmang in um untin, kek nêl un tin, ahi, thuthun lawiupa chan in.

DANIEL 11:10

“Himahleh, a chapate chuh kido dingin nasa takin hung kiguo thak kit untin, sepaihhawn tampi sam khawm un au. A lak u a khat chun tui kinawk guolin a melmateu kulh chuh nawh in a.

DANIEL 9:26

Zie hun chuh a hung tâwp tieng leh, Pathien tel ngêi leng chuh diklo taka thah in um in a. Leng dang thil hihthei tak sepaihte chun hun do untin, khawpi leh Jerusalem chuh suksiet in um in a. A tawpna chuh tuilien bangin hung intin; Pathien in a guonggalhsa, kidona leh sietna chuh hungtung in a.

ISAI 59:19

Tichun, tumlam a chêngte chun Lalpa min chuh lau tau intin, suohlam a chengte chun a lopina chuh lau un un au. Amah chuh huih hattak leh tuipi hattak guolin hung ding ahi ngâla.

ISAI 28:17

Chun, diktatna chuh a tehna khau in mang ing ka ting, ginumna chuh a etzawnna’n mang ing ka,” ti’n. Lepchieh thu kihumbitna a neite chuh giel in sep mang kêi intin, a kisêlna mun hawu chuh tui haw chun chup mang vek ina.

SAM LEHKHABU THE PSALMS 72:8

Amah chun tuisuohgiet apat tuisuohgiet dang tiengin-vaihawm in a, Luipi apat kâwlmawng tieng in le.

LUKE 6:48

In sapa, thuk taka laia, suongpi chunga suong vuih tuok bang chuh ahiu hi; tui ahung lien a, zie In chuh a hun nam a, himahlele, phataka sak a hih ziekin a tawi puoi.

EZRA 4:10

Mi thupi leh zahum Osnapper hun puidawk, Samari khawpi leh Luipi gala gamdang haw leh mun dang danga um namte tawh ahiu hi.

2 LENGTE 19:32

“Ziehi ahi, Lalpa’n Asuria leng chungchâng a na gen chuh: ‘Amah chu, zie khawpi hi hungtung puo’n tin, zie taka hin thalchang khatchale kap dawk diek puo’n a. Sepaihte chu phaw te tawh a khawpi kieng ah hung diek puo’n au, a khuo kimvel ahin panmun le sep diek puo’n au.

ISAI 10:5

Nang Asuria lengpa, ka lungnatna khetbuk, ka lunghihlohna mawlh chawipa.

ISAI 10:16

Zieziekchun, Sepaihte Lalpa chun a mi thaute laka chun natna sawl intin, a taksau chung achun meikuong zing bang hin, mei tihin um ina. Mei chuh Israel vak Pathien chuh ahi a;

ISAI 11:15

Tichun, Lalpa chun Aigupta Tuisuohgiet ningkawite chuh hihsie vek intin; Euphrates luipi chule a huih lum peppup chun hih kang ina. Luicha sagih suoh theih khawp in zêp intin, mite chuh kêngpêk le chek lo in chieh kaih sak ina.

ISAI 28:2

Ngaitie, Lalpa chun mihat, thilhih thei tak a nei a; amah chuh giel nasatak kie zungzung, huihpi thil susie gei gui bang leh, tuilien nasatak, let zuoh zuoh bang mai in, lei ah paih tha’na.

ISAI 43:2

Tuite na palkaih tieng u leh, kei na kawm u ah um ing ka ting; luipite na palkaih tieng uh lele, na buoinau chun hun chup puo’n a. Mei a na chiehpai tieng u lele, hun katum puo’n tin, meikuong in hun ka diek puo’n a.

JEREMIA 47:2

Lalpa chun hiti hin a tii: “Ngaitiem u, mâllam a kipatin tui a hung lien a, a kuong haw achun tui hung luong let in tin; a gamsung chuh hung chup suok ding ahi, a sunga um chengcheng te tawh; khawpi leh a sunga cheng te leh mi haw chuh hung kap untin, gama mi haw chuh kap in pêng tuk tuk un au.

JEREMIA 51:42

Babulon chuh tuipi’n achup tai, a kinawk nasa tak chun a khuh zo tai.

EZEKIEL 26:19

Lalpa Pathien chun hiti hin a ti ngâla, “Khawpi hawmngawn, kuomah luoh loh khawpi guola ka hun siem a, tui thuk taka na tum manga, tui nasatak in a hun chup tieng leh,

MIKA 1:9

A liemte chuh sukdam theih ahi puoi, Juda gam chun thuok tei ding ahi ta ngâl a; ka mite chênna Jerusalem kawtkhak hiel le a tung ta ngâl a,” ti’n.

MIKA 5:5

Chun, ziehi I kichamna dinguh hi’n a; Asuria ten I gam uh a hun do u a, I lal In hawu a hung tawh tieng leh amah do dingin belampu sagih leh mi lopi tak tak giet kiteldawk hitiu.

SAM LEHKHABU THE PSALMS 46:4

Lui khat aum a, zie ka haw chun Pathien khawpi chuh a sukipak sek hi, Chungnung pên pa um na mun thiengtho chuh.

ISAI 28:15

“Thihna kawmah thu na gawlh tau a, thihna khawvel tawh thu na tiem tau hi! Manthaina tui lien let chuh a luon pai tâk lele, keihaw tiengin hung luong puo’n a; lepchieh thute ka kihumbitna dingun ka mang u a, lepchieh nuoi ah ka kisel ta ngâl u a,” na tih ziekun.

MIKA 5:4

Amah a hung tieng chuleh, Lalpa apat a hatna leh, Lalpa Pathien lopina ngêi chun, a mite vaihawm sak ina. Lei chung pumpi a mi chengcheng in a lopina chuh a het tâk ziekun, amau chuh bit takin um zing un tin; amah chu lei tâwp chanin lopi ding ahi ngâla.