ISAI 8:20 - PATHIEN LEKHABU THIENGTHO (BSI)

²⁰ Amau haw chuh hiti hin dâwng un, “Lalpa hun sinsakna hi ngaithau in! Dawithiemte chuh dawng kiu in, a thugen u chuh bangmah phatchuomna bei ahi,” ti’n dâwng un.

ISAI 8:20 ပူးပေါင်းရင်းမြစ်များ

2 PETER 1:19

Zieziekchun, thiemgaute thu genlawk haw akhan muonna det zawsem ka neih uh ahi. Zie chuh, na lunggil uh a Zingsawl aksi a hung vak masang sieh in, khawvak ma a thaumei vak tawbang in zie thu chuh na lungthim uh salhvakna’n mang leu chin pha ding ahi.

ROME 1:22

Ching a kingai in, mi ngawl a hung hi tau a,

JOHAN 5:39

Pathien Lehkha thu na sim gunchuh sek ui. A sung ah kumkhuo hinna um ina tih na ginchak ziekun. Zie lehkha thu haw chuh ka chanchin hetsak pên chuh a hi ngâl a.

NASEPTE 17:11

Zie taka mihaw chuh Thessalonika khuo a mite sang chun a na pha zawu a. Khutichun, lungthim kipâk takin thu chuh a pawm u a, a thugen u chuh a dik leh dikloh hetna’n, ni chengin Pathien Lehkhabu ah a hawl sek u a.

MALAKI 4:2

Himahleh, nang haw ka thupiek zawpte ding chun, Dikna ni hung suok in tin, a thate a sukdamna tawh. Tichun, chieh dawk in na tin un, bâwngno a a kul a kithahdawk bang in khanglien un lau.

MIKA 3:6

“Nang thiemgau, na nite bei ding ahi tai! na chungah nisa tum ding ei tai! Ka mite na puihkhelh ziekin, thiemgaute’n kilâkna a muh uh chuh mu ta puo’n na tin, bangmah genlawk theih nei diek ta puo’n la,” ti’n.

JEREMIA 8:9

Miching te chuh zakcha leh lungkie’n a um a, mat in um untin ngaitiem u, ka thu chuh a paih thak ziekun. A mau achun bang chitna a um em?

ISAI 8:16

Hetsakna thu kiziel hi kân inla, Dan thu hi ka sinsakte lak ah nam in, tiemteh in.

THUCHINGTE 4:18

Himahleh, mifel lampi chuh zing khawvak bang ahi a, sun chang lai tak bangin a vak hawih deuh deuh hi.

SAM LEHKHABU THE PSALMS 119:130

Na thu hilhchet hin mite a suvak a; Mi mawl haw chuh a hetthiem sak sek hi.

2 PETER 1:9

Kuole, zie thil haw neilo chuh mitdûk a hi a, naicha a mi ngen a mu thei a, a malai gitlohna haw apat sukthiena um ahi tai tih a hengilh sek hi.

MATTHAI 22:29

Isu’n a kawm u ah, “Pathien lehkha thu leh Pathien thilhih theihna na hetloh ziekun na ngai khiel sek uh ahi.

MATTHAI 6:23

Amahvang chuh, na mit uh a siet le vang, na sapumpiu chuh thim suok ina. Khutichun, nangmau a vak chuh thim hi taleh thim chuh a nasa na ding e!

HOSEA 6:3

Lalpa hetna chuh delh zel hitiu, hêi tingun,Lalpa chuh het guo tai tiu. Zingkal a khuo hung vak zel tawbang leh, guoh tui in lei a chapchêk bang hin matheilo in I kawm u ah hung in a.”

ISAI 1:10

Sodom vaihawmte haw, Lalpa thu ngaithau inla; Gomorra mite haw I Pathien uh dân thu ahin bil dawh un.

LUKE 10:26

Isu’n a dâwng a, a kawmah, “Dan lehkhabu ah banga kizik? Zie tak achun banga na sim sek?” a ti a.

SAM LEHKHABU THE PSALMS 78:5

Jakob achun a thuguot chuh a phut det a, Israel kieng ah dân a guot a, Ziehaw chuh ei suonteu kawmah thupiek in a pie a, Amau chun zie thu chuh a suonteu kawma a hetsak dingun.

ISAI 8:22

Chun, leituol en untin, lungkhamna leh thimna, lungngai a nguina chuh hi’n tin, tichun, thim sah tak lak ah nawhmang in um in au.

JEREMIA 6:16

Lalpa chun hiti hin a tii, “Lampi pang haw achun ding unla en un. Lampi pha umna lamluite chuh dawng un la, zie tak achun chieh unla, na thagau u a dingin chawlhna mu’n lau,” ti’n. Himahleh, amau in vang, “Zie lampi chuh hawh puo’ng kau,” a tiu a.

EZRA 10:3

Khutichun hung tiem u, I leng pau thupiek dungzui leh I Pathien thupiek a kilang taphawtte lemguot bang zel in, zie a I ziteu leh amau a hung pieng taphawt chuh khen tha dingin, I Pathien kawm u ah thugawlh siem hitiu; tichun, zie chuh dân dungzui a hih hi hen.

MARK 10:3

Amah chun a kawm u ah, “Mosi’n bang thu a hun pie?” ti’n amau haw chuh a dawng a.