ISAI 7:4 - PATHIEN LEKHABU THIENGTHO (BSI)

⁴ Kigingpha ding leh, thipkêi a um a, lau lo leh buoi lo hiela um dingin hilh in. Leng Rezin leh, Suria te leng Pekah lungnat chuh meikhuoh thi vangvang sanga lauh-um lo zaw ahi a,

ISAI 7:4 ပူးပေါင်းရင်းမြစ်များ

ISAI 35:4

Lunggil a lauthawng te kawma chun, “Hattak in um inla, lau kiu in! Ngaiun, na Pathien chuh phuba la dingin hung intin, hun hukdawk ding ahi!” tiu in.

SUNNA LA 3:26

Zieziekchun, eihaw a dingin thuok hattak a Lalpa ngak a, I hukdamna dingu a ngak chu aphai.

ISAI 30:15

Lalpa Pathien, Israel Mi thiengtho chun, “Vaikit un la, muong takin ei gingcha mai leu chun; hukdam in um in na tin un; thipkêi in ei gingcha mai leu chin hung hât un na tin, bit un lau,” a ti a. Himahlele, na nuom ngâl puou a.

DAN NIHNA 20:3

‘Aw, Israel te haw, ngaiun, tuni hin na melmateu do ding na hi tau a, lungkie kiu inla, lau kiu in; tiza kiu inla, a masang u ah taisie kiu in,

MATTHAI 24:6

Chun, kido thu leh kido thuthang hun zan lau, na lungzîn lohna dingun chingthei un; ziehaw chuh a hungtung ding him ahi; himahlele, a tawpna chuh hi tadih puo’n a.

ZEKARIA 3:2

Chun, Lalpa’n Setan kawm achun, “Aw Setan, Lalpa chun hun gai zaw hen: Ahi, Lalpa Jerusalem tel pa chun hun gai he’n! Ziehi, meikuong laka pata thingkhuoh lâkdawk tawbang hilo ahim?” a ti a.

2 KHANGTHUBU 20:17

Zie kido na hi na do uh ngai puo’n a: pan mun khawh unla, ngak mai un, nang u lam a pang Lalpa hukdam na chu en zing mai u, Juda mite leh Jerusalem mite: lau kiu inla, lung le lungthuoi diek kiu in, zing leh do ding inkuon dawk un, Lalpa chu nang haw lam ah a pang ngâl a,” a ti a.

AMOS 4:11

“Sodom leh Gomorra khuo Pathien in a sukchip lai bang khan, na lak uh a khenkhat ka suchim a, meikuong laka thingkhuoh lâkdawk bang na hiu a: khutisa chun le ka kawmah na hung vaikit puou ui,” Lalpa chun a tii.

ISAI 30:7

Aigupta te chun la bangmah panpih theihna a nei puou a. Zieziekchun, Aigupta min ding chuh, ‘Mi suna lo Gulpi,’ ka sa ta a,” ti’n.

ISAI 10:24

Zieziekchun, Lalpa sepaihte Lalpa chun Zion a umte kawmah, “Aigupta gama a hun bawl bang u khan, khetbuk a hun khên in, a mawlh chuh na chungah lek mahleh, Asuria mite chuh lau kiu in.

ISAI 8:4

Naupang chun, ‘Henu,’ ‘Hepa,’ tihna châng a hun het ma’n le, Damaska hauhsak nate leh, Samari gâllâk sumte chuh Asuria leng chun kipuok mang ding ahi ngâl a,” a ti a.

ISAI 7:8

Suria chuh Damaska sangin a hatzaw puoh a, Damaska chuh Rezin sangin a hatzaw diek puoh a, kum sawmgup leh kum nga beih ma’n, Ephraim chuh chi tih kham loh a um dingin suksiet in um vek ina.

1 SAMUEL 17:32

Chun, David chun Saul kawmah, “Amah ziek hin kuomah lungkie kiu hen; na suok hi chieh intin zie Philistia pa chu va do ina,” a ti a.

MATTHAI 10:28

Chuleh, sapum that a thagau that theilo haw chuh lau kiu in la; zie sang chun, Gehen a thagau leh sapum sumang thei vang chuh lau zawu in.

ISAI 41:14

Nang tangtel tawbang chauh Jakob, nang ganhing neu tawbang Israel, himahleh, lau kiu inla, hun panpih ding ka hi. Kei, Israel Pathien Thiengtho, a hun hukdawktu chuh ka hi ngâl a.

ISAI 7:1

Chun, Juda leng Uzziah chapa, Jotham chapa Ahaz lal lai chun, kidona a hung um a. Suria leng Rezin leh Israel leng Remalia chapa Pekah chun Jerusalem a do u a, himahlele, a zo thei puou hi.

ISAI 7:9

Chun, Ephraim luchang chuh Samari ahi a, Samari luchang chuh Remalia chapa phet ahi ngâla. Na ginchak nawp loh u chun, hihdet in um hiel puo’n lau va tih,” ti’n.

ISAI 37:6

Isai chun a kawm u ah, Na puu kawma chuh hiti ahih na gen dinguh ahi: “Lalpa chun hiti hin a tii, ‘Asuria leng suokte apat na thu zak a hun gensietnau kha na lauh loh ding ahi.

2 LENGTE 15:27

Juda leng Uzziah chun, kum sawmnga leh kum nih vai a hawm kum chun, Remalia chapa Pekah chun Israel te chungah, Samari khuo ah, vai a hawm pan a, kum sawmnih vai a hawm a.

ISAI 8:6

“Zie mite hin Shiloh a tui awlcha a luong del del te chuh a deihloh ziek u leh, Rezin leh Remalia chapa Pekah chunga a kipah ziek un.

HABAKKUK 2:3

Zie kilâkna chuh hun guot sung a ding chauh ahih ziekin, a tâwp chuh tung pai ding ahi a, thâwn puo’n a. Chanchûm tak guolin kilang mahleh, ngak in, hungtung ngêi ngêi ding ahi a, sawt hal ta puo’n a.